Apocalipsis 16:6 - Q'eqchi Bible

⁶ xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Li Santil hu

⁶ Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

Apocalipsis 16:6 ပူးပေါင်းရင်းမြစ်များ

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Apocalipsis 18:24

Aran, sa' li tenamit Babilonia, xtawe'k xkik'eleb' li propeet, xkik'eleb' li sant ut chixjunileb' li kilaje'kamsiik sa' ruuchich'och'.

Apocalipsis 13:15

Kik'ehe'k xwankil chi xk'eeb'al xyu'am li xjalam u li josq' aj xul re naq taa'aatinaq ut tixk'eheb' chi kamk jo'k'ihaleb' li ink'a' te'loq'oninq re li xul.

2 Reyes 24:4

ut xb'aan ajwi' naq kixkamsi naab'aleb' li maak'a'eb' xmaak, toj reetal kixnujob'resi Jerusalén chi kamenaq. Ut li Qaawa' ink'a' chik kixkuy a'an.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

San Mateo 7:2

Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Jeremías 26:16

Toja' naq eb' li xjolomil li tenamit ut chixjunileb' li poyanam ke'xye reheb' laj tij ut eb' li propeet: “Li winq a'in moko xk'ulub' ta kamsiik, xb'aan naq xooraatina sa' xk'ab'a' li Qaawa' li qaYos”, chankeb'.

Jeremías 26:11

Toja' naq eb' laj tij ut eb' li propeet ke'aatinak rik'ineb' laj jolominel jo' ajwi' rik'ineb' chixjunil li poyanam ut ke'xye: “Li winq a'in xk'ulub' naq taateneb'aaq kamk sa' xb'een, xb'aan naq xye naq li tenamit a'in taajuk'manq, jo' xerab'i laa'ex rik'in leexik”.

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

San Lucas 12:48

Ut li ink'a' naxnaw ut xb'aanu li xk'ulub' wi sak'e'k, yal kach'in ajwi' xlob' tixk'ul. Ani xk'eemank wi' naab'al, naab'al ajwi' taatitz'manq re; a'ut ani xk'uluk naab'al, q'axal naab'al chik taapatz'manq re.

Éxodo 7:17

Jo'ka'in naxye li Qaawa': Rik'in a'in taanaw naq laa'in li Qaawa'. K'e reetal, tinsak' li roq li nima' rik'in li xuq' li wank sa' wuq' ut taasutq'iiq chi kik'ul.

Éxodo 21:24

Isinb'ilaq xsa' ru li x'isink xsa' aawu; isinb'ilaq ruuch re li x'isink ruuch aawe; yok'b'ilaq ruq' li xyok'ok aawuq' ut yok'b'ilaq roq li xyok'ok aawoq.

Ezequiel 32:6

Tint'aqresi li ch'och' rik'in laakik'el; taawulaq toj sa' xb'eeneb' li tzuul ut tixnujob'resi eb' li roq nima'.