Apocalipsis 21:1 - Q'eqchi Bible

¹ Toja' naq kiwil jun ak' choxa ut jun ak' ruuchich'och', xb'aan naq li xb'een choxa ut li xb'een ruuchich'och' ak ke'nume'k ut li palaw moko wank ta chik.

Li Santil hu

¹ Ut quicuil ajcuiꞌ jun acꞌ choxa ut jun acꞌ ruchichꞌochꞌ xban nak li xbe̱n choxa ut li xbe̱n ruchichꞌochꞌ ma̱cꞌaꞌ chic. Ac xsacheꞌ. Ut ma̱cꞌaꞌ chic li palau.

Apocalipsis 21:1 ပူးပေါင်းရင်းမြစ်များ

2 Pedro 3:13

Ab'anan laa'o yooko chi royb'eninkil ak' choxa ut ak' ch'och', b'arwi' taawanq li tiikilal, jo' chanru kixyeechi'i li Yos.

Isaías 66:22

“Jo' naq li ak' choxa ut li ak' ruuchich'och' li tinyoob'tesi wanqeb' chiwu chi junajwa, jo'kan ajwi' naq te'wanq leeralal eek'ajol ut leek'ab'a', -chan li Qaawa'-.

Apocalipsis 21:5

Toja' naq li k'ojk'o sa' xb'een li nimajwal k'ojarib'aal kixye: “K'e reetal, laa'in tin'ak'ob'resi chixjunil”. Kixye ajwi': “Tz'iib'a, xb'aan naq eb' li aatin a'in tz'aqal yaal ut paab'ajel”.

2 Pedro 3:10

Li xkutankil li Qaawa' tol'elq jo' junaq aj elq'. Sa' li kutan a'an tenloq xyaab' li choxa naq taa'oso'q. Li k'a'aq re ru nak'uub'ank re li ruuchich'och' te'oso'q sa' xam; li ch'och' ut chixjunil li wank chisa' taak'atq.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Daniel 7:3

ut ke'wil kaahib'eb' li xninqal xul ke'elk chaq sa' li palaw, jalan jalanq neke'ilok chixjunil.

Apocalipsis 13:1

Kiwil naq ki'elk chaq sa' li palaw jun li josq' aj xul wank lajeeb' xxukub' ut wuqub' xjolom. Chiruheb' li xxukub' wank lajeeb' lemtz'il koroon, ut sa' xb'eeneb' li xjolom junjunq tz'iib'anb'ileb' k'ab'a'ej re majewank.

Isaías 57:20

A'ut eb' li ink'a' useb' xna'leb' chanchaneb' li xkaw oq li palaw, kama'eb' li palaw li ink'a' nakanaak chi ch'anch'o ut nareek'asi li sulul ut li tz'ajn.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Romanos 8:21

naq taa'ach'ab'aaq chiru xwankil li q'aak ut toxtaw li wank chi ach'ab'anb'il, a' li xnimal xloq'al eb' li ralal xk'ajol li Yos.

Apocalipsis 6:14

Li choxa ki'isiik kama' nab'ote'k junaq hu, ut chixjunileb' li tzuul ut li na'ajej sutsuukeb' xb'aan li palaw kilaje'eek'asiik sa' xna'ajeb'.