Apocalipsis 2:26 - Q'eqchi Bible

²⁶ Li ani taaq'axoq u, a' li tixk'e xch'ool chirixeb' linb'aanuhom chalen toj sa' roso'jik, tink'e xwankil sa' xb'eeneb' li tenamit.

Li Santil hu

²⁶ Li ani naxcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l ut tixba̱nu li cꞌaꞌru nacuaj toj saꞌ rosoꞌjic, la̱in tinqꞌue xcuanquil chi takla̱nc saꞌ xbe̱neb li tenamit.

Apocalipsis 2:26 ပူးပေါင်းရင်းမြစ်များ

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Salmos 2:8

Tz'aama we, ut tink'e chaweechaniheb' li tenamit; aawehaq chixjunil li ruuchich'och'.

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

1 Juan 5:5

Ani naq'axok ru li ruuchich'och'? Ma ink'a' tab'i' li naxpaab' naq li Jesus a'an li Ralal li Yos?

San Juan 6:29

Kichaq'ok li Jesus ut kixye reheb': —Li k'anjel naraj li Yos, a'an: naq chepaab' li taqlanb'il chaq xb'aan.

San Mateo 24:13

Ab'anan ani tixk'e xch'ool toj sa' roso'jik, a'an taakole'q.

Daniel 7:22

toj kik'ulunk li cheekel winq chi raqok aatin, xb'aan naq wulajenaq chik xhonalil naq li xtenamit li Yos ke'xk'ul li awab'ejihom.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.

Santiago 2:20

At winq maak'a' aana'leb', ma taawaj xtawb'al xyaalal naq li paab'aal chi maak'a' xb'aanuhom maak'a' na'ok wi'?

Romanos 8:37

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

Daniel 7:18

Ab'an taawulaq xq'ehil naq eb' li sik'b'ileb' ru xb'aan li Nimajwal Yos te'k'ehe'q xwankil ut a'aneb' chik te'reechani li awab'ejihom junq'e junq'e kutan», chan.

Apocalipsis 21:7

Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

San Mateo 19:28

Kixye li Jesus reheb': —Relik chi yaal ninye eere naq sa' li ak' ruuchich'och', naq taak'ojlaaq li K'ajolb'ej sa' li xloq'laj k'ojarib'aal, laa'ex ajwi' li xextaaqenk we texk'ojlaaq sa' kab'laju chi k'ojarib'aal ut texraqoq aatin sa' xb'eeneb' li kab'laju xteepal aj Israel.

Salmos 49:14

Jo'ka'in te'xk'ul eb' li neke'xk'e xloq'al xjuneseb' rib'; jo'ka'in te'oso'q li neke'xnimob'resi rib'eb'.

Apocalipsis 3:5

Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

1 Juan 2:19

Sa' qayanq xe'elk, ab'an moko qakomoneb' ta; wi ta qakomoneb', xe'kanaak raj qik'in. Ab'an xk'ulmank a'an re naq taak'utunq naq moko qakomoneb' ta chixjunileb'.

1 Ts 3:5

Jo'kan naq laa'in ajwi' ink'a' chik xinkuy, ut xintaqla laj Timoteo re rab'inkil resil leepaab'aal: mare anchal xex'aaleek xb'aan laj aalenel ut li qak'anjel xkanaak chi maak'a' rajb'al.

Salmos 2:9

Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

San Mateo 10:22

Chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.