Apocalipsis 18:8 - Q'eqchi Bible

⁸ Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Li Santil hu

⁸ Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Apocalipsis 18:8 ပူးပေါင်းရင်းမြစ်များ

Jeremías 50:34

Ab'an laj Kolol reheb' a'an jwal kaw rib': Nimajwal Yos naxk'ab'a'in. A'an taa'okenq chi xkolb'aleb' toj reetal taawanq li tuqtuukilal sa' ruuchich'och' ut te'rahob'tesiiq li wankeb' Babilonia”, chan li Qaawa'.

Jeremías 50:31

“At q'etq'et aj tenamit, yo injosq'il aawik'in; xwulak laakutankil ut xtaw xq'ehil naq taatoj rix laamaak.

Apocalipsis 17:16

Li josq' aj xul ut eb' li lajeeb' chi xukub' li xawil, xik' te'ril laj yumb'eet; te'xkanab' chi nakirnak ut chi t'ust'u, te'xtiw li xtib'el ut te'xk'at li ixq sa' xam.

Apocalipsis 18:19

Ke'xk'e pojtz' sa' xjolomeb', te'yaab'aq ut te'xten re xch'ooleb' naq ke'xjap re chi xyeeb'al: “Toq'ob' ru, toq'ob' ru li Nimla Tenamit! Chixjunileb' li wankeb' xjukub' sa' li palaw xe'b'ihomo'k rik'in li xnimal b'ihomal, ut anaqwan, yal chiru jun k'amok, xkanaak chi nakirnak!”.

1 Corintios 10:22

Malaj tqaj xyoob'ankil xsowenal li Qaawa'? Ma q'axal kawo tab'i' laa'o chiru li Yos?

Jeremías 51:58

“Li xsuttz'akil Babilonia li jwal nim ru taajuk'manq chi junajwa, ut te'k'ate'q eb' li xtz'apb'al li rokeb'aal li tenamit. Maak'a' rajb'al naq xe'k'anjelak eb' li xninqal ru tenamit, xb'aan naq li k'aru xe'xtawasi wi' rib', yal xam toxraqe'q wi'”, chan li Nimajwal Yos.

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Apocalipsis 19:3

Ut ke'xye jun sut chik: “Aleluya! Li xsib'el laj yumb'eet nataqe'k chi junelik q'e kutan”.

Apocalipsis 18:17

Yal chiru jun k'amok xsachk li nimla b'ihomal a'in!”, cha'qeb'. Chixjunileb' laj jolominel re jukub' ut li jo'k'ihal wankeb' chisa', eb' li neke'b'eresink re ut chixjunileb' li neke'k'anjelak chiru ha' ke'kanaak chi najt

Apocalipsis 17:18

Ut li ixq xawil ru, a'an li Nimla Tenamit li wank xwankil sa' xb'eeneb' li awab'ej re li ruuchich'och'”.

Apocalipsis 11:17

“Naqab'anyoxi aawe, at Qaawa', at Nimajwal Yos, li ak wankat chaq ut li wankat anaqwan, xb'aan naq wank chik sa' laawuq' laanimal laawankil ut xatikib' awab'ejink.

Salmos 62:11

Meekawub'resi eech'ool rik'in li rahob'tesink, miwank xnimal eeroyb'enihom rik'in li elq'ak; us ta taatamq leeb'ihomal, ab'an mixik eech'ool chirix a'an.

Li xHu LAJ JOB 9:19

Li Yos q'axal kaw rib' chiwu, ut wi ta tinb'oq chaq sa' raqleb'aal aatin, ani truuq tixmin ru chi chalk?

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Isaías 9:14

Jo'kan naq li Qaawa' tixsacheb' ru laj k'amol b'e jo'wi' eb' li poyanam, jo' na'uxk re junaq xul naq nayok'mank li xjolom ut li xye, jo' na'uxk re li kala' naq nakure'k ut na'isiik li xxaq. Ut chixjunil a'in taak'ulmanq yal chiru jun kutan.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.