Apocalipsis 16:1 - Q'eqchi Bible

¹ Chirix chik a'an kiwab'i jun xyaab' kuxej q'axal kaw sa' rochoch li Yos, yo chi xyeeb'al reheb' li wuqub' chi ánjel: “Ayuqex ut hoyomaq sa' xb'een li ruuchich'och' li wuqub' chi sek', li wank xjosq'il li Yos chisa'”.

Li Santil hu

¹ Ut quicuabi jun xya̱b cux quia̱tinac chak chi cau saꞌ lix templo li Dios. Quixye reheb li cuukub chi ángel: —Ayukex ut hoyomak chak saꞌ xbe̱n li ruchichꞌochꞌ lix joskꞌil li Dios li cuan saꞌ li cuukub chi secꞌ.—

Apocalipsis 16:1 ပူးပေါင်းရင်းမြစ်များ

Sofonías 3:8

Jo'kan naq chineeroyb'eni wan laa'ex sa' li kutan a'an, chan li Qaawa', naq tinchalq chi raqok aatin sa' eeb'een. Tinch'utub'eb' li tenamit ut eb' li awab'ej re xkutb'al linjosq'il sa' xb'eeneb', jo' ajwi' re xk'utb'al jo'nimal li naxamnak wi' li waanm. Ut chixjunil li ruuchich'och' taasache'q xb'aan linjosq'il.

Apocalipsis 15:1

Chirix chik a'an kiwil sa' choxa jun chik nimla eetalil ut sachb'ach'oolej rilb'al: wuqub' chi ánjel yookeb' chaq chi xk'amb'al wuqub' chi rahilal te'chalq sa' roso'jik, xb'aan naq rik'ineb' a'an taatz'aqloq ru li xjosq'il li Yos.

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

Apocalipsis 16:17

Li xwuq li ánjel kixhoy li xsek' sa' iq', ut ki'elk chaq jun xyaab' kuxej sa' rochoch li Yos, wan wi' li k'ojarib'aal, ut kixye chi kaw: “Yaalo'jenaq chik a'an!”.

Salmos 79:6

Chapo' laach'ool sa' xb'eeneb' li poyanam li ink'a' neke'xnaw aawu, sa' xb'eeneb' li tenamit li ink'a' neke'xyaab'a laak'ab'a'.

Ezequiel 10:2

Ut li Qaawa' kixye re li winq tiqto rik'in aq'ej liin: “Ch'ik aawib' sa' xyanqeb' li sursu li wank rub'el roqeb' li kerubín, xok chaq jun mooch'aq li ru xam li wank sa' xyanqeb' a'an, ut paji sa' xb'een li tenamit”. Laa'in kiwil li winq chi ok sa' xyanqeb' li sursu.

Apocalipsis 14:18

Ut jun chik li ánjel ki'elk chaq sa' li artal, a' li wank xwankil sa' xb'een li xam, ut kaw kixjap re chi xyeeb'al re li wank xq'esnal ch'iich': “Isi laaq'esnal ch'iich' ut set chi kuut li uub' wankeb' sa' ruuchich'och', xb'aan naq ak cheekeb' chik li ru”.

Apocalipsis 14:15

Moqon ki'elk jun chik li ánjel sa' rochoch li Yos, japjo re chi xyeeb'al chi kaw xyaab' xkux re li k'ojk'o sa' xb'een li choql: “Tikib' li setok rik'in laach'iich', xb'aan naq xwulak xq'ehil li q'olok: ak xq'ano'k li awimq sa' ruuchich'och'”.

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

1 Samuel 15:18

Jo'kan utan, wi li Yos xatxtaqla chi yalok ut xye aawe naq tento xsachb'aleb' ru laj Amalek toj reetal te'oso'q chi junajwa, xb'aan naq aj maakeb',

Ezequiel 22:31

Toja' naq xwisi linjosq'il sa' xb'eeneb' ut xeb'insach ru xb'aan xpo'ik linch'ool, re xteneb'ankil li tojb'amaak sa' xb'eeneb'»”, chan li Qaawa'.

Apocalipsis 11:19

Ut kiteeliik li rochoch li Yos sa' choxa, kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.