Apocalipsis 3:14 - Q'eqchi Bible

¹⁴ “Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Li Santil hu

¹⁴ Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Apocalipsis 3:14 ပူးပေါင်းရင်းမြစ်များ

Colosenses 1:15

Li Kriist a'an li xjalam u li Yos li ink'a' na'ilmank ru. A'an li yo'lajenaq xb'enwa chiru chixjunil li yoob'tesinb'il,

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Colosenses 1:18

A'an ajwi' xjolomil li Iklees, a' li xtz'ejwal. A'an li xtiklajik, li xb'een yo'lajenaq sa' xyanqeb' li kamenaq, re naq nimaq xwankil sa' xb'een chixjunil.

2 Corintios 1:20

Chixjunil li kixyeechi'i li Yos, kitz'aqlok ru rik'in li Kriist; jo'kan naq sa' xk'ab'a' A'an naqaye “Amén” re xloq'oninkil ru li Yos.

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Apocalipsis 22:13

Laa'in li Alfa ut li Omega, li xb'een ut li rosob'l, li xtiklajik ut li roso'jik”.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

Jeremías 42:5

Toja' naq eb' a'an ke'xye re laj Jeremías: “Li Qaawa' laaYos a'an tiik xch'ool, ut a'an chikanaaq cho'q testiiw chiqix laa'o wi ink'a' tqapaab' li tixk'e chiqab'aanu.

Isaías 65:16

Jo'k'ihaleb' li te'raj osob'tesiik sa' li tenamit, te'xpatz' rosob'tesinkileb' sa' xk'ab'a' li Qaawa', li Yos q'axal paab'ajel; ut li ani tixye xjurament sa' li tenamit, tixb'aanu sa' ink'ab'a' laa'in, li ninb'aanu li k'aru xinyeechi'i. Relik chi yaal naq li rahilal li kik'ulmank junxil taasachq sa' inch'ool ut ink'a' chik tink'e sa' li waanm.

Proverbios 8:22

“Li Qaawa' Yos kiyoob'tesink we xb'enwa, junxilaj chiru chixjunil li xb'aanuhom.

Apocalipsis 22:6

Moqon li ánjel kixye we: “Paab'ajel li aatin a'in ut tz'aqal yaal. Li Qaawa' Yos li na'eek'asink reheb' li propeet, ak xtaqla chaq li x'ánjel re xk'utb'al chiruheb' li xmoos li k'aru taak'ulmanq chi seeb'”.

Apocalipsis 21:6

Ut kixye we: “Ak xyaalo'k. Laa'in li Alfa ut li Omega, li xtiklajik ut li roso'jik. Ani taachaqiq re, tink'e chi uk'ak chi maatan sa' li yo'leb'aal ha' re li yu'am.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Apocalipsis 2:1

“Tz'iib'an rik'in li x'ánjel li Iklees li wank Éfeso: «A'in naxye li wank li wuqub' chi chahim sa' xnim uq', li nab'eek sa' xyi li wuqub' chi xna'aj kanteel ooro.

Colosenses 4:16

Akaq x'ilmank xsa' li hu a'in sa' eeyanq, chek'e ajwi' chi ile'k sa' li x'Iklees eb' laj Laodicea. Ut li hu xintaqla rik'ineb' laj Laodicea ilomaq ajwi' xsa' laa'ex.

Colosenses 2:1

Nawaj teenaw naq q'axal kaw yookin chi k'anjelak cherix laa'ex, chirixeb' ajwi' laj Laodicea ut chirix chixjunileb' li maji' rilomeb' wu,

Isaías 55:4

Laa'in kinxaqab'ank re laj David cho'q wuuchil chiruheb' li tenamit, cho'q aj k'amol b'e ut aj jolominel reheb' li poyanam.

Génesis 49:3

“At Rubén, xb'eenat li walal, laa'at linmetz'ew ut xb'een ru linwinqilal; laa'at li nim xloq'al ut nim xwankil.

Deuteronomio 21:17

Tento b'an tixk'e sa' xnaq' ru naq li xyum li ixq li ink'a' naxra, a'an li xb'een alalb'ej. Tento tixk'e re li xka' k'ihal chixjunil li k'aru wank re, xb'aan naq li alalb'ej a'in, xb'een ru li xwinqilal, wank xk'ulub' cho'q xb'een alalb'ejil.

Proverbios 14:5

Li tz'aqal testiiw naxye li yaal, ut laj b'alaq', tik'ti' naxye.

San Juan 1:3

Chixjunil ki'uxmank sa' xk'ab'a' a'an ut maak'a' k'a' re ru kiwank chi maak'a' ta a'an.

San Juan 8:14

Li Jesus kixsumeheb' ut kixye: —Us ta ninch'olob' wib', ab'an li ninch'olob' a'an paab'ajel, xb'aan naq ninnaw b'ar xinchalk chaq ut b'ar xik we; a'ut laa'ex ink'a' nekenaw b'ar ninchalk ut b'ar xik we.