Apocalipsis 21:12 - Q'eqchi Bible

¹² Sutsu chaq rik'in jun li nimla tz'ak najt xteram, wank kab'laju rokeb'aal; ut sa' xb'eeneb' li okeb'aal wankeb' kab'laju chi ánjel ut tz'iib'anb'ileb' kab'laju chi k'ab'a'ej, li xk'ab'a' eb' li kab'laju xteepaleb' li ralal xk'ajol laj Israel.

Li Santil hu

¹² Li tenamit sutsu saꞌ jun nimla tzꞌac najt xteram ut cuan cablaju li oqueba̱l. Cablaju chi ángel cuanqueb saꞌ eb li oqueba̱l. Chiru li oqueba̱l tzꞌi̱banbil retalileb li xcꞌabaꞌeb li cablaju xte̱paleb li ralal xcꞌajol laj Israel.

Apocalipsis 21:12 ပူးပေါင်းရင်းမြစ်များ

Apocalipsis 21:25

Eb' li rokeb'aal ink'a' te'tz'apmanq chi kutan, xb'aan naq maak'a'aq q'oqyink aran.

Isaías 54:12

Tinyiib'eb' laanajt xteramil ochoch rik'in rubí, ut sa'eb' li okeb'aal, lem tink'e cho'q xtz'apb'aleb'; tinwaklesi chixjunileb' li suttz'ak rik'in xchaq'alil ru pek.

Salmos 122:7

Chiwanq tuqtuukil usilal chi xsutam laatz'ak ut xnimal sahilal sa'atqeb' li xninqal ru laawochoch”.

Isaías 60:18

Ink'a' chik taa'ab'iiq resil li rahilal sa' laatenamit chi moko taawanq chik raaxiik' malaj sachok sa' laana'aj, taaye b'an reheb' laasuttz'ak: «Laa'ex linkolb'a ib'», ut laawokeb'aal «Nimaal u» chik tixk'ab'a'in.

Salmos 51:18

Xb'aan naq ink'a' naxk'ul aawu li mayejak; ut wi tinyeechi'i aawe junaq k'atb'il mayej, ink'a' ajwi' taasaho'q laawaanm rik'in.

Nehemías 12:27

Naq kiwulak xq'ehil xninq'ehinkil li xsuttz'akil Jerusalén, ke'sik'je'k laj Leví sa' chixjunil li na'ajej re xk'amb'aleb' chaq Jerusalén, re xninq'ehinkil ut xq'axtesinkil li suttz'ak sa' ruq' li Yos rik'in sahil ch'oolej, b'ichank, b'anyoxink rik'in xyaab' aarp, tzojtzoj ut wajb'.

Hechos 26:7

Li xtz'aqlojik ru a'in neke'xyo'oni li xkab'laju teepaleb' laj Israel; jo'kan naq kaw neke'k'anjelak chiru li Yos chi q'eq ut chi kutan. Chanaw, at qaawa', naq chirix li woyb'enihom a'in nikine'xjit eb' laj Judiiy.

Esdras 9:9

Us ta xoowank chaq chi munil, ab'an li qaYos ink'a' xooxkanab' qajunes, xril b'an xtoq'ob'aal qu ut xoorusila chiruheb' li awab'ej re Persia; xk'e xkawub' qach'ool re xkab'lankil wi' chik li rochoch li qaYos ut xyiib'ankil chi us li k'aru xkanaak chi po'lemil. Wanko wi' chik rub'el xkupuhom arin Judá ut Jerusalén.

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

San Lucas 16:22

“Kiwulak xq'ehil naq kikamk li neb'a' ut kik'ame'k xb'aaneb' li ánjel toj chi xk'atq laj Abraham. Kikam ajwi' li b'ihom ut kimuqe'k.

San Lucas 15:10

“Ninye eere naq kama'an ajwi' li sahil ch'oolej nawank sa' xyanqeb' li x'ánjel li Yos naq junaq aj maak tixyot' xch'ool tixjal xk'a'uxl”.

San Mateo 18:10

“Chek'ehaq reetal, meetz'eqtaana junaq reheb' li kok' a'in, xb'aan naq ninye eere naq eb' li x'ánjel sa' choxa junelik neke'ril ru linchoxahil Yuwa'.

Éxodo 28:21

Kab'lajuhaqeb' li pek a'in kama' li xk'ab'a'eb' li ralal xk'ajol laj Israel: sa' xb'een li junjunq tz'iib'anb'ilaq kama' rik'in kaaxt li xk'ab'a' junaq xteepal aj Israel.

Apocalipsis 21:13

Sa' releb'l saq'e wankeb' oxib' chi okeb'aal, sa' releb'l iq' oxib' chi okeb'aal, sa' rokeb'l iq' oxib' chi okeb'aal ut sa' rokeb'l saq'e oxib' chi okeb'aal.

Apocalipsis 21:15

Li yo chi aatinank we wank jun xb'aar oor re xb'isb'al li tenamit, jo'wi' re xb'isb'aleb' li rokeb'aal ut li xtz'akul.

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

2 Crónicas 9:19

ut kab'lajuheb' chi jalam u kaqkoj wankeb' chi xaqxook sa' xb'eeneb' li taqarib'aal, junjunq chi xjunqpak'alil. Maajun chik junaq awab'ejihom kixyiib' jun k'ojarib'aal jo' a'an!