Apocalipsis 14:6 - Q'eqchi Bible

⁶ Chirix chik a'an kiwil jun chik li ánjel yo chi xik'ank sa' xyi li choxa, wan chaq rik'in jun li chaab'il esilal li maak'a' roso'jik: a'an tento xpuktesinkil rik'ineb' li wankeb' sa' ruuchich'och' jo' ajwi' rik'ineb' chixjunil li amaq' ut tenamit, yalaq chan re ru neke'ilok ut neke'aatinak.

Li Santil hu

⁶ Ut quicuil jun chic li ángel yo̱ chi rupupic chiru choxa. Yo̱ chixyebal jun esilal li ma̱cꞌaꞌ rosoꞌjic reheb chixjunileb li cuanqueb saꞌ ruchichꞌochꞌ aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Apocalipsis 14:6 ပူးပေါင်းရင်းမြစ်များ

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

Apocalipsis 8:13

Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Isaías 51:8

Xb'aan naq te'oso'q jo' li aq'ej nachoye'k xb'aan li mok'o'k, kama' li tuuxnoq' li nak'uxe'k xb'aan li k'ams. A'ut lintiikilal maajoq'e taa'oso'q ut linkolb'a ib' taawanq junq'e junq'e kutan”.

Isaías 51:6

“Taqsihomaq leerilob'aal sa' choxa ut ilomaq li ruuchich'och' taq'a: li choxa taa'oso'q jo' li sib', ut li ruuchich'och' taaq'eelo'q jo' junaq aq'ej; eb' li xpoyanamil te'kamq jo'kaqeb' li suq. A'ut linkolb'a ib' taawanq chi junelik ut lintiikilal maajoq'e taa'oso'q.

Salmos 139:24

Chak'e reetal, mare anchal xinkanab' li chaab'il b'e; chinaab'eres taxaq sa' li junelik yu'am.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

Salmos 145:13

Laa'awab'ejihom a'an re junq'e junq'e kutan, ut laawankil wank chi junelik. Li Qaawa' a'an tiik xch'ool rik'in li naxye, q'axal chaab'il rik'in chixjunil li naxb'aanu.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Daniel 9:21

naq laj Gabriel, li kiwil ru sa' moy u xb'enwa, narupupnak naq kichalk chink'atq sa' xhonalil li ewuukil mayejak.

Apocalipsis 13:7

Kik'ehe'k xwankil chi yalok rik'ineb' li sant ut xq'axb'al ruheb', jo' ajwi' kik'ehe'k xwankil sa' xb'een chixjunileb' li xteepal ut li xtenamit li ruuchich'och', yalaq chanru neke'ilok ut neke'aatinak.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

San Mateo 10:27

Li k'aru ninye eere sa' aak'ab', cheye chi kutankil; ut li nekerab'i chi hasb'anb'il sa' eexik, chepuktesi resil sa' xb'een kab'l.

Apocalipsis 10:11

Toja' naq kiyehe'k we: “Tento naq tat-aatinaq wi' chik jo' propeet chirix naab'aleb' chi tenamit, jo' ajwi' chirix naab'aleb' li amaq' ut awab'ej”.

Daniel 4:1

A'an a'in li esil kixtaqla laj Nabukodonosor, li awab'ej, reheb' chixjunil li poyanam ut tenamit li wankatqeb' sa' ruuchich'och', a' yaal chanru li raatinob'aaleb': Chiwanq taxaq tuqtuukil usilal chi numtajenaq sa' eeyanq chejunilex.

Ezequiel 1:14

Ut eb' li yo'yookeb' neke'chalk neke'xik kama'eb' wi' li raq'kaaq.

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Salmos 119:142

Malaajel ma'oso'jel li xtiikilal laach'ool; laachaq'rab' a'an tz'aqal yaal.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Isaías 40:8

Nachaqik li pim ut natz'umaak li uutz'u'uj, a'ut li raatin li qaYos wank chi junelik”.

Génesis 1:6

Kixye li Yos: “Chiwanq taqe'q jun li kupku sa' xyanqeb' li ha' re tixjacheb' chirib'il rib'”.

Isaías 6:2

Ut sa' xb'een A'an xaqxookeb' wiib' chi ánjel sutsuukeb' xb'aan li xam; li junjunq wank waqitq xxik': junq sumal li xxik' neke'xtz'ap wi' li xnaq' ruheb', junq sumal tz'aptz'ookeb' wi' li roqeb' ut li junq sumal chik a'an neke'rupupik wi'.

1 Pedro 1:25

A'ut li Raatin li Yos wank chi junelik”. Ut a'an a'in tz'aqal li Aatin, a' li Chaab'il Esilal yeeb'il chaq eere.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Apocalipsis 10:7

Naq taa'ab'imanq li xyaab' xkux li xwuq ánjel ut a'an tixyaab'asi li xtronpeet, toja' naq sa'eb' li kutan a'an taatz'aqloq ru li xtz'aptz'ookil na'leb' li Yos, jo' kixye chaq rik'in chaab'il esilal reheb' laj k'anjel chiru, a'eb' li propeet”.