Apocalipsis 2:17 - Q'eqchi Bible

¹⁷ Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Li Santil hu

¹⁷ Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

Apocalipsis 2:17 ပူးပေါင်းရင်းမြစ်များ

Isaías 62:2

Toja' naq chixjunileb' li tenamit te'ril li xtiikilal laach'ool ut chixjunileb' li awab'ej te'xka'ya laaloq'al. Ak' k'ab'a'ej tate'xk'ab'a'in wi', a' li taak'ehe'q aawe xb'aan li Qaawa'.

Isaías 65:15

“Eb' li sik'b'il ru inb'aan te'roksi leek'ab'a' re majewank ut re xyeeb'al reheb' li jalan chik: «Chi jo'ka'in tatxk'e chi kamk li Qaawa' Yos!», cha'qeb'. Ab'an eb' laj k'anjel chiwu tink'e reheb' jun ak' k'ab'a'ej.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Apocalipsis 14:3

Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.

Apocalipsis 3:22

«Ani wank xxik, chirab'ihaq li naxye li Musiq'ej reheb' li Iklees»”.

Apocalipsis 3:6

Ani wank xxik, chirab'ihaq li naxye li Musiq'ej reheb' li Iklees».

Colosenses 3:3

Xb'aan naq ak kamenaqex ut muqmu leeyu'am rochb'een li Kriist rik'in li Yos.

1 Corintios 2:14

Li winq li maak'a' xMusiq' li Yos rik'in moko naxk'ulub'an ta li k'aru nachalk rik'in xMusiq' li Yos; memil na'leb' b'an cho'q re. Ut ink'a' naruhank chi xnawb'al a'an, xb'aan naq ka'ajwi' rik'in li Musiq'ej naru xtawb'al xyaalal.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

Isaías 65:13

Jo'kan naq li Qaawa' kixye chi jo'ka'in: “Eb' laj k'anjel chiwu wanqeb' xtzekemq, ut laa'ex tex'oso'q xb'aan tz'okaak; eb' laj k'anjel chiwu sa te'uk'aq b'iin, ut laa'ex tex'oso'q xb'aan li chaqi'eel; eb' laj k'anjel chiwu k'ajo'aq xsahil sa' xch'ooleb', ut laa'ex texkanaaq sa' xutaan;

Proverbios 3:32

xb'aan naq li Qaawa' xik' narileb' li ink'a' useb' xna'leb', ab'an naxraheb' li tiikeb' xch'ool.

Salmos 36:8

At inYos, k'ajo' xchaq'al ru laarahom! Jo'kan naq eb' li poyanam neke'muhenk rub'el laakupuhom.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

San Juan 4:32

Ab'anan li Jesus kixye reheb': —Laa'in wank jun intzekemq li ink'a' nekenaw laa'ex.

Isaías 56:4

Xb'aan naq jo'ka'in kixye li Qaawa': “Wi eb' li kapun te'oxloq'inq li sábado ut te'xb'aanu li nawulak chiwu, wi junelik te'xpaab' linsumwank,

Proverbios 14:10

Li junjunq naxnaw li xrahilal xch'ool; ut maa'ani taatz'aqonq rik'in xsahil xch'ool.

Éxodo 16:33

Kixye ajwi' laj Moisés re laj Aharón: “Chap junaq uk'al, k'e chisa' jo'nimal li maná naxkuy jun ch'ina chakach, ut toxaakanab' chiru li Qaawa' re naq taak'uulamanq cho'q reheb' leeralal eek'ajol”, chan.

Isaías 56:5

laa'in wank k'aru jwal loq' tink'e reheb' jo' ruuchil li ralal xk'ajoleb': sa' li wochoch, chiruheb' lintz'ak, tink'e naq tz'iib'anb'ilaq li xk'ab'a'eb'; patz'b'ilaqeb' chi junelik ut maajoq'e chik te'sache'q xloq'al.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

San Marcos 7:16

Ani wank xxik re ab'ink, chi'ab'inq.