Apocalipsis 2:3 - Q'eqchi Bible

³ Wank aakuyum; xakuy rahilal sa' ink'ab'a' ut ink'a' xatlub'k.

Li Santil hu

³ Ninnau nak nabal li raylal xecꞌul saꞌ incꞌabaꞌ la̱in. Abanan nequecuy xnumsinquil. Ut incꞌaꞌ xchꞌinan e̱chꞌo̱l. Ninnau nak cau nequexcꞌanjelac yal xban inra̱bal la̱in.

Apocalipsis 2:3 ပူးပေါင်းရင်းမြစ်များ

Hebreos 10:36

Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

Hebreos 12:1

Numtajenaq xk'ihaleb' laj ch'olob'ahom yaal chirix li qapaab'aal li yookeb' chi qasutb'al! Jo'kan utan, laa'o ajwi' qisihaq chiqix chixjunil li iiq jo'wi' li maak li nokooxluktasi, ut kawaq qach'ool chi aanilak sa' li b'e xaqab'anb'ilo wi'.

Gálatas 6:9

Moolub'k chi xb'aanunkil li us xb'aan naq sa' xq'ehil tooq'oloq, wi ink'a' nach'inank qach'ool.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

San Juan 15:21

Chixjunil a'in te'xb'aanu eere inb'aan laa'in, xb'aan naq ink'a' neke'xnaw ru li kitaqlank chaq we.

1 Corintios 13:7

Li rahok chixjunil nariiqani, chixjunil naxpaab', chixjunil naroyb'eni, chixjunil naxkuy.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Hebreos 6:15

Ut sa' xk'ab'a' li xnimal xkuyum, laj Abrahán koxtaw li kiyeechi'iik re.

Hebreos 6:12

re naq ink'a' chiq'olo'q eerix, chek'am b'an eere rik'ineb' li yookeb' reechaninkil li xyeechi'om li Yos rik'in li xpaab'aaleb' jo'wi' rik'in li xnimal xkuyumeb'.

Hebreos 6:10

Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.

1 Timoteo 4:10

A'in aj e naq yooko chi xtawasinkil qib' chi yalyo qaq'e, xb'aan naq wank qasahil oyb'enihom rik'in li yo'yookil Yos, a'an laj Kolol re chixjunileb' ut xb'een xb'een reheb' laj paab'anel.

2 Ts 3:13

Ut laa'ex, ex qas qiitz'in, mextitz' chi xb'aanunkil li us.

2 Corintios 4:16

Jo'kan naq ink'a' nach'inank qach'ool. Us ta li qach'och'el qasululel yo chi lajk chi oso'k, ab'an li qamusiq' na'ak'ob'resiik rajlal kutan.

2 Corintios 4:1

Xaqab'anb'ilo sa' li k'anjel a'in xb'aan xnimal ruxtaan li Yos, jo'kan naq ink'a' nach'inank qach'ool.

Romanos 12:12

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

Romanos 8:25

Ab'an wi li qoyb'enihom ink'a' naqil ru, a'an q'axal naqayo'oni rik'in xnimal qakuyum.

San Lucas 14:27

Ani ink'a' tixpaqo li xkrus ut tinxtaaqe, ink'a' naru taawanq cho'q intzolom.

Salmos 37:7

Hilan rik'in li Qaawa', chiwanq aawoyb'enihom rik'in; matjosq'o'k xb'aan li winq li us na'elk sa' chixjunil, chi moko xb'aaneb' li tenamit li junes raaxiik' neke'xyoob'.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

2 Pedro 1:6

li loq'laj na'leb'ak rik'in li taqlank sa' xb'een leetz'ejwal, li taqlank sa' xb'een leetz'ejwal rik'in li kawil ch'oolej, li kawil ch'oolej rik'in xloq'oninkil li Yos,

1 Ts 1:3

Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.

2 Corintios 11:23

Ma aj k'anjeleb' chiru li Kriist? Us, tin'aatinaq jo' junaq kaan ru: q'axalin wi' chik chiruheb' a'an. Q'axal chik xintawasi wib' chi k'anjelak; numtejenaq chik chiruheb' xinwank sa' tz'alam ut xinrape'k chi tz'uum, k'iila sut x'aje'k inkamsinkil.

2 Corintios 5:9

Jo'kan utan, us ta wanko sa' li qajunxaqalil, us ta najt wanko rik'in, ab'anan naqayal qaq'e chi xsahob'resinkil xch'ool li Qaawa'.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

San Lucas 18:1

Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:

San Lucas 8:15

Li kit'ane'k sa' chaab'il ch'och' a'aneb' li neke'ab'ink re li Aatin ut neke'xk'uula sa' chaab'ilal ut chi anchaleb' xch'ool, ut neke'uuchink xb'aan naq junelik neke'xkuy xk'anjelankil ru.

