Apocalipsis 21:6 - Q'eqchi Bible

⁶ Ut kixye we: “Ak xyaalo'k. Laa'in li Alfa ut li Omega, li xtiklajik ut li roso'jik. Ani taachaqiq re, tink'e chi uk'ak chi maatan sa' li yo'leb'aal ha' re li yu'am.

Li Santil hu

⁶ Ut quixye cue: —Xtzꞌakloc ru chixjunil. La̱in li Alfa ut li Omega. La̱in tinqꞌue chi ma̱tan li yuꞌam chi junelic re li ani ta̱raj joꞌ nak ta̱qꞌuehekꞌ chi ucꞌac li ani ta̱chakik re.

Apocalipsis 21:6 ပူးပေါင်းရင်းမြစ်များ

San Juan 4:10

Kichaq'ok li Jesus ut kixye: —Wi nakanaw ta li xsimaatan li Yos ut ani li nayehok aawe: «K'e b'ayaq wuk'a'», laa'at raj xapatz' aawuk'a' re ut a'an tixk'e raj aawe yo'yookil ha'.

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

Salmos 36:9

Neke'xch'oolani rib' rik'in li saa'us wank sa' laawochoch; chanchan xkawil oq li nima', li sahilal nakak'e chi ruk'eb'.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.

Romanos 3:24

Ab'anan neke'xmaatani xtiikob'resinkil xch'ooleb' xb'aan rusilal li Yos, rik'in li kolb'a ib' wank sa' xk'ab'a' li Kristo Jesus.

Apocalipsis 22:13

Laa'in li Alfa ut li Omega, li xb'een ut li rosob'l, li xtiklajik ut li roso'jik”.

Apocalipsis 16:17

Li xwuq li ánjel kixhoy li xsek' sa' iq', ut ki'elk chaq jun xyaab' kuxej sa' rochoch li Yos, wan wi' li k'ojarib'aal, ut kixye chi kaw: “Yaalo'jenaq chik a'an!”.

Isaías 12:3

Chi sa sa' leech'ool teexok leeha' sa'eb' li xyo'leb'aal li kolb'a ib',

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

1 Corintios 2:12

Ut laa'o ink'a' xqak'ul xmusiq' li ruuchich'och', xqak'ul b'an li Musiq'ej li nachalk rik'in li Yos, re naq tqataw ru chixjunil li xqamaatani rik'in li Yos.

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Apocalipsis 10:6

ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Joel 3:18

“Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

1 Corintios 3:12

Ut wi yooko chi kab'lak sa' xb'een li ub'elanb'il a'in rik'in oor, plaat, chaq'alil ru pek, che', pim malaj k'im,

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

1 Corintios 3:21

Jo'kan utan, maa'ani chixnimob'resi rib' sa' xk'ab'a'eb' li winq, xb'aan naq chixjunil li k'a'aq re ru eere laa'ex:

1 Corintios 3:5

Ani laj Apolo? Ani laj Pablo? Yal aj k'anjeleb'. Sa' xk'ab'a'eb' a'an xex'ok chi paab'ank, ut li junjunq xb'aanu li xk'anjel a' yaal chanru xk'ehe'k re xb'aan li Qaawa'.

San Juan 4:11

Kixye li ixq re: —Qaawa', maak'a' k'aru taawisi wi' li ha' ut cham li jul: b'ar put taataw li yo'yookil ha'?

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.