Apocalipsis 4:4 - Q'eqchi Bible

⁴ Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.

Li Santil hu

⁴ Ut chi xjun sutam li lokꞌlaj cꞌojariba̱l cuanqueb ca̱hib xcaꞌcꞌa̱l chic li cꞌojariba̱l. Ut aran cꞌojcꞌo̱queb li ca̱hib xcaꞌcꞌa̱l li queꞌcꞌamoc chak be chiruheb laj pa̱banel. Sak li rakꞌeb ut cuanqueb xcorona oro saꞌ xjolomeb.

Apocalipsis 4:4 ပူးပေါင်းရင်းမြစ်များ

Apocalipsis 11:16

Toja' naq li kaahib' xka'k'aal chi cheekel winq k'ojk'ookeb' sa'eb' li xk'ojarib'aal chiru li Yos, ke'xhupub' rib' ut ke'xloq'oni li Yos, yookeb' chi xyeeb'al:

San Mateo 19:28

Kixye li Jesus reheb': —Relik chi yaal ninye eere naq sa' li ak' ruuchich'och', naq taak'ojlaaq li K'ajolb'ej sa' li xloq'laj k'ojarib'aal, laa'ex ajwi' li xextaaqenk we texk'ojlaaq sa' kab'laju chi k'ojarib'aal ut texraqoq aatin sa' xb'eeneb' li kab'laju xteepal aj Israel.

Apocalipsis 4:10

eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:

Apocalipsis 7:11

Ut chixjunileb' li ánjel li xaqxookeb' chire li k'ojarib'aal, chi xsutam eb' li cheekel winq ut li kaahib' chi yo'yookeb', ke'xhupub' rib' chiru li nimajwal k'ojarib'aal ut ke'xloq'oni li Yos,

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

Apocalipsis 5:14

Ut eb' li kaahib' chi yo'yookeb' ke'xye: “Jo'kan taxaq!”. Toja' naq eb' li cheekel winq ke'xhupub' rib' chi loq'onink.

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

San Lucas 22:30

re naq texwa'aq tex'uk'aq chire linmeex sa' linnimajwal wankilal ut texk'ojlaaq sa'eb' li k'ojarib'aal chi raqok aatin sa' xb'eeneb' li kab'laju xteepal aj Israel”.

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

Apocalipsis 19:4

Toja' naq li kaahib' xka'k'aal chi cheekel winq ut li kaahib' chi yo'yookeb' ke'xhupub' rib' ut ke'xloq'oni li Yos, li k'ojk'o sa' li xnimajwal k'ojarib'aal, naq yookeb' chi xyeeb'al: “Amén, aleluya!”.

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Salmos 21:3

Xak'e re li b'arwan xraj li xch'ool ut ink'a' xaram chiru li xtz'aama aawe.

Apocalipsis 19:14

Ut eb' li k'iila teep chi choxahil aj puub' tiqtookeb' rik'in chaab'il liino saqsaq ru, yookeb' chi xtaaqenkil ut k'ojk'ookeb' chaq chirix saqi kawaay.

Apocalipsis 6:11

Toja' naq kik'ehe'k jun li saqi aq' re li junjunq ut kiyeemank reheb' naq che'oyb'eninq wan chik kach'inaq toj taatz'aqloq li xk'ihaleb' li rech aj k'anjelil jo'wi' li xk'ihaleb' li riitz'in li tento te'kamsiiq jo'eb' a'an.

Apocalipsis 9:7

Eb' laj saak' chanchan rilb'aleb' li kawaay kawresinb'ileb' cho'q re sachok; sa' xjolomeb' wankeb' chanchan koroon yiib'anb'il rik'in oor, ut li xnaq' ruheb' jo' xnaq' ru winq.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Ester 8:15

Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

Apocalipsis 4:6

Chiru li nimajwal k'ojarib'aal wank kama' li palaw saqen saqenk ru, chanchan li krixtal. Ut sa' xyi li k'ojarib'aal jo'wi' chi xsutam wankeb' kaahib' li yo'yookeb', nujenaqeb' chi xsa' uhej, jo' chiruheb' jo' ajwi' chirixeb'.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Apocalipsis 5:11

Ut sa' li moy u kiwab'i xyaab'eb' xkux li k'iila ánjel chire li nimajwal k'ojarib'aal jo'wi' chi xsutam li yo'yookeb' ut eb' li cheekel winq, k'iila mil o'q'ob' chi o'q'ob' li xk'ihaleb',

Apocalipsis 14:3

Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.