Apocalipsis 19:12 - Q'eqchi Bible

¹² Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru.

Li Santil hu

¹² Lix nakꞌ ru chanchan xam. Nabal li corona cuan saꞌ xjolom ut tzꞌi̱banbil lix cꞌabaꞌ chiru. Abanan ma̱ ani nataꞌoc ru. Caꞌaj cuiꞌ aꞌan.

Apocalipsis 19:12 ပူးပေါင်းရင်းမြစ်များ

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

Apocalipsis 1:14

Li xjolom ut eb' li rismal jwal saqeb' kama' li saqinoq', jo' li ratz'am ke; li xsa' ru kama' li raq'xam,

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Hebreos 2:9

ab'an li kub'enaq kach'inaq xwankil chiruheb' li ánjel, a' li Jesus, ak naqil naq k'eeb'il xloq'al ut xwankil cho'q xq'ajkamunkil, xb'aan naq kixk'ul xrahilal li kamk. Jo'kan naq, sa' xk'ab'a' xnimal ruxtaan li Yos, li kamk kixk'ul, a'an usilal cho'q reheb' chixjunil.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Salmos 8:5

k'a' ta xaq ru li winq naq q'axal nakak'oxla, k'a' ta xaq ru junaq poyanam naq wank aach'ool chirix?

Apocalipsis 12:3

Toja' naq kik'utunk jun chik eetalil sa' choxa: jun li nimla k'anti' kaq rix, wank wuqub' xjolom ut lajeeb' xxukub', ut sa' xb'eeneb' li xjolom wankeb' wuqub' lemtz'il koroon.

Zacarías 9:16

Sa' li kutan a'an li Qaawa', li xYoseb', tixb'eresi li xtenamit jo'eb' li karneer; chanchanaqeb' li saqpotz'inkil pek re junaq koroon naq te'k'eemanq xloq'al sa' li xna'ajeb'.

Jueces 13:18

Kichaq'ok li x'ánjel li Qaawa': “K'a' naq nakapatz' we link'ab'a'? A'an q'axal loq'”, chan.

Éxodo 23:21

Wanqat sa' xyaalal chiru ut chawab'i xyaab' xkux. Maaq'et li raatin: a'an ink'a' tixkuy eemaak xb'aan naq wankin rik'in.

Génesis 32:29

Kixpatz' laj Jakob: “B'aanu usilal, ye we laak'ab'a'”, chan. Ab'an li winq kixye: “K'a' aj e naq nakapatz' link'ab'a'?”. Ut kirosob'tesi aran.

Apocalipsis 6:2

Kiwil, ut wank aran jun li saqi kawaay; ut li k'ojk'o chi xb'een wan chaq jun xsimaj. Kik'ehe'k jun xkoroon ut koho chi ak xq'axok u ut toj taaq'axoq wi' chik u.

Isaías 62:3

Jo'kaqat ch'ina'usil koroon sa' ruq' li Qaawa', jo'kaqat xmatq'ab' li awab'ej chi ru'uj ruq' laaYos.

Apocalipsis 13:1

Kiwil naq ki'elk chaq sa' li palaw jun li josq' aj xul wank lajeeb' xxukub' ut wuqub' xjolom. Chiruheb' li xxukub' wank lajeeb' lemtz'il koroon, ut sa' xb'eeneb' li xjolom junjunq tz'iib'anb'ileb' k'ab'a'ej re majewank.

San Mateo 21:5

“Yehomaq re li xrab'in Sión: «We' chaq aawik'in laaRey, tuulan ut k'ojk'o chaq chirix jun li b'uur ut chirix ral jun li xul aj iiqonel»”.

Cantares 3:11

Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

Proverbios 30:4

Ani kitaqe'k sa' choxa ut kikub'e chaq wi' chik? Ani kixmoch'o li iq' sa' li ruq'? Ani kilanok re li ha' sa' t'ikr ut kixk'ojob' xnub'ajlil li ruuchich'och'? Ye we ani xk'ab'a' a'an ut ani xk'ab'a' li ralal.

Daniel 10:6

Li xjunxaqalil nalemtz'unk jo' jun tertookil pek; li xnaq' ru kama' wi' li raq'kaaq; li xsa' eb' li ru kama'eb' wi' li raq'xam; eb' li roq ut eb' li ruq' chanchaneb' li q'anch'iich' ut li xyaab' xkux kama' wi' rab'inkileb' li k'iila poyanam.

San Juan 17:11

“Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

San Juan 17:12

Naq toj wankin rik'ineb', rik'in xwankil laak'ab'a' xwileb' chaq li xak'eheb' we. Laa'in xink'aak'alenk reheb' ut maajun xsachk chiwu, ka'ajwi' li ak teneb'anb'il sa' xb'een li sachk, re naq chitz'aqloq ru li Santil Hu.

Efesios 1:21

kixk'e sa' xb'een chixjunileb' laj jolominel, sa' xb'eeneb' li wankeb' xwankil ut xkawilal malaj eb' li neke'awab'ejink, jo' ajwi' sa' xb'een chixjunil li wank moko ka'aj ta wi' sa' li ruuchich'och' a'in, sa' aj b'an wi' li toj chaalel.