Apocalipsis 2:10 - Q'eqchi Bible

¹⁰ Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Li Santil hu

¹⁰ Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Apocalipsis 2:10 ပူးပေါင်းရင်းမြစ်များ

Santiago 1:12

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

San Mateo 10:22

Chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

San Marcos 13:13

Ut chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

Efesios 6:12

Xb'aan naq moko yooko ta chi xyalb'al qametz'ew yal rik'in winq, rik'ineb' b'an li wankeb' xwankil, eb' li neke'taqlank ut neke'awab'ejink sa' xb'een li ruuchich'och' a'in li wank sa' aak'ab', rik'ineb' li maa'us aj musiq'ej li wankatqeb' taqe'q.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

San Mateo 24:13

Ab'anan ani tixk'e xch'ool toj sa' roso'jik, a'an taakole'q.

1 Pedro 5:8

Aj'ajaq ru leek'a'uxl ut chexyo'leq! Li xik' na'ilok eere, a' laj tza, yo chi sutink re xsik'b'al ani tixnuq', jo' jun kaqkoj japjo re.

1 Corintios 9:25

Chixjunileb' li neke'yalok u neke'xkuy rib' chiru chixjunil; ut yal re xk'ulb'al junaq koroon li na'oso'k. Ab'an laa'o naqayal qaq'e re naq toxqak'ul jun li ink'a' nalajk na'oso'k.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Daniel 1:14

Laj k'aak'alenel kixk'ulub'an li kixye laj Daniel, ut chiru lajeeb' kutan kixb'aanu li kiyeemank re.

Apocalipsis 13:7

Kik'ehe'k xwankil chi yalok rik'ineb' li sant ut xq'axb'al ruheb', jo' ajwi' kik'ehe'k xwankil sa' xb'een chixjunileb' li xteepal ut li xtenamit li ruuchich'och', yalaq chanru neke'ilok ut neke'aatinak.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

San Juan 13:2

Yookeb' chi wa'ak ewu, ut laj Tza ak xk'e sa' xk'a'uxl laj Judas Iskariote, ralal laj Simón, naq tixq'axtesi li Jesus.

San Juan 12:25

Ani naxra li xyu'am xjunes rib', taasachq chiru; a'ut li tixtz'eq chirix xch'ool li xyu'am sa' li ruuchich'och' a'in, tixk'uula a'an cho'q re li junelik yu'am.

San Lucas 21:12

“Ab'anan rub'elaj chixjunil a'in texchape'q ut texrahob'tesiiq; texq'axtesiiq sa'eb' li ch'utleb'aal kab'l ut eb' li tz'alam; texk'ame'q chiruheb' li awab'ej ut eb' li ninqeb' xwankil sa' ink'ab'a'.

San Marcos 8:35

Xb'aan naq ani naraj xkolb'al li xyu'am, taasachq chiru; a'ut li taasachq li xyu'am chiru sa' ink'ab'a' ut sa' xk'ab'a' li Chaab'il Esilal, a'an tixkol li xyu'am.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Daniel 1:12

“B'aanu usilal -chan-; qayalaq xb'aanunkil a'in chiru lajeeb'aq kutan: k'e chiqatzeka junes xxe' li ichaj ut yal ha' taaquk'.

Apocalipsis 13:2

Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Hechos 21:13

Toja' naq kichaq'ok laj Pablo: —K'a'ut naq yookex chi yaab'ak ut chi xk'eeb'al xrahil inch'ool? Relik chi yaal naq yo'oon wankin moko ka'aj ta wi' chi b'ak'e'k, chi kamk aj b'an wi' aran Jerusalén sa' xk'ab'a' li Qaawa' Jesus, chan.

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

San Juan 13:27

Ut chirix li jun hab'ok chi wa ki'ok laj tza rik'in. Toja' naq li Jesus kixye re: —Li k'aru taab'aanu, b'aanu chi junpaat.

Salmos 31:23

Laa'in xinye sa' lin'ookel k'a'uxl: “Xin'isiik rub'el laawoq rub'el laawuq'!”. Ab'anan naq xinyaab'a laak'ab'a', xawab'i chaq lintz'aamahom.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

Apocalipsis 13:14

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Lamentaciones 3:57

Xinyaab'a laak'ab'a', ut xatjilok chink'atq: “Matxiwak!”, chankat we.