Apocalipsis 14:2 - Q'eqchi Bible

² Ut kiwab'i jun xyaab' kuxej sa' choxa, jo' xyaab' k'iila ha', jo' naq namoqk jun li kawil kaaq; li xyaab' kuxej kiwab'i chanchan xyaab' xkuxeb' laj aarp naq yo li aarpik.

Li Santil hu

² Ut quicuabi jun yo̱ chi a̱tinac saꞌ choxa chanchan xya̱b lix cau ok li nimaꞌ. Chanchan nak namok li ca̱k. Ut chanchan xya̱beb li arpa nak yo̱queb xchꞌeꞌbal.

Apocalipsis 14:2 ပူးပေါင်းရင်းမြစ်များ

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

Apocalipsis 1:15

eb' li roq kama'eb' li chaab'il q'anch'iich' chaab'ilob'resinb'il sa' xam, ut li xyaab' xkux jo' xyaab' li k'iila ha'.

Apocalipsis 15:2

Kiwil ajwi' jo' jun li palaw nalemtz'unk ru, yuub'il rik'in xam; ut eb' li ke'xq'ax ru li josq' aj xul jo' ajwi' li ink'a' ke'xk'e xwankil li xjalam u ut li rajlil li xk'ab'a', xaqxookeb' chire li palaw nalemtz'unk ru, wankeb' li aarp k'eeb'il xb'aan li Yos sa' ruq'eb'

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Ezequiel 43:2

ut kiwil naq li xloq'al li xYos laj Israel yo chaq chi chalk sa' xjayal releb'l saq'e: nach'oxoxnak li xyaab' jo' li b'ut'iha', ut li ruuchich'och' kisaqeno'k ru xb'aan li xloq'al.

Salmos 33:2

Chexyoxinq chiru li Qaawa' rik'in kitaar, chenimaaq xloq'al rik'in aarp li lajeeb' ru;

2 Samuel 6:5

Laj David ut chixjunileb' laj Israel yookeb' chi xajok chiru li Qaawa' chi anchaleb' xch'ool. Yookeb' ajwi' chi b'ichank rik'in aarp, tzojtzoj, xolb', tanb'oor ut sursuukil ch'iich'.

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

Apocalipsis 18:22

Ut li xyaab'eb' laj aarp, laj b'ichanel, laj xolb' ut laj tronpeet ink'a' chik taa'ab'iiq aawik'in; maajun chik aj pak'ol k'a'aq re ru taatawmanq wankat wi'; li xyaab' li sursuukil ke'leb' pek ink'a' chik taa'ab'iiq aawik'in.

Apocalipsis 11:12

Toja' naq kiwab'i jun xyaab' kuxej, kaw yo chi xyeeb'al sa' choxa: “Taqenqex chaq arin”. Ut ke'taqe'k sa' choxa sa' li choql, chiruheb' li xik' neke'ilok reheb'.

Apocalipsis 6:1

Naq li Karneer kixte jun reheb' li wuqub' chi tz'apleb', kiwil ut kiwab'i li xb'een reheb' li kaahib' chi yo'yookeb', jo' xyaab' li kaaq naq kixye: “Kim”.

Apocalipsis 1:10

Sa' xkutankil li Qaawa', kinreechani li Musiq'ej ut kiwab'i chiwix jun kawil xyaab' kuxej, kama' xyaab' li tronpeet, yo chi xyeeb'al we:

Salmos 93:4

A'ut jwal nim laawankil, at Qaawa', chiru li xyaab' li k'iila nima' ut li xkaw oq li palaw; jwal nim laawankil sa' choxa, at Qaawa'.

Salmos 92:3

xpuktesinkil resil laachaab'ilal eq'la ut xjultikankil li xtiikilal laach'ool rajlal q'oqyink,

Salmos 57:8

Ak yo'oon wank linch'ool, at inYos; kawal wank. Tinb'ichanq ut tinwajb'aq cho'q aawe.

Apocalipsis 8:7

Li xb'een ánjel kixyaab'asi li xtronpeet ut kiwank saqb'ach ut xam yuub'il rik'in kik'. Toja' naq a'an kik'ute'k chaq sa' xb'een li ruuchich'och'. Ut li rox jachal li ruuchich'och' kik'atk, rochb'een li rox jachal chixjunileb' li che' ut chixjunil li rax pim.

Zacarías 9:14

Li Qaawa' tixtenq'a li xtenamit ut jo'kaq li raq'kaaq naq tixkuti li ral xsimaj; A' li Yos taayaab'asinq li pur ut taaxik chi yalok sa' xyanq li kaqsut-iq' nachalk sa' li chaqich'och'.

Isaías 17:13

Ab'anan naq li Yos tixq'useb' chi kaw, eelel te'xik chi najt ut te'aanilasiiq jo' naq na'apuuk li mul xb'aan li iq' toj sa'eb' li tzuultaq'a, chanchanaqeb' xmuqyax li kaqsut-iq'.

Salmos 149:3

Chenimaaq li xk'ab'a' rik'in xajok, chexb'ichanq ut chexwajb'aq rik'in tun ut aarp!

Salmos 98:5

Chenimaaq ru li Qaawa' rik'in aarp jo'wi' rik'in chixjunileb' li loq'laj wajb'.

Éxodo 20:18

Chixjunileb' li tenamit ke'xk'e reetal li kaaq ut li raq'kaaq, li xyaab' tronpeet ut li xsib'el li tzuul; ke'siksotk xb'aan xxiweb' ut ke'kanaak chi najt:

Salmos 147:7

Chexb'ichanq chiru li Qaawa' re xk'eeb'al xloq'al, ch'e'omaq li aarp cho'q re li qaYos!

1 Corintios 13:1

Us ta ninnaw raatinob'aaleb' li winq ut eb' li ánjel, ab'anan wi ink'a' ninrahok, chanchanin jun li ch'iich' natzintzotk malaj junaq wajb' natzanb'ak xyaab'.

2 Crónicas 20:28

Ut naq ke'wulak Jerusalén, koheb' sa' rochoch li Yos, yookeb' chi xch'e'b'aleb' li aarp, tzojtzoj ut li pur.