Apocalipsis 20:14 - Q'eqchi Bible

¹⁴ Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).

Li Santil hu

¹⁴ Ut quisacheꞌ xcuanquil li ca̱mc, ut quisacheꞌ ajcuiꞌ li naꞌajej li nequeꞌxic cuiꞌ li camenak. Queꞌcuteꞌ saꞌ li xam li chanchan palau. Li xam aꞌan, aꞌan li xcab ca̱mc.

Apocalipsis 20:14 ပူးပေါင်းရင်းမြစ်များ

1 Corintios 15:26

Li taajuk'eeq xwankil sa' roso'jik, a'an li kamk.

Apocalipsis 20:6

Us xaq reheb' li neke'tz'aqonk sa' li xb'een waklijik chi yo'yo: eb' a'an santeb' ut maak'a' xwankil li xkab' kamk sa' xb'eeneb', aj tijaqeb' b'an chiru li Yos ut chiru li Kriist ut te'awab'ejinq rochb'een chiru jun mil chihab'.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Apocalipsis 20:13

Toja' naq li palaw kixq'axtesiheb' li kamenaq wankeb' chisa'; jo'kan ajwi' li kamk ut li xna'ajeb' li kamenaq ke'xq'axtesiheb' li kamenaq k'uulanb'ileb' chisa', ut kiraqmank aatin sa' xb'een li junjunq, jo' chanru li xb'aanuhom.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

1 Corintios 15:53

Xb'aan naq li tz'ejwalej a'in li yal naq'aak, tento taatiqib'aaq rik'in jun yu'amej li ink'a' naq'aak, ut li winq a'in yal re kamk tento taatiqib'aaq rik'in jun yu'amej li ink'a' nalajk na'oso'k.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Apocalipsis 14:10

taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.