Apocalipsis 14:11 - Q'eqchi Bible

¹¹ Li xsib'el li xrahilaleb' taataqe'q chi junelik q'e kutan ut maak'a'aq hilank chi q'eq chi kutan cho'q reheb' li te'loq'oninq re li josq' aj xul ut li xjalam u jo'wi' cho'q reheb' li te'xk'ul li reetalil li xk'ab'a'”.

Li Santil hu

¹¹ Junelic kꞌe cutan yo̱keb chi cꞌuluc raylal li nequeꞌxlokꞌoni li joskꞌ aj xul malaj ut lix jalam u̱ch, li queꞌxcꞌul li retalil lix cꞌabaꞌ saꞌ xpe̱quemeb malaj chi rukꞌeb. Chi kꞌek chi cutan yo̱keb chi cꞌuluc raylal, chan.

Apocalipsis 14:11 ပူးပေါင်းရင်းမြစ်များ

Apocalipsis 19:3

Ut ke'xye jun sut chik: “Aleluya! Li xsib'el laj yumb'eet nataqe'k chi junelik q'e kutan”.

Isaías 34:10

Maajoq'e taachupq chi q'eq ut chi kutan ut junelik yooq chi elk li xsib'el. Nakirirnak taakanaaq li na'ajej chi junajwa ut maajun chik taanume'q aran.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Apocalipsis 18:18

ut japjookeb' re naq ke'ril li xsib'el li xk'atik: “Ani chanchan li Nimla Tenamit?”, chankeb'.

Apocalipsis 14:9

Moqon jun chik li ánjel, a' li rox, kitaaqenk reheb' ut kixye chi kaw xyaab' xkux: “Wi junaq tixloq'oni li josq' aj xul jo'wi' li xjalam u, ut tixk'ul li reetalil chi xpeekem malaj chi ruq',

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Génesis 19:28

Ki'ilok sa' xjayal Sodoom ut Gomoor ut sa' xjayal li xsutamil li ru taq'a; ut kiril naq nab'uquqnak xsib'el li ch'och' chi taqe'k chanchan xsib'el junaq oorn.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Apocalipsis 7:12

yookeb' chi xyeeb'al: “Jo'kan taxaq! A' taxaq li qaYos chiterq'usiiq xk'ab'a'. Rehaq taxaq li loq'al, li xnimal na'leb', li yoxink, li loq'onink, li wankilal ut li kawilal chi junelik q'e kutan. Jo'kan taxaq!”.

Hebreos 1:8

A'ut chirix li K'ajolb'ej naxye: “At inYos, k'ojk'o laa'awab'ejihom chi junelik. Junelik sa' tiikilal nakatawab'ejink.

Salmos 145:1

Xb'ich laj David. Tinnima laaloq'al, at inYos, at inRey, tinloq'oni laak'ab'a' chi junelik.

Salmos 10:16

Li Qaawa' a'an awab'ej chi junelik; eb' li maak'a'eb' xpaab'aal te'isiiq sa' xna'ajeb' chi junwaakaj.

Éxodo 15:18

“Li Qaawa' taa'awab'ejinq junq'e junq'e kutan!”.

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

Apocalipsis 13:12

Wank rik'in chixjunil li xwankil li xb'een xul naq yo chi k'anjelak chiru, ut naxb'aanu naq chixjunileb' li wankatqeb' sa' ruuchich'och' te'xloq'oni li xb'een xul, a' li kik'iraak li xyok'olal li kikamk raj wi'.

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Joel 2:30

Tinb'aanu xninqal sachb'ach'oolej sa' li choxa ut sa' ruuchich'och'; ut taawanq kik', raq'xam ut sib'”.

Isaías 57:20

A'ut eb' li ink'a' useb' xna'leb' chanchaneb' li xkaw oq li palaw, kama'eb' li palaw li ink'a' nakanaak chi ch'anch'o ut nareek'asi li sulul ut li tz'ajn.

Deuteronomio 28:65

Moko taataw ta xsahil aach'ool sa'eb' li tenamit a'an chi moko wanq xhilaal laawoq, xb'aan naq li Qaawa' taab'aanunq re naq xiw xiw wanqat ut lumluuqat. Tixk'e chi lub'k laawaanm.

Isaías 34:8

Xb'aan naq a'anaq xkutankil li eeqajunk cho'q re li Qaawa', a'anaq xchihab'il li q'axok u cho'q re laj kolol re Sión.

Daniel 3:6

Li ink'a' tixb'uchub' rib' chiru ch'och' chi xloq'oninkil, sa' junpaat taakutmanq sa' xam li k'ajo' xtiqwal”.

Apocalipsis 13:15

Kik'ehe'k xwankil chi xk'eeb'al xyu'am li xjalam u li josq' aj xul re naq taa'aatinaq ut tixk'eheb' chi kamk jo'k'ihaleb' li ink'a' te'loq'oninq re li xul.

Apocalipsis 13:17

re naq maa'ani taaruhanq chi loq'ok malaj k'ayink chi maak'a'aq li eetalil a'an, a' li xk'ab'a' li josq' aj xul malaj li rajlil li xk'ab'a'.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;