Apocalipsis 17:12 - Q'eqchi Bible

¹² “Li lajeeb' chi xukub' xawil a'aneb' li lajeeb' chi awab'ej li maji' xk'ulumeb' xwankil, ab'an te'ruhanq chi awab'ejink chiru jun k'amokaq rochb'eeneb' li josq' aj xul.

Li Santil hu

¹² Ut li laje̱b chi xucub li xacuil, aꞌan retalileb li laje̱b chi rey li teꞌcua̱nk. Teꞌxcꞌul xcuanquileb chi cua̱nc chokꞌ rey, rochbeneb li joskꞌ aj xul li cak rix. Abanan incꞌaꞌ najt ta̱cua̱nk xcuanquil eb aꞌan.

Apocalipsis 17:12 ပူးပေါင်းရင်းမြစ်များ

Apocalipsis 12:3

Toja' naq kik'utunk jun chik eetalil sa' choxa: jun li nimla k'anti' kaq rix, wank wuqub' xjolom ut lajeeb' xxukub', ut sa' xb'eeneb' li xjolom wankeb' wuqub' lemtz'il koroon.

Apocalipsis 13:1

Kiwil naq ki'elk chaq sa' li palaw jun li josq' aj xul wank lajeeb' xxukub' ut wuqub' xjolom. Chiruheb' li xxukub' wank lajeeb' lemtz'il koroon, ut sa' xb'eeneb' li xjolom junjunq tz'iib'anb'ileb' k'ab'a'ej re majewank.

Daniel 7:24

Eb' li lajeeb' chi xukub', a'aneb' reetalil li lajeeb' chi awab'ej te'wanq sa' li awab'ejihom a'an. Moqon taachalq jun chik li awab'ej jalanaq wi' chiruheb' a'an, ut tolxsach ruheb' li oxib'eb' chi awab'ej,

Apocalipsis 17:16

Li josq' aj xul ut eb' li lajeeb' chi xukub' li xawil, xik' te'ril laj yumb'eet; te'xkanab' chi nakirnak ut chi t'ust'u, te'xtiw li xtib'el ut te'xk'at li ixq sa' xam.

Daniel 7:20

Kinpatz' ajwi' li xyaalalil li lajeeb' chi xukub' li wank sa' xjolom, jo' ajwi' li xyaalal li xukub' jun chik kiyo'laak ut kirisiheb' li oxib' chik, wank xsa' ru ut tz'i'b'eetal na'aatinak, chi k'ajo' xnimal chiruheb' li xkomon.

Apocalipsis 18:19

Ke'xk'e pojtz' sa' xjolomeb', te'yaab'aq ut te'xten re xch'ooleb' naq ke'xjap re chi xyeeb'al: “Toq'ob' ru, toq'ob' ru li Nimla Tenamit! Chixjunileb' li wankeb' xjukub' sa' li palaw xe'b'ihomo'k rik'in li xnimal b'ihomal, ut anaqwan, yal chiru jun k'amok, xkanaak chi nakirnak!”.

Apocalipsis 18:17

Yal chiru jun k'amok xsachk li nimla b'ihomal a'in!”, cha'qeb'. Chixjunileb' laj jolominel re jukub' ut li jo'k'ihal wankeb' chisa', eb' li neke'b'eresink re ut chixjunileb' li neke'k'anjelak chiru ha' ke'kanaak chi najt

Apocalipsis 18:10

te'kanaaq chi najt xb'aan xxiweb' chiruheb' li xrahilal ut te'xye: “Toq'ob' aawu, toq'ob' aawu, at Nimla Tenamit, at kawil tenamit Babilonia! Yal chiru jun k'amok xk'ulunk li tojb'amaak teneb'anb'il sa' aab'een!”.

Apocalipsis 10:11

Toja' naq kiyehe'k we: “Tento naq tat-aatinaq wi' chik jo' propeet chirix naab'aleb' chi tenamit, jo' ajwi' chirix naab'aleb' li amaq' ut awab'ej”.