Apocalipsis 21:22 - Q'eqchi Bible

²² Ab'anan ink'a' kiwil li rochoch li Yos sa' li tenamit, xb'aan naq li Qaawa', li Nimajwal Yos, jo' ajwi' li Karneer a'aneb' li Santil Ochoch aran.

Li Santil hu

²² Quicuil nak saꞌ li tenamit aꞌan ma̱cꞌaꞌ lix templo li Ka̱cuaꞌ bar teꞌxic li tenamit chi lokꞌoni̱nc. Ma̱cꞌaꞌ chic aj e xban nak li Ka̱cuaꞌ li kꞌaxal nim xcuanquil cuan aran riqꞌuineb chi junelic. Ut cuan ajcuiꞌ aran li Jun li chanchan carner.

Apocalipsis 21:22 ပူးပေါင်းရင်းမြစ်များ

San Juan 4:23

Ab'anan chalk re xq'ehil (ak xk'ulunk ajwi') naq eb' li tz'aqal aj loq'oninel te'xloq'oni ru li Yuwa'b'ej sa' musiq'ej ut rik'in li yaal, xb'aan naq jo'ka'in naraj li Yuwa'b'ej naq taaloq'oniiq ru.

2 Crónicas 2:6

Ab'an ani taaruhanq chi xkab'lankil jun rochoch li Qaawa' wi li xnimal li choxa ink'a' tz'aqal cho'q xna'aj? Ut anihin laa'in chi xkab'lankil jun rochoch li Yos, us ta yal re xk'atb'al li pom sa' xk'ab'a'?

1 Reyes 8:27

“Ab'anan ma naru tab'i' nawank li Qaawa' sa' ruuchich'och'? Wi li choxa a'an q'axal nim ut ink'a' tz'aqal cho'q aana'aj, ma toja' ta chik li ochoch a'in li xinyiib' cho'q aawe!

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.

Apocalipsis 16:7

Ut kiwab'i jun xyaab' kuxej sa' li artal yo chi xyeeb'al: “Relik chi yaal, at Qaawa', at Nimajwal Yos, xatraqok aatin sa' tiikilal ut rik'in yaal”.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Colosenses 2:9

Xb'aan naq rik'in li Kriist wank xtz'aqlojik li Yosilal chi yaal,

San Juan 4:21

Li Jesus kixye re: —At ixq, paab' li ninye: Taawulaq xq'ehil naq chi moko sa' xb'een li tzuul a'in chi moko Jerusalén teeloq'oni ru li Yuwa'b'ej.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Apocalipsis 11:17

“Naqab'anyoxi aawe, at Qaawa', at Nimajwal Yos, li ak wankat chaq ut li wankat anaqwan, xb'aan naq wank chik sa' laawuq' laanimal laawankil ut xatikib' awab'ejink.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Colosenses 1:19

Xb'aan naq ki'alaak sa' xch'ool li Yos naq rik'in a'an chiwanq xtz'aqlojik ru chixjunil.

San Juan 10:30

Laa'in ut li Yuwa'b'ej juno ajwi' chiqib'il qib'.

2 Crónicas 6:18

“Ab'anan ma naru tab'i' nawank li Qaawa' sa' ruuchich'och'? Wi li choxa a'an q'axal nim ut ink'a' tz'aqal cho'q aana'aj, ma toja' ta chik li ochoch a'in li xinyiib' cho'q aawe!

Apocalipsis 19:15

Sa' re na'elk chaq jun li q'esnal ch'iich' re xyok'b'aleb' li tenamit. Tixb'eresiheb' rik'in b'aar ch'iich', ut a'an ajwi' taayatz'oq uub' re risinkil li b'iin, reetalil li xnimal xjosq'il li Nimajwal Yos.

Apocalipsis 16:14

A'aneb' xmusiq'eb' laj tza, li neke'b'aanunk sachb'ach'oolej ut neke'xik wankeb' wi' li awab'ej re chixjunil li ruuchich'och' re xch'utub'ankileb' chi yalok sa' li xnimal xkutankil li Nimajwal Yos.

San Mateo 24:2

Ut li Jesus kixye reheb': —Nekeril chixjunil a'in, pe' yaal? Relik chi yaal ninye eere: ink'a' taakanaaq arin pek chi xb'een pek chi ink'a' ta taajuk'manq.

Apocalipsis 7:15

“Jo'kan naq wankeb' chiru li xnimajwal k'ojarib'aal li Yos ut neke'k'anjelak chiru chi q'eq ut chi kutan sa' li rochoch; ut li k'ojk'o sa' li nimajwal k'ojarib'aal taamuheelanq reheb'.

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

San Juan 13:32

Wi li Yos xnimaak xloq'al rik'in li K'ajolb'ej, jo'kan ajwi' li Yos tixnima xloq'al li K'ajolb'ej rik'in, ut tixnima chi junpaat.