Apocalipsis 14:14 - Q'eqchi Bible

¹⁴ Kin'ilok wi' chik, ut aran wank jun li saqi choql, ut sa' xb'een li choql k'ojk'o jun kama' rilob'aal li K'ajolb'ej: sa' xjolom wank jun li koroon oor ut sa' ruq' jun q'esnal ch'iich'.

Li Santil hu

¹⁴ Ut quicuil jun li saki chok. Ut saꞌ li chok aꞌan, chunchu li Jun chanchan cui̱nk. Aꞌan li Cꞌajolbej. Ut saꞌ xjolom cuan jun li corona yi̱banbil riqꞌuin oro ut saꞌ rukꞌ cuan jun li kꞌesnal chꞌi̱chꞌ cꞌoncꞌo.

Apocalipsis 14:14 ပူးပေါင်းရင်းမြစ်များ

Daniel 7:13

“Sa' ajwi' li q'oqyink a'an, sa' moy u, kiwil naq sa' choxa kikub'e chaq jun chanchan li winq: koho wan wi' li cheekel winq ut koxxaqliiq chiru.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Apocalipsis 1:13

ut sa' xyiheb' li xna'aj kanteel kiwil kama' jun li K'ajolb'ej, tiqto rik'in jut-aq', b'ak'b'o li re xch'ool rik'in k'aamalsa' oor.

Hebreos 2:9

ab'an li kub'enaq kach'inaq xwankil chiruheb' li ánjel, a' li Jesus, ak naqil naq k'eeb'il xloq'al ut xwankil cho'q xq'ajkamunkil, xb'aan naq kixk'ul xrahilal li kamk. Jo'kan naq, sa' xk'ab'a' xnimal ruxtaan li Yos, li kamk kixk'ul, a'an usilal cho'q reheb' chixjunil.

San Lucas 21:27

Toja' naq te'ril li K'ajolb'ej yooq chaq chi k'ulunk sa' choql rik'in xnimal xwankil ut xloq'al.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Salmos 97:2

Sutsu li Qaawa' xb'aan li choql ut li aak'ab'; li tiikilal ut li yaal a'aneb' xkuut li xk'ojarib'aal.

Apocalipsis 6:2

Kiwil, ut wank aran jun li saqi kawaay; ut li k'ojk'o chi xb'een wan chaq jun xsimaj. Kik'ehe'k jun xkoroon ut koho chi ak xq'axok u ut toj taaq'axoq wi' chik u.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

Ezequiel 1:26

Sa' xb'een li kupku a'an kiwil naq wank jun k'ojarib'aal yiib'anb'il rik'in li pek safiro xk'ab'a', ut sa' a'an k'ojk'o jun kama' li winq.

Salmos 21:3

Xak'e re li b'arwan xraj li xch'ool ut ink'a' xaram chiru li xtz'aama aawe.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Apocalipsis 19:12

Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru.

Apocalipsis 11:17

“Naqab'anyoxi aawe, at Qaawa', at Nimajwal Yos, li ak wankat chaq ut li wankat anaqwan, xb'aan naq wank chik sa' laawuq' laanimal laawankil ut xatikib' awab'ejink.

Apocalipsis 10:1

Kiwil ajwi' jun chik li ánjel kaw rib', yo chaq chi kub'eek sa' choxa, sutsu sa' choql, wank li kaqlaaq' chi xb'een xjolom; li xnaq' ru kama' li saq'e ut eb' li ra' chanchaneb' oqech yo xxamlel.

San Marcos 4:29

Ut naq ak xq'ano'k li ru, chi junpaat naq'olmank xb'aan naq xwulak xq'ehil li q'olok”.

San Mateo 13:30

Kanab'omaqeb' wan chi k'iik chi xkab'ichaleb' toj sa' li q'olok. Ut sa' xq'ehil li q'olok tinye reheb' laj q'olonel: Xokomaq xb'enwa li yib' aj pim, ut b'ak'omaq chi joob' re k'ate'k; ut li triiw ch'utub'omaq sa' li k'uuleb'aal»”.