Apocalipsis 2:24 - Q'eqchi Bible

²⁴ «A'ut laa'ex li junch'ol chik aj Tiatira, li ink'a' nekepaab' li na'leb' a'in, laa'ex li ink'a' eenawom eb' li xchamal laj tza, jo' neke'xye, tinye eere: Maajun chik iiq tink'e sa' eeb'een,

Li Santil hu

²⁴ Ma̱cꞌaꞌ tinye e̱re re e̱kꞌusbal la̱ex aj Tiatira li joꞌ qꞌuialex incꞌaꞌ xetzol e̱rib riqꞌuin li tijleb li nequeꞌxchꞌolob eb aꞌan, xban nak aꞌan xma̱us aj naꞌleb laj tza.

Apocalipsis 2:24 ပူးပေါင်းရင်းမြစ်များ

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

2 Corintios 2:11

re naq ink'a' tooxb'alaq'i laj tza: ak naqanaw k'aru li xna'leb'.

Hechos 15:28

Kixk'uub' li Santil Musiq'ej jo'wi' laa'o naq maajun chik iiq tqak'e sa' eeb'een; ka'ajwi' a'in tento xb'aanunkil:

Apocalipsis 13:14

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

1 Corintios 2:10

Chixjunil a'an kik'utb'esiik chiqu xb'aan li Yos sa' xk'ab'a' li Musiq'ej, ut li Musiq'ej chixjunil nalajxtz'ili rix, a' ajwi' li xchamal xk'a'uxl li Yos.

Hechos 16:14

Yo ajwi' chi qab'inkil jun li ixq, xLidia xk'ab'a', chalenaq sa' li tenamit Tiatira, nak'ayink kaqi b'on re t'ikr, ut aj paab'anel. Li Qaawa' kixte li xch'ool re naq tixk'ulub'a li yo chi xyeeb'al laj Pablo.

Santiago 3:15

Li na'leb' a'an moko taqe'q ta nachalk chaq, xna'leb' b'an li ruuchich'och'; maawa' xna'leb' li xMusiq' li Yos, xna'leb' b'an laj tza.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

Apocalipsis 2:18

“Tz'iib'an rik'in li x'ánjel li Iklees li wank Tiatira: «A'in naxye li Ralal li Yos, li wank xsa' li ru kama' raq'xam ut li roq chanchan chaab'il q'anch'iich'.