Apocalipsis 14:1 - Q'eqchi Bible

¹ Kin'ilok wi' chik, ut wank aran li Karneer xaqxo sa' xb'een li tzuul Sión, rochb'eeneb' kaahib' xwaqxaqk'aal mil (144,000) chi poyanam, wank li xk'ab'a' li Karneer ut li xk'ab'a' li xYuwa'eb' tz'iib'anb'il chi xpeekemeb'.

Li Santil hu

¹ Ut quin-iloc cuiꞌchic ut quicuil nak aran saꞌ xbe̱n li tzu̱l Sión xakxo li Jun li chanchan carner. Ut rochben aꞌan cuanqueb ca̱hib xcuakxakcꞌa̱l mil (144,000) chi cristian. Saꞌ xpe̱quemeb tzꞌi̱banbil lix cꞌabaꞌ li Jun li chanchan carner ut tzꞌi̱banbil ajcuiꞌ xcꞌabaꞌ lix Yucuaꞌ.

Apocalipsis 14:1 ပူးပေါင်းရင်းမြစ်များ

Joel 2:32

Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

San Lucas 12:8

“Laa'in ninye eere: Yalaq ani taayehoq chiruheb' li tenamit naq naxnaw wu, jo'kan ajwi' li K'ajolb'ej tixye naq naxnaw ru chiruheb' li x'ánjel li Yos.

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Romanos 9:33

jo' naxye li Santil Hu: “K'ehomaq reetal, tink'e aran Sión jun li pek re tichk'ob'aal, taawanq aran jun li luktesib'aal ch'oolej. Li ani taapaab'anq re a'an, ink'a' taakaqo'q xb'aan xxutaan”.

Salmos 2:6

“Laa'in xinxaqab'ank re lin'awab'ej aran Sión sa' linloq'laj tzuul”, chan.

Apocalipsis 14:14

Kin'ilok wi' chik, ut aran wank jun li saqi choql, ut sa' xb'een li choql k'ojk'o jun kama' rilob'aal li K'ajolb'ej: sa' xjolom wank jun li koroon oor ut sa' ruq' jun q'esnal ch'iich'.

Apocalipsis 15:5

Chirix chik a'an kiwil sa' choxa naq kixte rib' li santil ochoch wan wi' li xmuheb'aal li Sumwank,

Isaías 49:14

“«Xinxkanab' li Qaawa', xinsachk sa' xch'ool linYos», chan laj Sión.

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

Zacarías 4:2

“K'aru nakawil?”, chan we. Laa'in kinye re: “Yookin chi rilb'al jun xna'aj saqenk yiib'anb'il rik'in oor chixjunil. Sa' xb'een a'an wank li xna'aj li xya'al li xam, wuqub' chi saqenk rochb'een li xnumleb'aal li xya'al.

Amós 8:2

“K'aru nakawil, a Amós?”, chan we li Qaawa'. “Jun chakach li chaq'al ki'q'een”, chankin re. Ut li Qaawa' kixye we: “Ak xwulak xkutankil li raqok aatin sa' xb'een lintenamit Israel ut ink'a' chik tinkuy li xmaakeb'.

Daniel 12:5

“Laa'in laj Daniel kiwil wiib'eb' chik mu chanchaneb' li winq, xaqxookeb' junqpak'al li nima'.

Ezequiel 44:4

Chirix chik a'an kinxk'am sa' li okeb'aal li wank sa' xjayal releb'l iq', chiru li loq'laj ochoch. Aran kink'e reetal naq li xloq'al li Qaawa' ak xnujob'resi li ochoch, ut laa'in kinwiq'laak ut kinhupub' wib' chiru ch'och'.

Ezequiel 10:1

Moqon chik kiwil naq sa' xb'een li kupku li wank sa' xb'eeneb' li kerubín wank kama' jun k'ojarib'aal yiib'anb'il rik'in pek safiro.

Ezequiel 8:7

Moqon li Qaawa' kinxk'am wan wi' rokeb'aal li xneb'aalil li rochoch li Yos, ut kiwil naq hopook li tz'ak.

Ezequiel 2:9

Toja' naq kiwil jun li uq'ej ye'yo chiwu, yo chi xk'eeb'al we jun li b'otb'ookil hu tz'iib'anb'il chi xka'pak'alil ru. Ut kixte li hu chiwu: aran tz'iib'anb'il junes rahilal, yaab'ak ut rahil ch'oolej.

Ezequiel 1:4

Toja' naq kiwil jun kaqsut-iq' kichalk chaq sa' xjayal releb'l iq'. Kiwil ajwi' jun nimla choql yo wi' chi elk li xam ut nareplotk li raq'kaaq sa' xyi a'an.

Jeremías 1:11

Moqon chik li Qaawa' kinraatina chi jo'ka'in: “K'aru yookat chi rilb'al, a Jeremías?”. Kinchaq'ok ut kinye: “Yookin chi rilb'al jun ruq' li che' almeendr, a' li «che' re yo'lenk» nayeemank re”.

Ezequiel 10:9

Kink'e reetal kaahib' chi sursu wank chi xk'atqeb' li kerubín, junjunq li sursu wank chi xk'atq li junjunq chi kerubín, ut neke'lemtz'unk jo' li lemtz'il pek.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Apocalipsis 14:3

Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.

Apocalipsis 22:4

Te'ril li xnaq' ru, ut li xk'ab'a' wanq chi xpeekemeb'.