Apocalipsis 21:8 - Q'eqchi Bible

⁸ A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Li Santil hu

⁸ Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Apocalipsis 21:8 ပူးပေါင်းရင်းမြစ်များ

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Proverbios 19:9

Li testiiw aj b'alaq' tixk'ul xtojb'al li xmaak; ut li natik'ti'ik, taasachq li xyu'am.

1 Juan 3:15

Yalaq ani xik' naril li ras riitz'in a'an aj kamsinel, ut laa'ex nekenaw naq moko wank ta li junelik yu'am rik'in junaq aj kamsinel ras riitz'in.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

1 Timoteo 4:2

A'in taak'ulmanq xb'aaneb' laj b'alaq' ut eb' laj ka'pak'al u li kamenaqeb' xk'a'uxl, chanchan naq kaaxtinb'ileb' xb'aan laj eechal reheb'.

San Mateo 8:26

Ut a'an kixye reheb': —K'a'ut naq nekexxiwak laa'ex li jwal kach'in leepaab'aal? Toja' naq kiwakliik, kixq'us li iq' ut li palaw, ut ch'anaamil kikanaak.

Apocalipsis 9:21

Ink'a' ajwi' ke'yot'e'k xch'ool chirix li kamsink, tuulak, muxuk ib' ut elq'ak nalaje'xb'aanu.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Proverbios 19:5

Li testiiw aj b'alaq' tixk'ul xtojb'al li xmaak; ut li natik'ti'ik maak'a' naru tixkol wi' rib'.

Deuteronomio 20:8

“Toja' naq eb' laj tz'iib' te'aatinaq wi' chik rik'ineb' li tenamit ut te'xye: «Ani yo xxiw ut nach'inank xch'ool? Xikaq ut sutq'iiq sa' rochoch re naq ink'a' tixch'ina xch'ooleb' li ras riitz'in, jo' naq xch'ina xch'ool a'an», cha'qeb'.

1 Juan 2:22

Ani laj tik'ti'? Ma maawa' tab'i' li nayehok naq li Jesus maawa' li Kriist? A'an a'in laj Tz'eqtaanahom re li Kriist: a' li naxtz'eqtaana li Yuwa'b'ej ut li K'ajolb'ej.

Isaías 9:15

Li cheekel winq ut li nim xwankil, a'an li jolomej, ut li propeet aj b'alaq', a'an li xye.

1 Juan 5:10

Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

Isaías 57:11

“K'a' chi yosil xxib'esink aawe ut xatxiwak xb'aan naq xinaab'alaq'i ut xinsachk sa' laach'ool chi junajwa? Ma yal xb'aan naq maak'a' ninye aawe chalen chaq junxil naq ink'a' xaxiwa wu?

Jueces 7:3

Jo'kan utan, ye reheb' li tenamit naq jo'k'ihaleb' yooqeb' xxiw ut neke'siksotk, che'sutq'iiq sa' rochocheb'”. Chi jo'kan laj Jedehón kixyal rixeb': wiib' xka'k'aal mil (22,000) koheb' ut lajeeb' mil (10,000) ke'kanaak.

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

2 Ts 2:9

Laj q'etol chaq'rab' taachalq rik'in xwankil laj tza naq talaje'wanq xninqal ru b'aanuhom, eetalil ut b'alaq'il sachb'ach'oolej;

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

Tito 1:16

Neke'xye naq neke'xnaw ru li Yos, ut rik'in li xb'aanuhomeb' neke'xk'ut naq ink'a'; tz'i'b'eetaleb' ru, aj q'etol aatineb', ut maak'a' junaq chaab'il k'anjel truuq te'xb'aanu.

Apocalipsis 9:17

Ut jo'ka'in naq ke'xk'ut rib' chiwu eb' li kawaay ut eb' li wankeb' chirixeb': wankeb' xkolb'al li re xch'ooleb' kama' li xam, li jasinto ut li asuupr na'ilok; li xjolomeb' li kawaay kama' xjolomeb' li kaqkoj, ut sa' reheb' na'elk chaq xam, sib' ut asuupr.

Apocalipsis 14:10

taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

San Mateo 25:25

Kinxiwak ut koxinmuq sa' ch'och' laatumin. Il, waye' laatumin».