Apocalipsis 3:8 - Q'eqchi Bible

⁸ Ninnaw laab'aanuhom. K'e reetal, xink'e jun li okeb'aal teeto chawu ut maa'ani naru chi xtz'apb'al; xb'aan naq, us ta kach'in ajwi' laakawilal, ab'an xak'uula sa' laach'ool li waatin ut ink'a' xinaatz'eqtaana.

Li Santil hu

⁸ Aꞌan yo̱ chixyebal e̱re chi joꞌcaꞌin: La̱in ninnau chanru nak cuanquex. La̱in xinte li oqueba̱l che̱ru ut ma̱ ani naru ta̱tzꞌapok re. Ninnau nak incꞌaꞌ cau e̱rib. Abanan incꞌaꞌ xine̱tzꞌekta̱na. Junelic ban nequeba̱nu li cꞌaꞌru ninye.

Apocalipsis 3:8 ပူးပေါင်းရင်းမြစ်များ

1 Corintios 16:9

xb'aan naq xteemank chiwu jun nimla okeb'aal re naq taa'uuchinq aran link'anjel, us ta naab'aleb' li xik' neke'ilok we.

Colosenses 4:3

Chextijoq ajwi' chiqix laa'o re naq li Yos chixte taxaq rokeb'aal li Aatin chiqu, re xpuktesinkil resil li xmuqmuukil na'leb' li Kriist. Sa' xk'ab'a' a'an wankin sa' tz'alam;

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

2 Corintios 2:12

Naq xinwulak Tróada, li Qaawa' xte chiwu jun nimla okeb'aal re xpuktesinkil li xChaab'il Esil li Kriist,

Hechos 14:27

Ut naq ke'wulak, ke'xch'utub' li Iklees ut ke'xseeraq'i reheb' chixjunil li kilajxb'aanu li Yos rochb'eeneb' ut chanru naq kixte li rokeb'aal li paab'aal chiruheb' li maawa'eb' aj Judiiy.

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

San Lucas 12:9

Ab'an li taatz'eqtaananq we chiruheb' li tenamit, taatz'eqtaanaaq ajwi' a'an chiruheb' li x'ánjel li Yos.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

San Juan 17:6

“Xink'ut anihat laa'at chiruheb' li winq li xawisiheb' sa' ruuchich'och' ut xak'eheb' we. Aaweheb' naq xe'wank ut xak'eheb' we, ut xe'xk'uula laawaatin sa' xch'ooleb'.

Apocalipsis 3:15

Ninnaw laab'aanuhom; moko kehat ta chi moko tiqat. Us rajan kehat ta malaj tiqat taxaq!

Apocalipsis 22:7

“K'e reetal, tinchalq chi seeb'. Us xaq re li ani naxk'uula sa' xch'ool li raatin propeet wankeb' sa' li hu a'in!”.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

1 Timoteo 5:8

Li ink'a' naxk'oxlaheb' li xkomon, ut xb'een xb'een eb' li wankeb' sa' li xjunkab'al, a'an xtz'eqtaana li xpaab'aal ut yib'ru li xna'leb' chiru li ink'a' napaab'ank.

2 Timoteo 4:7

Xintz'aqonk sa' li xchaq'alil ru yalok u, xinraqe'k chi aanilak, xink'uula linpaab'aal.

Apocalipsis 3:1

“Tz'iib'an rik'in li x'ánjel li Iklees li wank Sardes: «A'in naxye li wank wuqub' chi xmusiq' li Yos rik'in ut li wuqub' chi chahim. Ninnaw laab'aanuhom; yo'yookat naq neke'xye, ab'an kamenaqat.

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

San Juan 15:20

Jultikaq eere li aatin xinye eere: «Laj k'anjel moko nim ta xwankil chiru laj eechal re». Wi xine'xrahob'tesi laa'in, jo'kan ajwi' naq texb'aanu eere; wi xe'xk'e xch'ool chirix li waatin, jo'kan ajwi' naq te'xk'e xch'ool chirix leeraatin laa'ex.

Proverbios 30:9

Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.

Daniel 11:34

Naq yooqeb' chi oso'k, moko k'iheb' ta li te'tenq'anq reheb', ut naab'aleb' te'xjunaji rib' rik'ineb', yal re naq us te'elq.