Apocalipsis 19:20 - Q'eqchi Bible

²⁰ Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Li Santil hu

²⁰ Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Apocalipsis 19:20 ပူးပေါင်းရင်းမြစ်များ

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 14:10

taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Apocalipsis 17:12

“Li lajeeb' chi xukub' xawil a'aneb' li lajeeb' chi awab'ej li maji' xk'ulumeb' xwankil, ab'an te'ruhanq chi awab'ejink chiru jun k'amokaq rochb'eeneb' li josq' aj xul.

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

Génesis 19:24

Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Daniel 8:24

Taanimanq li xwankil, q'axal kawaq rib' chi sachok ut us taa'elq sa' chixjunil li taaraj xb'aanunkil. Tixjuk'eb' li ninqeb' xwankil ut tixsacheb' ajwi' li sik'b'ileb' ru xb'aan li Yos.

Isaías 34:9

Eb' li nima' sa' xteepal Edom te'kanaaq cho'q raxkas, li xpojtz'il li na'ajej taasutq'iiq cho'q asuupr, ut li xch'och'el taakanaaq cho'q raxkas li yo xxamlel.

Salmos 11:6

Tixtaqla chaq xam ut asuupr sa' xb'eeneb' li wankeb' xmaak, ut tixq'ajkamuheb' rik'in kaqsut-iq' li tixk'at chixjunil.

Apocalipsis 19:19

Toja' naq kiwil li josq' aj xul ut eb' li awab'ej re li ruuchich'och' rochb'eeneb' li xk'iila teep chi aj puub', ch'utch'uukeb' re te'yaloq rik'in li k'ojk'o chaq sa' xb'een li kawaay jo'wi' rik'ineb' li xk'iila teep chi aj puub'.

Daniel 11:45

Tixk'ojob' li xmuheb'aal sa' xyanq li palaw rik'in li xchaq'alil ru tzuul. Ab'anan aran taawulaq xhonalil li xkamik, ut maajun taatenq'anq re.

Li xHu LAJ JOB 18:15

Te'xk'e asuupr sa' li rochoch ut taak'atmanq li xmuheb'aal.

Daniel 8:26

A'an a'in li xyaalalil li k'aru taak'ulmanq chiru wan xka chihab'. Ak xinch'olob' chawu, ut a'an tz'aqal yaal; ab'anan k'uula sa' laach'ool xb'aan naq moko ak k'ulmank ta re a'in», chan we li ánjel.

San Mateo 7:15

“Chekolaq eerib' chiruheb' li propeet aj b'alaq': neke'chalk eerik'in chi tiqtookeb' chaq rik'in rix karneer, ab'an sa'eb' li xch'ool chanchaneb' li josq' aj xojb'.

Apocalipsis 9:17

Ut jo'ka'in naq ke'xk'ut rib' chiwu eb' li kawaay ut eb' li wankeb' chirixeb': wankeb' xkolb'al li re xch'ooleb' kama' li xam, li jasinto ut li asuupr na'ilok; li xjolomeb' li kawaay kama' xjolomeb' li kaqkoj, ut sa' reheb' na'elk chaq xam, sib' ut asuupr.

Josué 8:23

Ka'ajwi' li awab'ej re Ay ink'a' kikamsiik, kichape'k b'an ut kik'ame'k rik'in laj Josué.

Ezequiel 24:5

Chirix a'an sik' ru junaq chaab'il karneer, ut tuub' si' chi rub'el re naq taawoqxinq chi us, toj reetal taachaq'aq li b'aq.