Apocalipsis 20:12 - Q'eqchi Bible

¹² Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Li Santil hu

¹² Ut queꞌcuil chixjunileb li camenak, joꞌ ni̱nk joꞌ cocꞌ, xakxo̱queb chiru li chunchu saꞌ li cꞌojariba̱l. Ut queꞌteli li hu li tzꞌi̱banbil cuiꞌ lix yehom xba̱nuhomeb. Ut quiteheꞌ ajcuiꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut quirakeꞌ a̱tin saꞌ xbe̱neb li camenak aꞌ yal chanru lix yehom xba̱nuhomeb joꞌ tzꞌi̱banbil retalil saꞌ li hu.

Apocalipsis 20:12 ပူးပေါင်းရင်းမြစ်များ

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Daniel 7:10

Ut chiru a'an kipujk'uk chaq jun li xam, chanchan li roq nima' naq nab'eek. K'iila o'q'ob' chi tenamit yookeb' chi k'anjelak chiru li cheekel winq a'an ut k'iila o'q'ob' chik xaqxookeb' aran. Toja' naq ke'k'ojlaak eb' laj raqol aatin ut ke'xte eb' li hu.

Eclesiastés 12:14

Sa' junaq kutan li Yos taaraqoq aatin chirix chixjunil li qab'aanuhom, us ta chi muqmu xqab'aanu. Taaraqoq aatin sa' qab'een, a' yaal ma us malaj ink'a' us xqab'aanu.

Apocalipsis 22:12

“K'e reetal, laa'in tinchalq chi seeb' ut tink'am chaq linq'ajkamuhom re xtojb'al li junjunq jo' chanru li xyehom xb'aanuhom.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Apocalipsis 3:5

Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

Apocalipsis 20:13

Toja' naq li palaw kixq'axtesiheb' li kamenaq wankeb' chisa'; jo'kan ajwi' li kamk ut li xna'ajeb' li kamenaq ke'xq'axtesiheb' li kamenaq k'uulanb'ileb' chisa', ut kiraqmank aatin sa' xb'een li junjunq, jo' chanru li xb'aanuhom.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Hechos 24:15

ut kaw linch'ool chi royb'eninkil rik'in li Yos naq te'wakliiq wi' chik chi yo'yo li tiikeb' xch'ool ut eb' laj maak, jo' ajwi' neke'royb'eni eb' a'in.

Salmos 62:12

Li Qaawa' x'aatinak, ut k'iila wa xwab'i a'in: naq re li Yos chixjunil li wankilej.

Salmos 28:4

At Qaawa', chak'e reheb' li xk'ulub' li xb'aanuhomeb', a' yaal chanru li maa'usilal xe'xb'aanu; chaq'ajkamuheb' jo' chanru li xb'aanuhomeb', chak'e reheb' li xk'ulub'eb'.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Apocalipsis 19:5

Ut ki'elk jun xyaab' kuxej sa' li nimajwal k'ojarib'aal, kixye: “Chenima ru li qaYos chejunilex laj k'anjel chiru, jo'k'ihal li nekexpaab'ank re, jo' kok' jo' ninq”.

Filipenses 4:3

Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am.

San Lucas 10:20

Ab'anan misaho'k sa' eech'ool rik'in naq eb' li maa'us aj musiq'ej neke'paab'ank cheru; chexsaho'q b'an rik'in naq tz'iib'anb'il leek'ab'a' sa' choxa.

Proverbios 24:12

Us ta taaye: “Maak'a' ninnaw chirix a'an”, li Yos li natz'ilok rix li ch'oolej naxtaw xyaalal; Li na'ilok re laawaanm tixnaw a'an ut tixtoj jo' chanru li xb'aanuhom li junjunq.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Romanos 2:6

Aran taak'eemanq xq'ajkamunkil li junjunq jo' chanru li xyehom xb'aanuhom:

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Proverbios 24:29

Maaye: “Tweeqaju li rahilal jo' li x'uxmank we”.

Salmos 69:28

Chatiq xkomon li xmaa'usilaleb' rik'in maa'usilal; ink'a' ta chik che'tz'aqonq sa' laakuyum.

San Mateo 11:22

A'ut laa'in ninye eere: kotzko b'ayaq li rahilal te'xk'ul Tiro ut Sidón chiru li teek'ul laa'ex sa' xkutankil li raqb'a aatin.

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.