Apocalipsis 21:24 - Q'eqchi Bible

²⁴ Eb' li xninqal ru tenamit te'b'eeq sa' li xkutan saqenk, ut eb' li awab'ej re li ruuchich'och' te'xk'am chaq aran li xb'ihomaleb'.

Li Santil hu

²⁴ Eb li xni̱nkal ru tenamit li teꞌcolekꞌ, teꞌcua̱nk saꞌ cutan saken. Ut eb li queꞌcuan xlokꞌal saꞌ ruchichꞌochꞌ, eb aꞌan teꞌxqꞌue xlokꞌal li tenamit.

Apocalipsis 21:24 ပူးပေါင်းရင်းမြစ်များ

Apocalipsis 22:2

Ut sa' xyi li nimb'e ut chi xka'pak'alil li nima' wank li che' nak'ehok yu'am: kab'laju sut na'uuchink, junq sut rajlal po, ut eb' li xxaq li che' a'in nak'anjelak cho'q xb'aneb' li tenamit.

Apocalipsis 21:26

Aran taaq'axtesiiq li xloq'al ut li xb'ihomal eb' li xninqal ru tenamit.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Isaías 66:18

“Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.

Isaías 60:16

Eb' li tenamit tate'xch'oolani chi chaab'il ut eb' li awab'ej te'xk'e aawe li xb'ihomaleb'; ut taanaw naq laa'in li Qaawa', laj Kolol aawe, li xNimajwal Yos laj Jakob, li xin'isink chaq aawe sa' laarahilal.

Isaías 55:5

K'e reetal, taab'oqeb' li tenamit ink'a' aanawom ruheb', ut te'chalq aawik'in eb' li poyanam ink'a' xnawomeb' aawu sa' xk'ab'a' li Qaawa' laaYos, li xSant laj Israel, li xk'ehok aaloq'al.

Isaías 52:15

jo'kan ajwi' naab'aleb' li tenamit te'sachq xch'ool ut eb' li awab'ej mem aj chik te'kanaaq, xb'aan naq te'ril li maajun wa seeraq'inb'il reheb' ut te'xka'ya li maajun wa rab'ihomeb'.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Romanos 15:26

xb'aan naq eb' laj Macedonia ut laj Akaya xe'xk'uub' kub'sink cho'q reheb' li neb'a' wankeb' sa' xyanqeb' laj santil paab'anel aran Jerusalén.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Isaías 60:13

“Chixjunil li xloq'al Líbano taachalq aawik'in -chan li Qaawa'-: eb' li saqichaj, li yaw ut eb' li xchaq'alil ru li che' te'chalq re xch'ina'usinkil ru li wochoch, re xk'eeb'al xloq'al li na'ajej ninwank wi'.

Isaías 55:10

“Jo' naq li hab' ut li xchu'ke nakub'eek chaq sa' choxa ut ink'a' nasutq'iik aran wi toj maji' naxt'aqresi li ch'och' ut ink'a' naxk'e chi yo'laak ut chi moqk li awimq re naq twanq iyaj cho'q re laj awinel jo'wi' li wa re tzekaak,

Isaías 2:5

Ex ralal xk'ajol laj Jakob, waklinqex ut b'eeqo sa' xkutan saqenk li Qaawa' Yos.

Deuteronomio 32:43

“Ex tenamit, chexsaho'q eerochb'een li xtenamit li Yos, xb'aan naq A'an tixk'e reeqaj li xkik'eleb' laj k'anjel chiru, taa'eeqajunq sa' xb'eeneb' li xik' neke'ilok re, ab'an tixkuy xmaakeb' li xtenamit ut taarisi li maa'usilal sa' li xna'ajeb'”.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.