Apocalipsis 3:5 - Q'eqchi Bible

⁵ Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

Li Santil hu

⁵ Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, aꞌan ta̱tikiba̱k riqꞌuin saki akꞌej. Ut la̱in incꞌaꞌ tinsach lix cꞌabaꞌ saꞌ li hu tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut chiru lin Yucuaꞌ ut chiruheb ajcuiꞌ lix ángel, la̱in tinye nak aꞌan cualal incꞌajol.

Apocalipsis 3:5 ပူးပေါင်းရင်းမြစ်များ

San Mateo 10:32

“Yalaq ani taayehoq chiruheb' li tenamit naq naxnaw wu, tinye ajwi' laa'in naq ninnaw ru chiru linchoxahil Yuwa'.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

San Lucas 12:8

“Laa'in ninye eere: Yalaq ani taayehoq chiruheb' li tenamit naq naxnaw wu, jo'kan ajwi' li K'ajolb'ej tixye naq naxnaw ru chiruheb' li x'ánjel li Yos.

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Salmos 69:28

Chatiq xkomon li xmaa'usilaleb' rik'in maa'usilal; ink'a' ta chik che'tz'aqonq sa' laakuyum.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Filipenses 4:3

Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am.

Apocalipsis 19:8

ut xk'ehe'k re li xtiqib'ankil rib' rik'in chaab'il liino saqpotz'in”. Li liino a'an li xchaab'il b'aanuhomeb' li sant.

Malaquías 3:17

Toja' naq li Nimajwal Yos kixye: “Yookin chi xkawresinkil jun li kutan, b'arwi' a'aneb' tz'aqal intenamitaqeb' wi' chik, ut tinkuy li xmaakeb' jo' naq jun li yuwa'b'ej naxkuy xmaak li ralal li nak'anjelak chiru.

Apocalipsis 22:19

Ut wi ani wank k'aru trisi reheb' li raatin propeet wankeb' sa' li hu a'in, li Yos tixmaq' chiru li b'arwan taatz'aq wi' raj rik'in li che' nak'ehok yu'am jo'wi' sa' li santil tenamit, a' li tz'iib'anb'il resil sa' li hu a'in.

Apocalipsis 3:4

Ab'an toj wank wankeb' aawik'in aran Sardes li ink'a' xe'xtz'ajni li raq'eb'; eb' a'an te'b'eeq wochb'een chi saq li raq'eb', xb'aan naq xk'ulub'eb'.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

Salmos 109:13

Che'oso'q ta chi junajwa eb' li ralal xk'ajol; che'sache'q ta li xk'ab'a'eb' sa'eb' li kutan chalkeb' re.

1 Samuel 17:25

yookeb' chi xyeeb'al: “Ma xeril li winq a'an? Qahob'b'al laa'o naq yo chi k'ulunk. Li ani taakamsinq re, li awab'ej tixk'e naab'al li xb'ihomal. Tixk'e ajwi' li xrab'in, ut ink'a' chik te'patz'e'q xtoj li rech'alal sa' xyanqeb' laj Israel”.

Deuteronomio 9:14

Kanab'in chi xsachb'al ruheb' re naq ink'a' chik taapatz'e'q li xk'ab'a' rub'el choxa. A'ut laa'at tink'eheb' chi tamk laawalal aak'ajol re naq naab'alaqeb' ut q'axal kawaqeb' rib' chiru li tenamit a'in», chan.

San Lucas 10:20

Ab'anan misaho'k sa' eech'ool rik'in naq eb' li maa'us aj musiq'ej neke'paab'ank cheru; chexsaho'q b'an rik'in naq tz'iib'anb'il leek'ab'a' sa' choxa.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Apocalipsis 6:11

Toja' naq kik'ehe'k jun li saqi aq' re li junjunq ut kiyeemank reheb' naq che'oyb'eninq wan chik kach'inaq toj taatz'aqloq li xk'ihaleb' li rech aj k'anjelil jo'wi' li xk'ihaleb' li riitz'in li tento te'kamsiiq jo'eb' a'an.