Hebreos 13:13

Elqo ajwi' laa'o sa' li tenamit chi xk'ulb'al li Jesus, yooqo chi riiqankil li xnimal xrahilal a'an,

1 Timoteo 5:17

Eb' li cheekel winq li neke'xjolomi chi us li Iklees, xk'ulub'eb' naq te'xk'ul xq'ajkamunkileb' ka' sut, xb'een xb'een eb' li neke'xk'e xch'ool chi xpuktesinkil ut xch'olob'ankil li Aatin,

2 Ts 3:8

chi moko xoowa'ak chi maatan rik'in anihaq, xqatawasi b'an qib' chi k'anjelak chi q'eq ut chi kutan, a' xqaj naq maa'ani xqach'i'ch'i'i sa' eeyanq.

2 Ts 3:5

A' taxaq li Qaawa' chib'eresinq leech'ool sa' li xrahom li Yos ut sa' li royb'eninkil li Kriist rik'in xnimal eekuyum.

1 Ts 2:9

Ex qas qiitz'in, laa'ex najultiko'k eere li qak'anjel ut li qalub'ik. Xook'anjelak chi q'eq ut chi kutan re naq maa'ani xqach'i'ch'i'i sa' eeyanq naq xqapuktesi eere li xChaab'il Esil li Yos.

Filipenses 4:3

Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am.

Filipenses 2:16

chi kaw chapchookex rik'in li aatin nak'ehok yu'am. Chi jo'kan truuq tintaw inloq'al sa' xkutankil li Kriist xb'aan naq ink'a' xin'aanilak chi maak'a' rajb'al, chi moko xintawasi wib' chi maak'a' aj e.

Gálatas 6:2

Chetenq'a eerib' cherib'il eerib' chi xk'amb'al leeriiq, ut teepaab' chi jo'kan li xchaq'rab' li Kriist.

2 Corintios 10:15

Ink'a' naqanima qu chi numtajenaq rik'in li k'anjel xe'xb'aanu li junch'ol chik; naqoyb'eni b'an naq rik'in xk'iijik leepaab'aal, rajlal toonimanq sa' eeyanq jo' chanru raqb'il sa' qab'een.

2 Corintios 6:5

li rape'k chi tz'uum, li wank sa' tz'alam, li mululij ib', li tawasiik, li yo'lek ut li kuyuk tz'okaak.

Romanos 16:12

Chek'e xsahil xch'ooleb' lix Trifena ut lix Trifosa, li neke'xtawasi rib' chi k'anjelak sa' xk'ab'a' li Qaawa'. Chek'e xsahil xch'ool lix Pérside raaro inb'aan, li q'axal xtawasi rib' chi k'anjelak sa' xk'ab'a' li Qaawa'.

San Lucas 21:19

Rik'in xkawub' eech'ool teekol leeyu'am.

San Marcos 15:21

Ut ke'xmin ru chi xk'amb'al li xkrus li Jesus jun li winq aj Sirene yo chi nume'k, aj Simón xk'ab'a'. A'an li xyuwa' laj Alejandro ut laj Rufo, ut yo chi chalk chaq sa' xk'aleb'aal.

Miqueas 7:9

Tinkuy li xjosq'il li Qaawa' xb'aan naq xinmaakob'k chiru: toj taaraqoq aatin chiwix ut taaril xtoq'ob'aal wu. Li Qaawa' taa'isinq we sa' li aak'ab' re toxwil linkolb'al xb'aan.

Salmos 69:7

At Nimajwal Yos, ink'a' taxaq te'xutaanaq inb'aan eb' li wankeb' royb'enihom aawik'in! Ink'a' taxaq te'luktaaq xch'ool inb'aan eb' li neke'sik'ok aawe, at xYos laj Israel!

1 Ts 5:12

Ex qas qiitz'in, naqatz'aama cheru naq chek'ehaq sa' xnaq' eeru eb' li neke'xk'e xch'ool chi k'anjelak sa' eeyanq, eb' li neke'jolomink eere sa' xk'ab'a' li Qaawa' ut neke'xch'olob' eena'leb'.

1 Corintios 16:16

Nintz'aama cheru naq chexpaab'anq chiruheb', jo' ajwi' chiru chixjunileb' li neke'okenk chi k'anjelak rochb'eeneb'.

San Lucas 5:5

Kichaq'ok laj Simón ut kixye: —At Tzolonel, xqatawasi qib' chiru jun q'oqyink ut maak'a' xqakara. Ab'an, sa' xk'ab'a' laawaatin, tinkut li yooy.