Apocalipsis 17:4 - Q'eqchi Bible

⁴ Li ixq a'an tiqto rik'in t'ikr kaqmoqin ut kaqjorin xb'onol, nalemtz'unk ru rik'in oor, rik'in tertookil pek ut lemtz'il q'ol. Wank sa' ruq' jun li sek' oor nujenaq rik'in li xyiib'etalil ut xtz'ajnil li xmuxb'al rib';

Li Santil hu

⁴ Li ixk tikibanbil riqꞌuin rakꞌ púrpura ut cak. Lix sahob ru li rakꞌ yi̱banbil riqꞌuin oro ut terto̱quil pec ut riqꞌuin perla. Cuan chak riqꞌuin jun li secꞌ oro nujenak riqꞌuin li ma̱usilal ut li yumbe̱tac coꞌbe̱tac.

Apocalipsis 17:4 ပူးပေါင်းရင်းမြစ်များ

Apocalipsis 18:16

“Toq'ob' ru, toq'ob' ru li Nimla Tenamit, tiqto rik'in liino, kaqjorinkil ut kaqmoqinkil t'ikr! Toq'ob' ru li nalemtz'unk rik'in oor, tertookil pek ut lemtz'il q'ol!

Jeremías 51:7

Babilonia chanchan jun sek' ooro naq xwank sa' wuq'; a'an xpo'ok re xna'leb' chixjunil li ruuchich'och': eb' li xninqal ru tenamit xe'ruk' li b'iin a'an ut xe'sachk xna'leb'eb'.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Apocalipsis 18:12

a' li oor, plaat, tertookil pek ut lemtz'il q'ol, liino ut púrpura, seda ut kaqjorinkil t'ikr, jo'wi' chixjunil chik li k'iila paay chi sununkil che', chixjunil li k'a'aq re ru yiib'anb'il rik'in marfil, chixjunil li k'a'aq re ru yiib'anb'il rik'in chaab'il che', q'anch'iich', ch'iich' ut mármol;

Lamentaciones 1:9

Li xtz'ajnil naxletz rib' chiru li xb'aatal; maajun sut xk'oxla chanru naq taa'oso'q sa' junaq kutan. K'ajo' xiwajel li xt'anik! Maa'ani nak'ojob'ank xch'ool: “At Qaawa', chak'e taxaq reetal linrahilal, xb'aan naq li xik' na'ilok we yo chi numtaak sa' inb'een”.

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Daniel 11:38

Tixloq'oni ru li yos nak'aak'alenk reheb' li kawub'resinb'il ochoch; rik'in oor, plaat, lemtz'il q'ol ut tertookil pek tixterq'usi xloq'al li yos a'an, li maajun wa rilomeb' ru li xna' xyuwa'.

Ezequiel 24:13

«At Jerusalén, laa'in xwaj aach'ajob'resinkil rik'in laatz'i'b'eetalil b'aanuhom, a'ut laa'at ink'a' xakanab' aawib' chi ch'ajob'resiik. Tatsaqo'q ka'ajwi' naq twisi linjosq'il sa' aab'een.

Ezequiel 24:11

Kanab' wan li uk'al sa' xam chi maak'a' chik xsa', toj reetal taakaqo'q li xch'iich'ul xb'aan li xam, taach'ajmb'ilo'q ut taa'elq li xq'olel.

1 Reyes 14:24

Sa' li tenamit ke'wank ajwi' li ke'xq'axtesi rib' sa' li tz'i'b'eetal aj b'aanuhom: a' li ko'b'eetak yumb'eetak re loq'onink. A' ajwi' li tz'i'b'eetalil uxb'il xb'aaneb' li tenamit li ke'aanilasiik xb'aan li Qaawa' chiruheb' laj Israel ke'xk'e rib' chi xb'aanunkil.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Esdras 9:11

aak'ehom chaq qe chi xtz'uumal reheb' laapropeet aj k'anjeleb' chawu naq xaye chi kama'in: «Li ch'och' li toxeereechani, a'an muxb'il ch'och', nujenaq chi xmaa'usilaleb' li tenamit wankeb' aran, xb'aan li tz'i'b'eetalil xe'xb'aanu yalaq b'ar.

Ezequiel 20:30

“Ye reheb' laj Israel: «Jo'ka'in xye li Qaawa': Ma toj yooqex chi xmuxb'al eerib' jo' ke'xb'aanu chaq eb' leena' leeyuwa'? K'a'ut naq toj yookex chi xloq'oninkil ru eb' li jalanil yos?

2 Reyes 21:2

Ab'an laj Manasés ink'a' kixb'aanu li us chiru li Qaawa', kixb'aanu b'an chik li tz'i'b'eetalil, jo' neke'xb'aanu eb' li tenamit li ke'aanilasiik xb'aan li Qaawa' chiruheb' laj Israel.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Deuteronomio 29:17

Ak eerilom li tz'i'b'eetalil maa'usilal ut eb' li xyoseb' yiib'anb'il rik'in che', pek, rik'in plaat ut oor, li wankeb' sa' xyanqeb'.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Ezequiel 28:13

Aran Edén, sa' li xna'aj rawimq li Yos, katwank. Uutz'u'ujinb'il laab'aatal rik'in k'iila paay chi pek, jo' li rubí, li topasio, li jaspe, li lemtz'il q'ol, li krisólito, li ónise, li safiro, li malakita ut li esmeralda. Yiib'anb'il laaka'xik ut li xsahob' ru laawaq' rik'in oor, k'uub'anb'il chalen chaq sa' xkutankil laayo'lajik.

Apocalipsis 9:21

Ink'a' ajwi' ke'yot'e'k xch'ool chirix li kamsink, tuulak, muxuk ib' ut elq'ak nalaje'xb'aanu.

Apocalipsis 21:21

Li kab'laju chi okeb'aal a'aneb' kab'laju chi lemtz'il q'ol: jun sa' li junjunq chi okeb'aal; ut li xnimb'ehil li tenamit a'an tz'aqal oor, saqen saqenk ru jo' li lem.