Apocalipsis 14:4 - Q'eqchi Bible

⁴ A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Li Santil hu

⁴ Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Apocalipsis 14:4 ပူးပေါင်းရင်းမြစ်များ

Apocalipsis 3:4

Ab'an toj wank wankeb' aawik'in aran Sardes li ink'a' xe'xtz'ajni li raq'eb'; eb' a'an te'b'eeq wochb'een chi saq li raq'eb', xb'aan naq xk'ulub'eb'.

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Salmos 74:2

Chijultiko'q aawe li komonil kaweechani najter q'e kutan, a' li molam kakol laa'at re tkanaaq cho'q aawe; chijultiko'q aawe li tzuul Sión b'arwi' kayiib' laamuheb'aal.

1 Corintios 6:20

Loq'b'ilex chi terto eetz'aq! Loq'onimaq b'i' li Yos rik'in leetz'ejwal.

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

Jeremías 2:3

Xsantil tenamit li Qaawa' naq kexwank chiwu, ex aj Israel, chanchanex li xb'een ru li awimq cho'q we. Jo'kan naq chixjunileb' li ke'rahob'tesink eere, laa'in kintaqla li rahilal sa' xb'eeneb'”, chan li Qaawa'.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Efesios 1:14

a'an li naqachap wi' li qaloq'laj maatan, toj reetal taatz'aqloq ru li qakolb'al laa'o li tenamit eechaninb'il xb'aan li Yos, re naq chinimaaq xloq'al.

1 Corintios 16:15

Nekenaw chi us naq li xjunkab'al laj Estéfanas a'aneb' xb'een chi paab'ank sa' xsutam Akaya ut xe'xq'axtesi rib' chi k'anjelak chiruheb' laj santil paab'anel.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

San Juan 13:37

Kiyehe'k re xb'aan laj Pedro: —At Qaawa', k'a'ut naq ink'a' truuq tatintaaqe anaqwan? Laa'in tinq'axtesi linyu'am sa' aak'ab'a'.

San Mateo 25:1

“Li taak'ulmanq sa' li xnimajwal wankilal li choxa chanchan li kik'ulmank sa' jun li sumlaak. Lajeeb' chi tuq'ixq ke'xk'am xsaqenkeb' naq ke'elk chi xk'ulb'al li b'eelomej.

San Mateo 8:19

Toja' naq jun aj tz'iib' kiwulak rik'in ut kixye re: —At Tzolonel, tatintaaqe yalaq ta b'ar tatxik.

Cantares 1:3

q'axal sa chik chiru rutz'b'al laasununkil b'an! Laa'at jo'kat sununkil b'an li nahoye'k, jo'kan naq nakate'xra eb' li ixqa'al.

1 Timoteo 4:3

Eb' a'an te'xye naq ink'a' us li sumlaak ut wank tzekemq ink'a' us xtzekankil, cha'qeb'. A'ut li Yos kixyoob'tesi chixjunil li tzekemq re naq eb' laj paab'anel ut eb' li neke'xnaw chi us li yaal, te'xtzeka rik'in b'anyoxink.

1 Corintios 7:28

Ab'anan wi tatsumlaaq, moko maak ta taab'aanu. Ut wi li ixqa'al taasumlaaq, moko maak ta a'an. Ab'anan eb' a'in rahilal te'xtaw sa' li tz'ejwalej, ut laa'in nawaj raj naq ink'a' teek'ul a'an.

Amós 6:1

Ra chaalel sa' xb'eeneb' li sa wankeb' aran Sión ut li k'ojk'ookeb' xch'ool chi wank sa' li xtzuulul Samaria, eb' li ninqeb' xwankil sa' li nimla tenamit li neke'xkawu wi' xch'ooleb' laj Israel.

Cantares 6:8

Oxk'aaleb' li xna' li tenamit, kaak'aaleb' li xkab' ixaqileb', ut k'ajo'eb' li tuq'ixq.

Salmos 45:14

K'ajo' xchaq'alil ru li xrab'in li awab'ej naq naq'axonk sa' li kab'l; uutz'u'ujinb'il li raq' rik'in xsahob' ru oor.

San Mateo 19:12

Xb'aan naq wankeb' winq ak reheb' chalen chaq sa' xsiyajikeb' naq ink'a' truuq te'wanq rixaqil; wankeb' chik yal k'uub'anb'ileb' chi jo'kan xb'aaneb' li rech winqilal; ut wankeb' ajwi' li x'alaak sa' xch'ooleb' naq ink'a' te'k'amoq sa' xk'ab'a' li xnimajwal wankilal li choxa. Ani truuq xtawb'al xyaalal, chixtawaq xyaalal.

Efesios 5:27

re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

Hebreos 12:23

a' li xch'utameb' li xb'een alalb'ej tz'iib'anb'ileb' xk'ab'a' sa' choxa, rik'in li Yos laj raqol aatin sa' xb'eeneb' chixjunil, jo'wi' rik'in li xmusiq'eb' li tiikeb' xch'ool li ak tz'aqob'resinb'ileb' chik ru.

Apocalipsis 21:22

Ab'anan ink'a' kiwil li rochoch li Yos sa' li tenamit, xb'aan naq li Qaawa', li Nimajwal Yos, jo' ajwi' li Karneer a'aneb' li Santil Ochoch aran.

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.