Apocalipsis 22:18 - Q'eqchi Bible

¹⁸ Ninch'olob' xyaalal chiruheb' chixjunil li te'ab'inq re li raatin propeet wankeb' sa' li hu a'in: Wi ani tixtiqeb' ru li aatin, li Yos tixteneb' sa' xb'een chixjunileb' li rahilal tz'iib'anb'il sa' li hu a'in.

Li Santil hu

¹⁸ Aꞌan aꞌin li tinye re li ani ta̱abi̱nk reheb li a̱tin li tzꞌi̱banbil saꞌ li hu aꞌin chirix li ta̱cꞌulma̱nk mokon: Cui ani tixqꞌue xtzꞌakob li a̱tin aꞌin, li Dios tixqꞌue li raylal saꞌ xbe̱n joꞌ tzꞌi̱banbil retalil saꞌ li hu aꞌin.

Apocalipsis 22:18 ပူးပေါင်းရင်းမြစ်များ

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Deuteronomio 4:2

Maak'a' teetiq re li texintaqla wi', chi moko wank ta teerisi; teepaab' b'an chixjunileb' li xchaq'rab' li Qaawa' leeYos, jo' chanru tinye eere.

Proverbios 30:6

Maak'e xb'een li raatin li Yos; mare anchal tatxch'iila ut tatxk'e cho'q aj tik'ti'.

Apocalipsis 1:3

Us xaq re li taa'iloq re xsa' li hu a'in. Us xaq reheb' li te'ab'inq re li raatin propeet a'in ut te'xk'e xch'ool chirix li tz'iib'anb'il arin, xb'aan naq li xq'ehil nach' chik wank.

Apocalipsis 22:7

“K'e reetal, tinchalq chi seeb'. Us xaq re li ani naxk'uula sa' xch'ool li raatin propeet wankeb' sa' li hu a'in!”.

Levítico 26:18

“Ab'anan wi toj ink'a' ajwi' tex'ab'inq, laa'in texinrahob'tesi wuqub' sutaq wi' chik xb'aan leemaak.

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Apocalipsis 15:1

Chirix chik a'an kiwil sa' choxa jun chik nimla eetalil ut sachb'ach'oolej rilb'al: wuqub' chi ánjel yookeb' chaq chi xk'amb'al wuqub' chi rahilal te'chalq sa' roso'jik, xb'aan naq rik'ineb' a'an taatz'aqloq ru li xjosq'il li Yos.

1 Ts 4:6

Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan.

San Mateo 15:13

Li Jesus kixsumeheb': —Chixjunil li awimq ink'a' awb'il xb'aan linchoxahil Yuwa' taamich'manq.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 15:6

ut ke'elk chaq sa' li santil ochoch eb' li wuqub' chi ánjel li wan chaq li wuqub' chi rahilal rik'ineb', tiqtookeb' rik'in tz'aqal liino nalemtz'unk, ut b'ak'b'ookeb' li re xch'ool rik'in xk'aamal sa' oor.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

Levítico 26:37

Te'xtich rib' chirib'ileb' rib' kama' tawi' naq yooqeb' chi elelik chiru li nimla yalok, us ta maajun taa'aanilasinq reheb'. Maajun eere taaruhanq chi xkolb'al rib' chiruheb' li xik' neke'ilok eere.

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Apocalipsis 22:9

A'ut a'an kixye we: “Maab'aanu a'in! Laa'in aawech moosil; wech moosileb' ajwi' laawas aawiitz'in propeet ut eb' li neke'xk'uula sa' xch'ool li aatin wankeb' sa' li hu a'in. A' li Yos tento taaloq'on ru”.

Apocalipsis 22:10

Kixye ajwi' we: “Maatz'ap rik'in tz'apleb' li raatin propeet wankeb' sa' li hu a'in, xb'aan naq nach' chik wank li xq'ehil.