Apocalipsis 18:6 - Q'eqchi Bible

⁶ K'ehomaq re jo' naq a'an kik'ehok, chek'e reeqaj li xb'aanuhom ka' sut chik xk'ihal. Ut sa' li sek' kixkawresi wi' li uk'a', chekawresi laa'ex li xka'wail re a'an.

Li Santil hu

⁶ Cheꞌqꞌuehekꞌ chixtoj li joꞌ qꞌuial li raylal xeꞌxba̱nu reheb li jalaneb xtenamit. Chiqꞌuehekꞌ re̱kaj li queꞌxba̱nu reheb. Caꞌ sut xqꞌuial li raylal ta̱ba̱nu̱k reheb chiru li queꞌxba̱nu eb aꞌan.

Apocalipsis 18:6 ပူးပေါင်းရင်းမြစ်များ

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Salmos 137:8

At Babilonia aj juk'unelat, us xaq re li taa'eeqajunq aawe li rahilal qak'ulum aab'aan;

Jeremías 50:15

Japomaq eere chi xsutam li tenamit. Babilonia ok re chi xq'axtesinkil rib' sa' eeruq': xe't'anje'k li najt xteramil ochoch ut x'uq'e'k li xsuttz'akil. A'an li eeqajunk xinb'aanu laa'in; eeqajunqex ajwi' laa'ex sa' xb'een! B'aanuhomaq re jo' li xb'aanu a'an eere.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

Apocalipsis 14:10

taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

Jeremías 51:24

“Ab'anan cheru ajwi' laa'ex aj Judá tink'e reeqaj re Babilonia ut reheb' chixjunil laj Kaldeha li rahilal xe'xb'aanu re Sión -chan li Qaawa'-.

Apocalipsis 17:4

Li ixq a'an tiqto rik'in t'ikr kaqmoqin ut kaqjorin xb'onol, nalemtz'unk ru rik'in oor, rik'in tertookil pek ut lemtz'il q'ol. Wank sa' ruq' jun li sek' oor nujenaq rik'in li xyiib'etalil ut xtz'ajnil li xmuxb'al rib';

Zacarías 9:12

Sutq'inqex chaq sa' leetenamit, laa'ex li preex li toj wank eeroyb'enihom. Anaqwan ajwi' tinye resil naq ka'sut chik texwosob'tesi xb'aan li rahilal xek'ul.

Jeremías 17:18

Kanaaqeb' sa' xutaan eb' li neke'ajok inrahob'tesinkil, ut maawa' laa'in tinxutaanaq. Sachqeb' xch'ool a'an, ut maawa' laa'in li taasachq inch'ool. Taqla chaq li rahilal sa' xb'eeneb' ut sach ruheb' chi junwaakaj.

Jeremías 16:18

Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

2 Timoteo 4:14

Laj Alejandro, laj tenol ch'iich', naab'al li rahilal xb'aanu we. Li Qaawa' taa'eeqajunq re jo' chanru li xb'aanuhom.

Jeremías 51:49

Sa' xk'ab'a'eb' laj Israel li xe'kamk taajuk'e'q Babilonia; sa' xk'ab'a'eb' li xe'kamsiik sa' ruuchich'och' tento taasachmanq chi junwaakaj”.

Apocalipsis 17:2

Eb' li awab'ej re li ruuchich'och' ke'xmux rib'eb' rik'in, ut eb' li wankeb' sa' ruuchich'och' ke'kalaak rik'in li xb'iinul ut ke'xb'aanu li maa'usilal rik'in”.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Isaías 40:2

Aatinomaq Jerusalén sa' q'unil aatin ut yehomaq re chi yaal naq moko mun ta chik, ak xtoj rix chixjunil li xmaak, xb'aan naq ka'sut xrahob'tesiik xb'aan li Qaawa' chirix chixjunil li maa'usilal xb'aanu.

Isaías 61:7

Numtajenaq leexutaan ut leemajewankil eek'ulum chaq; jo'kan naq naab'alaq ajwi' leemaatan: ka'wa teek'ul xk'ihal leeb'ihomal sa' li na'ajej wanqex wi' ut junelik chik sahaq sa' leech'ool.

Salmos 28:4

At Qaawa', chak'e reheb' li xk'ulub' li xb'aanuhomeb', a' yaal chanru li maa'usilal xe'xb'aanu; chaq'ajkamuheb' jo' chanru li xb'aanuhomeb', chak'e reheb' li xk'ulub'eb'.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Lamentaciones 3:64

At Qaawa', eeqajun sa' xb'eeneb' jo' chanru xk'ulub'eb'.