Apocalipsis 22:3 - Q'eqchi Bible

³ Maa'ani chik taamajewaaq aran. Li xnimajwal k'ojarib'aal li Yos ut li Karneer taawanq sa' li tenamit a'an, ut eb' laj k'anjel chiru te'loq'oninq re.

Li Santil hu

³ Aran ma̱cꞌaꞌak chic ma̱usilal. Lix lokꞌlaj cꞌojariba̱l li Dios ta̱cua̱nk aran ut ta̱cua̱nk ajcuiꞌ lix lokꞌlaj cꞌojariba̱l li Jun li chanchan carner. Ut eb laj cꞌanjel chiru teꞌlokꞌoni̱nk re.

Apocalipsis 22:3 ပူးပေါင်းရင်းမြစ်များ

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

San Juan 14:3

Ut akaq xkohin ut xinkawresi chaq leena'aj, tinchalq wi' chik ut texink'am wik'in re naq b'ar wanqin laa'in, aran ajwi' wanqex laa'ex.

Zacarías 14:11

Relik chi yaal naq te'wanq poyanam aran Jerusalén ut maajun wa chik taasachmanq li tenamit a'an. Sa' tuqtuukilal chik te'wanq eb' li poyanam, chi maak'a'aq chik xib'esink.

Ezequiel 37:27

Sa' xyanqeb' taawanq linmuheb'aal; laa'inaq li xYoseb' ut a'anaqeb' lintenamit.

Salmos 17:15

A'ut laa'in sa' xtiikilal linch'ool toxwil xnaq' aawu; sa' li wajik, taak'ojlaaq li waanm chi wank chawe chawu.

Salmos 16:11

Taak'ut chiwu xb'ehil li yu'am: k'ajo' xnimal li sahilal chawe chawu, xiikil li saa'us aawik'in chi junelik!

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

San Juan 17:24

“At inYuwa', eb' li xak'eheb' we nawaj naq wanqeb' wochb'een b'arwi' wanqin laa'in, re naq te'xka'ya linloq'al li xak'e chaq we, xb'aan naq xinaara rub'elaj xk'ojlajik li ruuchich'och'.

Deuteronomio 27:26

«Tz'eqtaananb'ilaq li ani ink'a' tixpaab' li chaq'rab' a'in ut ink'a' tixk'anjela ru». Ut chixjunil li tenamit te'xye: «Jo'kan».

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Apocalipsis 7:10

Ut eb' a'an ke'xjap re chi kaw xyaab'eb' xkux: “Li kolb'a ib' nachalk rik'in li qaYos k'ojk'o sa' li xnimajwal k'ojarib'aal, ut rik'in li Karneer”, chankeb'.

San Juan 13:32

Wi li Yos xnimaak xloq'al rik'in li K'ajolb'ej, jo'kan ajwi' li Yos tixnima xloq'al li K'ajolb'ej rik'in, ut tixnima chi junpaat.