Apocalipsis 19:10 - Q'eqchi Bible

¹⁰ Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

Li Santil hu

¹⁰ La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Apocalipsis 19:10 ပူးပေါင်းရင်းမြစ်များ

San Juan 5:39

“Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix,

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

Apocalipsis 4:10

eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:

Apocalipsis 12:17

Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.

Apocalipsis 12:11

Eb' a'an xe'xq'ax ru sa' xk'ab'a' li xkik'el li Karneer jo' ajwi' rik'in li aatin xe'xye chi yaal, xb'aan naq ink'a' xe'xra ru li xyu'ameb' chiru li kamk.

1 Juan 5:10

Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

Hebreos 12:25

K'ehomaq reetal, meetz'eqtaana li yo chi aatinak qik'in, xb'aan naq wi ink'a' ke'kole'k li ke'xtz'eqtaana laj ch'olob'ahom yaal arin sa' ruuchich'och', ma toja' ta chik laa'o wi taaqatz'eqtaana li na'aatinak chaq toj sa' choxa?

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».

Éxodo 34:14

“Maahupub' aawib' chiru jalan chik yos xb'aan naq «aj sowen» naxk'ab'a'in li Qaawa': a'an jun Yos aj sowen.

Apocalipsis 14:7

Ut a'an kixye chi kaw xyaab' xkux: “Chexiwa ru li Yos ut chek'e xloq'al xb'aan naq xtaw xq'ehil naq taaraqoq aatin; cheloq'oni li kib'aanunk re li choxach'och', li palaw ut eb' li yo'leb'aal ha'”.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Hechos 10:43

Li Jesus a'in ke'xch'olob' xyaalal chixjunileb' li propeet: ke'xye naq chixjunil li taapaab'anq re tixk'ul xkuyb'al xsachb'al li xmaak sa' xk'ab'a'.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

San Lucas 24:44

Chirix chik a'an kixye reheb': —A'aneb' a'in li waatin xinye eere naq toj wankin chaq eerik'in: Tento naq taatz'aqloq ru chixjunil li tz'iib'anb'il chiwix sa' li xChaq'rab' laj Moisés, sa' xHuheb' li Propeet ut sa'eb' li Saalm.

San Lucas 1:19

Kichaq'ok li ánjel ut kixye re: —Laa'in laj Gabriel li wankin chiru li Yos. Xinxtaqla chaq chawaatinankil ut chi xyeeb'al aawe li chaab'il esilal a'in.

San Marcos 5:22

Toja' naq kiwulak jun reheb' li xb'eenil li ch'utleb'aal kab'l, aj Jairo xk'ab'a', ut naq kiril ru li Jesus, koxkut rib' chi roq

2 Reyes 17:36

Ka'ajwi' li Qaawa' teeloq'oni ru, li ki'isink chaq eere sa' xteepal Ejiipt rik'in xnimal xwankil. Ka'ajwi' chiru A'an teewiq'ib' eerib' ut texmayejaq.

Hechos 13:27

Eb' laj Jerusalén ut li xb'eenileb' ink'a' ke'xtaw ru ani li Jesus, ut, naq ke'xraq aatin sa' xb'een, kitz'aqlok ru xb'aaneb' li xtz'iib'ahom eb' li Propeet li nayaab'asimank rajlal sábado.

Daniel 7:10

Ut chiru a'an kipujk'uk chaq jun li xam, chanchan li roq nima' naq nab'eek. K'iila o'q'ob' chi tenamit yookeb' chi k'anjelak chiru li cheekel winq a'an ut k'iila o'q'ob' chik xaqxookeb' aran. Toja' naq ke'k'ojlaak eb' laj raqol aatin ut ke'xte eb' li hu.

Salmos 45:11

Ab'i, at inrab'in, chak'e reetal, q'esaq laaxik chi wab'inkil: Chatz'eq chirix aach'ool laatenamit jo'wi' laana' laayuwa';

1 Juan 5:21

Ex inkok'al, chekolaq eerib' chiruheb' li yal k'oxlanb'il yos!

1 Ts 5:15

Chek'e reetal, maa'ani chi'eeqajunq maa'usilal rik'in maa'usilal, a' b'an li us cheb'aanu junelik cherib'il eerib' ut rik'ineb' chixjunil.

Efesios 5:15

Jo'kan utan, k'ehomaq reetal chi us chanru leeyu'am: ink'a' jo'kaqex li maak'a'eb' xna'leb', jo'kaqex b'an li wankeb' xna'leb'.

2 Corintios 8:7

Laa'ex xo'numtaaq eerik'in chixjunil: leepaab'aal, leeraatin, leek'a'uxl, chixjunil li chaab'ilal jo'wi' li rahok li xqak'ut cheru. Jo'kan naq chinumtaaq ajwi' li chaab'il k'anjel a'in eerik'in.

San Marcos 7:25

Chi junpaat jun li ixq li wank xch'ina ko' eechaninb'il xb'aan tz'ajn aj musiq'ej, kirab'i resil li Jesus, kichalk ut kolxkut rib' chi roq.

Efesios 5:33

Jo'kan utan li junjunq sa' eeyanq chixra li rixaqil jo' naq naxra rib'; ut li ixaqilb'ej chiroxloq'i li xb'eelom.

Daniel 2:46

Toja' naq laj Nabukodonosor, li awab'ej, kiwiq'laak chiru laj Daniel, kixhupub' rib' chiru ch'och' ut kixye naq chik'eemanq xsimaatan jo'wi' xsununkil b'an.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Apocalipsis 19:9

Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.