Apocalipsis 14:10 - Q'eqchi Bible

¹⁰ taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

Li Santil hu

¹⁰ aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c.

Apocalipsis 14:10 ပူးပေါင်းရင်းမြစ်များ

Isaías 51:17

Ajen, ajsi aawu, waklin, at Jerusalén! Laa'at li xat-uk'ak sa' xsek'ul li xjosq'il li Qaawa', jo' tawi' li na'uk'ak b'iin sa' junaq sek' toj reetal naxchoy ut nataktotk nakanaak.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

Salmos 75:8

a' li Qaawa' laj raqol aatin: jun ta tixsach xwankil, ut jun ta chik tixk'e xloq'al.

Salmos 11:6

Tixtaqla chaq xam ut asuupr sa' xb'eeneb' li wankeb' xmaak, ut tixq'ajkamuheb' rik'in kaqsut-iq' li tixk'at chixjunil.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 18:6

K'ehomaq re jo' naq a'an kik'ehok, chek'e reeqaj li xb'aanuhom ka' sut chik xk'ihal. Ut sa' li sek' kixkawresi wi' li uk'a', chekawresi laa'ex li xka'wail re a'an.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Li xHu LAJ JOB 21:20

A'an tento tixk'ul li rahilal ut treek'a xjosq'il li Nimajwal Yos.

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

Génesis 19:24

Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Apocalipsis 18:3

Xb'aan naq chixjunileb' li tenamit xe'ruk' li xb'iinul ut xe'xb'aanu li maa'usilal rik'in; eb' li awab'ej re li ruuchich'och' xe'xmux rib'eb', ut eb' laj yakonel sa' ruuchich'och' xe'b'ihomo'k rik'in li xjo'maajo'il aj maa'usilal”.

Habacuc 2:16

Taanujob'resi aawib' rik'in xutaan ut ink'a' rik'in loq'al, xb'aan naq li Qaawa' tixk'e chawuk' laaha' ut tatxkanab' chi t'ust'u.

Ezequiel 20:48

Ut chixjunil li ruuchich'och' tixnaw naq laa'in li Qaawa' xinlochok re li xam a'an; ut maajoq'e taachupq»”.

Jeremías 25:27

Chirix chik a'an kixye we li Qaawa': “Jo'ka'in xye li Nimajwal Yos, li xYos laj Israel: Chex'uk'aq, chexkalaaq ut chexa'waaq eerib'. Text'ane'q chiru ch'och' toj reetal naq ink'a' chik texruuq chi wakliik, xb'aan li raaxiik' li tintaqla chaq sa' eeb'een.

Isaías 34:9

Eb' li nima' sa' xteepal Edom te'kanaaq cho'q raxkas, li xpojtz'il li na'ajej taasutq'iiq cho'q asuupr, ut li xch'och'el taakanaaq cho'q raxkas li yo xxamlel.

Isaías 29:9

Chememi eerib' ut kanaaqex sa' leememil, mutz'umaq leeru ut mutz' texkanaaq; kalaaqex, ab'an ink'a' rik'in b'iin, taktotqex, ab'an ink'a' xb'aan li ha' nakaltesink.

San Mateo 26:39

Kijilok chik kach'in ut kit'ane'k chi hupu, yo chi tijok: “At inYuwa', wi truuq, chinume'q li sek' a'in sa' inb'een; ab'an moko jo' ta li nawaj laa'in, jo'aq b'an li nakawaj laa'at”, chan.

San Mateo 20:22

Ab'an li Jesus kixye: —Ink'a' nekenaw k'aru yookex chi xtz'aamankil. Ma truuq teeruk' xsa' li sek' tinwuk' laa'in?

Lamentaciones 4:21

Saho'qat ut se'en, at tenamit Edom, laa'at li wankat sa' xteepal Us! Laa'at ajwi' taawuk' xsa' li xsek' li raqb'a aatin: tatkalaaq ut tatkanaaq chi t'ust'u.

Jeremías 51:57

Li Qaawa', li xnimal ru Awab'ej, xyehom chi jo'ka'in: “Tinkaltesiheb' li xninqal ru winq jo' ajwi' eb' li wankeb' xna'leb' aran Babilonia, eb' li xjolomileb' li tenamit, eb' laj raqol aatin ut eb' laj puub'. Te'warq chi junwaakaj ut ink'a' chik te'ajq ruheb' -chan li Qaawa'-.

Jeremías 49:12

Jo'ka'in kixye li Qaawa': “Wi eb' li ink'a' xk'ulub'eb' xk'ulb'al li rahilal, xe'rahob'tesiik, ma toja' ta chik laa'at tatkanaaq chi ink'a' taatoj rix laamaak? Relik chi yaal naq tento tatrahob'tesiiq re xtojb'al rix laamaak.

Salmos 91:8

Ka'ajwi' taate xsa' laawu ut taawil xq'ajkamunkileb' li ink'a' useb' xna'leb'.

Salmos 60:3

At Qaawa', xatjosq'o'k sa' qab'een, xoohaatz'eqtaana ut xoohaajuk'; choohaawaklesi wi' chik anaqwan!

Salmos 37:34

Kawaq aach'ool rik'in li Qaawa' ut b'aanu li rajom: taak'ehe'q aaloq'al ut taaweechani li chaab'il na'ajej; laa'at toxaawil xsachik li ink'a' useb' xna'leb'.

Li xHu LAJ JOB 18:15

Te'xk'e asuupr sa' li rochoch ut taak'atmanq li xmuheb'aal.

Salmos 73:10

Jo'kan naq lintenamit naxik chirixeb' ut neke'xpaab' jo'ch'inal jo'nimal yeeb'il xb'aaneb'.

Salmos 52:6

Nakara li rahob'tesink rik'in laawaatin, laa'at li junes b'alaq'ik naxik wi' laach'ool.

San Marcos 8:38

Xb'aan naq ani taaxutaanaq sa' ink'ab'a' ut xb'aaneb' li waatin chiru li tenamit a'in aj muxunel ut aj maak, taaxutaanaq ajwi' li K'ajolb'ej xb'aan a'an, naq tol'elq sa' li xnimal xloq'al li xYuwa' rochb'eenaqeb' chaq li santil ánjel.

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

2 Ts 1:7

ab'an laa'ex li rahob'tesinb'ilex texk'ehe'q chi hilank qochb'een naq li Qaawa' Jesus tixk'ut rib'. A'an taak'ulunq sa' choxa rochb'eenaqeb' li x'ánjel li wankeb' xwankil,

Apocalipsis 15:7

Moqon chik jun reheb' li kaahib' chi yo'yookeb' kixq'axtesi reheb' li wuqub' chi ánjel wuqub' chi sek' oor, nujenaqeb' rik'in xjosq'il li Yos li yo'yo chi junelik q'e kutan.

Apocalipsis 19:15

Sa' re na'elk chaq jun li q'esnal ch'iich' re xyok'b'aleb' li tenamit. Tixb'eresiheb' rik'in b'aar ch'iich', ut a'an ajwi' taayatz'oq uub' re risinkil li b'iin, reetalil li xnimal xjosq'il li Nimajwal Yos.

Apocalipsis 20:14

Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).