Apocalipsis 18:11 - Q'eqchi Bible

¹¹ Eb' laj yakonel sa' ruuchich'och' te'yaab'aq ut huyhutqeb' chirix, xb'aan naq maa'ani chik naloq'ok li xk'ayeb':

Li Santil hu

¹¹ Eb laj cꞌay ta̱rahokꞌ saꞌ xchꞌo̱leb ut teꞌya̱bak chirix li tenamit xban nak ma̱ ani chic ta̱lokꞌok re lix cꞌayeb.

Apocalipsis 18:11 ပူးပေါင်းရင်းမြစ်များ

Apocalipsis 18:3

Xb'aan naq chixjunileb' li tenamit xe'ruk' li xb'iinul ut xe'xb'aanu li maa'usilal rik'in; eb' li awab'ej re li ruuchich'och' xe'xmux rib'eb', ut eb' laj yakonel sa' ruuchich'och' xe'b'ihomo'k rik'in li xjo'maajo'il aj maa'usilal”.

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 18:15

Eb' laj yakol re a k'a'aq re ru a'in, eb' li xe'b'ihomo'k xb'aan a'an, te'kanaaq chi najt xb'aan xxiweb' chiru li xrahilal, huyhutqeb' chi yaab'ak:

Sofonías 1:11

Yaab'anqex laa'ex li wankex taq'a, xb'aan naq te'kamq chixjunileb' laj k'ay ut te'sache'q chixjunileb' laj jalol ru tumin.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Isaías 47:15

A'an toxe'oso'q wi' eb' laj tuul, eb' li q'axal xe'tawasink aawe chiru chixjunil laayu'am. Ak xb'e xb'e te'xk'am li junjunq ut maajun taaruuq chi kolok aawe.

San Mateo 22:5

A'ut eb' a'an ink'a' ke'raj rab'inkil ut koheb': wan koho sa' xk'al, wan koho chi yakok;

San Juan 2:16

ut kixye reheb' li neke'k'ayink mukuy: —Isihomaq a'in arin: meek'e cho'q k'ayiil li rochoch linYuwa'!

Proverbios 3:14

A'an jwal us wi' chik chiru xk'eeb'al li tumin sa' yakleb'aal tumin; jwal terto xtz'aq chiru li oor.

Isaías 13:19

Ut Babilonia, li ch'ina'us sa' xyanqeb' li tenamit, li xloq'al eb' laj Kaldeha ut li tenamit neke'xnimob'resi wi' rib', taakanaaq jo' Sodoom ut Gomoor li kinsacheb' ru.

Ezequiel 27:9

Eb' li cheekel winq aj Kebal neke'xsik' xyaalal chanru te'xyiib' laajukub' naq taapo'e'q. Yalaq b'ar neke'chalje'k eb' laj yakonel chi k'ayink ut chi loq'ok aawik'in.