Apocalipsis 18:13 - Q'eqchi Bible

¹³ kaneel, amomo, sununkil b'an, miir, pom, b'iin, aseeyt, k'aj, triiw, xul aj iiqonel, karneer, kawaay ut b'eleb'aal ch'iich'; loq'b'il moos ut yalaq ani chik chi winqul.

Li Santil hu

¹³ Ma̱ ani chic ta̱lokꞌok re li canela, li sununquil ban, li incienso, li mirra ut li olíbano. Ma̱ ani chic ta̱lokꞌok re li vino, li aceite, li trigo ut li cha̱bil cꞌaj. Ut ma̱ ani chic ta̱lokꞌok re li cuacax, li carner ut li cacua̱y, chi moco teꞌxlokꞌ li carruajes, chi moco teꞌxlokꞌ chic li rech cristianil chokꞌ mo̱seb.

Apocalipsis 18:13 ပူးပေါင်းရင်းမြစ်များ

Ezequiel 27:13

Jo'kaneb' ajwi' eb' laj Grecia, eb' laj Tubal ut eb' laj Mesek neke'loq'ok aawik'in, ut neke'tojok rik'in poyanam ut rik'in chik k'a'aq re ru yiib'anb'il rik'in q'anch'iich'.

Amós 2:6

Jo'ka'in kixye li Qaawa': “Ak k'iila sut xinkuy xmaakeb' laj Israel ut anaqwan maak'a' chik xkuyb'al, xb'aan naq neke'xk'ayi chi tuminal li tiik xch'ool ut yal rik'in jun sumal chi perxaab' neke'xk'ayi li neb'a'.

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Nehemías 5:8

ut kinye reheb': “Laa'o, jo' chanru xk'e rib' chiqu, xqisiheb' li qech tenamitul rub'el xwankileb' laj ab'l tenamit. Ut anaqwan laa'ex xek'ayeb' chik leeras eeriitz'in re naq laa'o tooloq'oq reheb'!”. Naq ke'rab'i a'in, ch'anch'o ke'kanaak chi ink'a' chik ke'xtaw k'aru ke'xye.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Deuteronomio 24:7

“Wi junaq winq taarelq'a li ras riitz'in rech aj Israelil ut tixk'e cho'q xmun malaj ut tixk'ayi, laj elq' a'an tento taakamq, re naq taasachq chi junajwa li ink'a' us sa' eeyanq.

Éxodo 21:16

“Li trelq'a ras riitz'in re xk'ayinkil malaj re tkanaaq sa' ruq', tento taakamq.

1 Timoteo 1:10

eb' laj ko'b'eet laj yumb'eet, eb' li neke'maakob'k rik'in rech winqilal rech ixqilal ut neke'xk'ayi ras riitz'ineb', eb' laj tik'ti' ut eb' li neke'xpatz' li Yos rik'in yoob'anb'il aatin; naraj naxye, reheb' chixjunil li xik' neke'ril li qachaab'il k'utum,

Amós 8:6

Aran tooruuq xloq'b'aleb' chi tuminal li maak'a'eb' xwankil, ut eb' li neb'a' tqaloq'eb' yal rik'in jun sumal chi perxaab'. A' ajwi' li xmulel li triiw tqak'ayi!”.

Amós 6:6

Nekex'uk'ak b'iin sa'eb' li xninqal sek' ut nekeyul eerib' sa' sununkil b'an jwal chaab'il; ab'an maak'a' nekeraj wi' li xrahilaleb' laj José.

Cantares 5:5

Xinwakliik re xteeb'al li kab'l chiru linrahom, ut sa'eb' li wuq' natz'iltz'otk li miir, ha'lesinb'il miir x'elk sa'eb' li ru'uj wuq' li xhoye'k sa' xb'een li xteeleb'aal li okeb'aal.

Proverbios 7:17

xink'e ajwi' sununkil b'an chiru, yiib'anb'il rik'in miir ut kaneel.

2 Crónicas 9:9

Chirix chik a'an li xna'eb' li tenamit Sabá kixsi waqk'aal (120) chi tumin junes oor; kixsi ajwi' xk'iila sununkil b'an ut chaq'alil ru pek. Maajun sut kisiimank naab'al xsununkil b'an laj Salomón jo' xk'ihal kixsi li xna'eb' li tenamit Sabá!

1 Reyes 10:25

Ut li junjunq, rajlal chihab', naxk'e xsimaatan: a' li k'a'aq re ru yiib'anb'il rik'in plaat ut oor, jo'wi' aq'ej, ch'iich', sununkil b'an, kawaay ut muul.

1 Reyes 10:15

chi ink'a' k'eeb'ileb' sa' ajl li toj neke'xk'e laj k'ay, eb' laj yakonel, eb' li awab'ej re Arabia jo'wi' eb' li neke'jolomink li junjunq chi tenamit.

1 Reyes 10:10

Chirix chik a'an li xna'eb' li tenamit Sabá kixsi waqk'aal (120) chi tumin junes oor; kixsi ajwi' k'iila sununkil b'an ut xchaq'alil ru pek. Maajun sut kisiimank naab'al xsununkil b'an laj Salomón jo' xk'ihal kixsi li xna'eb' li tenamit Sabá.

Deuteronomio 28:68

Li Qaawa' tatxk'am wi' chik Ejiipt, sa' jukub', sa' li b'e b'arwi' xyehom aawe: «Ink'a' chik taawil ru». Ut aran laa'ex teek'ayi eerib' reheb' li xik' neke'ilok eere, re naq texkanaaq cho'q aj mun winq ut aj mun ixq. Ab'anan maajun taaloq'oq eere”.

Cantares 1:3

q'axal sa chik chiru rutz'b'al laasununkil b'an! Laa'at jo'kat sununkil b'an li nahoye'k, jo'kan naq nakate'xra eb' li ixqa'al.

1 Crónicas 5:21

Chirix chik a'an ke'xk'am li xketomq eb' li xik' neke'ilok reheb', wankeb' lajeeb' roxk'aal mil (50,000) chi kameey, lajeeb' roxlajuk'aal mil (250,000) chi karneer ut oob' o'q'ob' (2,000) chi b'uur. Ke'xk'e ajwi' sa' tz'alam o'k'aal mil (100,000) chi poyanam.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Apocalipsis 18:14

Ut te'xye re li tenamit: “Eb' li ki'il q'een natzemtzot wi' aach'ool xe'sachk chawu; chixjunil li xchaq'al ru ut li q'axal loq' ak xraqe'k cho'q aawe ut maajoq'e chik taatawmanq”.

Apocalipsis 18:15

Eb' laj yakol re a k'a'aq re ru a'in, eb' li xe'b'ihomo'k xb'aan a'an, te'kanaaq chi najt xb'aan xxiweb' chiru li xrahilal, huyhutqeb' chi yaab'ak: