Apocalipsis 3:7 - Q'eqchi Bible

⁷ “Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Li Santil hu

⁷ Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

Apocalipsis 3:7 ပူးပေါင်းရင်းမြစ်များ

Isaías 22:22

Tinq'axtesi sa' ruq' li xlaawil li xjunkab'al laj David: wi a'an natehok, maajun chik taatz'apoq; wi a'an natz'apok, maajun chik taatehoq.

San Mateo 16:19

Tink'eheb' aawe li xlaawil li xnimajwal wankilal li choxa: li taab'ak' sa' ruuchich'och', b'ak'b'ooq ajwi' sa' choxa, ut li taahit sa' ruuchich'och', hithooq ajwi' sa' choxa.

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

Li xHu LAJ JOB 12:14

Wi A'an najuk'uk, ink'a' chik naru xkab'lankil; wi junaq nachape'k xb'aan li Yos, maa'ani chik naru taa'ach'ab'anq re.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Lucas 1:32

A'an nimaq xwankil ut ralal li Nimajwal tixk'ab'a'in. Li Qaawa' Yos tixk'e re li xk'ojarib'aal laj David li xyuwa'.

San Marcos 1:24

—K'aru wank qe aawik'in, at Jesus aj Nazaret? Ma xatchalk chi qajuk'b'al? Ninnaw anihat laa'at: a' li xsantil Alal li Yos, chan.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Hechos 3:14

Laa'ex xetz'eqtaana li Sant, li Tiik xch'ool, ut a' chik xetz'aama naq chik'ehe'q eere jun aj kamsinel.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

San Lucas 4:34

—K'aru wank qe aawik'in, at Jesus aj Nazaret? Ma xatchalk chi qajuk'b'al? Ninnaw anihat laa'at: a' li xSantil Alal li Yos, chan.

Isaías 55:5

K'e reetal, taab'oqeb' li tenamit ink'a' aanawom ruheb', ut te'chalq aawik'in eb' li poyanam ink'a' xnawomeb' aawu sa' xk'ab'a' li Qaawa' laaYos, li xSant laj Israel, li xk'ehok aaloq'al.

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

Isaías 48:17

Jo'ka'in kixye li Qaawa', laj Kolol aawe, li xSant laj Israel: “Laa'in li Qaawa', laaYos; laa'in nink'ut chawu li k'aru us cho'q aawe ut nakatinb'eres sa' li b'e tento taak'am.

Isaías 47:4

Li Nimajwal Yos, li xSant laj Israel, laj Kolol qe kixye chi jo'ka'in:

Isaías 41:20

re naq chixjunil li ruuchich'och' tixnaw, tixtaw ru ut tixnaw xyaalal naq laa'in li Qaawa' xinb'aanunk re a'in; laa'in li xSant laj Israel xinyoob'tesink re rik'in linwankil.

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Isaías 6:3

Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Salmos 145:17

Tiik xch'ool li Qaawa' sa' chixjunil, ut chaab'il xk'a'uxl rik'in jo'nimal li naxb'aanu.

Salmos 89:18

Xb'aan naq laa'at li xloq'al ut li xkawilaleb'; sa' xk'ab'a' laawusilal naqataqsi li qilob'aal.

Li xHu LAJ JOB 11:10

Wi li Yos tatxk'e sa' tz'alam ut tatxb'oq sa' raqleb'aal aatin, ani taaramoq chiru?

Apocalipsis 21:5

Toja' naq li k'ojk'o sa' xb'een li nimajwal k'ojarib'aal kixye: “K'e reetal, laa'in tin'ak'ob'resi chixjunil”. Kixye ajwi': “Tz'iib'a, xb'aan naq eb' li aatin a'in tz'aqal yaal ut paab'ajel”.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Apocalipsis 16:7

Ut kiwab'i jun xyaab' kuxej sa' li artal yo chi xyeeb'al: “Relik chi yaal, at Qaawa', at Nimajwal Yos, xatraqok aatin sa' tiikilal ut rik'in yaal”.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Apocalipsis 2:1

“Tz'iib'an rik'in li x'ánjel li Iklees li wank Éfeso: «A'in naxye li wank li wuqub' chi chahim sa' xnim uq', li nab'eek sa' xyi li wuqub' chi xna'aj kanteel ooro.

Isaías 30:11

Elenqex chiqu ut meetaaqe chik li chaab'il b'e; ink'a' chik naqaj rab'inkil leeraatin chirix li xSant laj Israel”.

Salmos 16:10

Xb'aan naq ink'a' tinaakanab' sa' xna'ajeb' li kamenaq, chi moko taak'e chi q'aak laawamiiw.