Apocalipsis 13:2 - Q'eqchi Bible

² Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Li Santil hu

² Li joskꞌ aj xul li quicuil, aꞌan chanchan hix. Eb li rok chanchan rok li xul oso. Ut li ruch re chanchan ruch re li cakcoj. Ut li dragón quixqꞌue lix cacuilal ut lix cꞌojariba̱l re li joskꞌ aj xul. Ut quixqꞌue ajcuiꞌ xcuanquil.

Apocalipsis 13:2 ပူးပေါင်းရင်းမြစ်များ

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

Apocalipsis 17:12

“Li lajeeb' chi xukub' xawil a'aneb' li lajeeb' chi awab'ej li maji' xk'ulumeb' xwankil, ab'an te'ruhanq chi awab'ejink chiru jun k'amokaq rochb'eeneb' li josq' aj xul.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

1 Pedro 5:8

Aj'ajaq ru leek'a'uxl ut chexyo'leq! Li xik' na'ilok eere, a' laj tza, yo chi sutink re xsik'b'al ani tixnuq', jo' jun kaqkoj japjo re.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 13:4

ut ke'xloq'oni li nimla k'anti', xb'aan naq kixk'e xwankil li josq' aj xul. Ke'xloq'oni ajwi' li josq' aj xul, yookeb' chi xyeeb'al: “Ani tawi' chanchan li josq' aj xul? Ani tawi' taaruhanq chi yalok rik'in?”.

Apocalipsis 12:15

Toja' naq li k'anti' kixxa'wa sa' re kama' jun nima', chirix li ixq, re naq taakelooq raj xb'aan li nima'.

Apocalipsis 12:13

Naq li nimla k'anti' kiril naq kikute'k chaq sa' ruuchich'och', kixkut rib' sa' xb'een li ixq, a' li kiwank xk'uula'al teelom.

Apocalipsis 16:10

Toja' naq li ro' ánjel kixhoy li xsek' sa' xb'een li xk'ojarib'aal li josq' aj xul. Ut li x'awab'ejihom kikanaak sa' aak'ab'. Li tenamit ke'ok chi xtiwb'al li ru'uj raq'eb' xb'aan li ra,

Amós 5:19

Chiru li kutan a'an chanchanaqex li winq na'elelik chiru li kaqkoj ut nokoxch'ik rib' sa' re jalan chik josq' aj xul; malaj naq junaq yo chi ok sa' rochoch, naxk'e li ruq' chiru li tz'ak, ut natiwe'k chik xb'aan li k'anti'.

Jeremías 13:23

Ma naru nasaqo'k xtib'el laj q'eq? Ma naru naxsach li xtzipixil rix li hix? Jo'kan ajwi' laa'ex ink'a' texruuq xb'aanunkil li usilal xb'aan naq k'aynaqex chi xb'aanunkil li maa'usilal.

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Isaías 5:29

Chanchan li kaqkoj li xyaab'eb', jo' nayaab'ak li ral li kaqkoj; naxjap re naq naxtaw li xtzak, ut naxk'am chi maajun namaq'ok chiru.

Proverbios 28:15

Jo' li kaqkoj naxjap re ut li tz'uqtz'un naxt'upi li xtzak, jo'kan naxb'aanu li maak'a' xna'leb' chi awab'ejink sa' xb'eeneb' li neb'a'.

Proverbios 17:12

Jwal us naq taataw aawib' rik'in junaq josq' aj xul chiru naq toxaataw junaq winq maak'a' xna'leb'.

Salmos 22:21

Chinaakol taxaq chiru li ch'iich', chakol linyu'am sa' ruq' li tz'i'.

2 Reyes 2:24

Laj Eliseo kixsutq'isi rib', kikanaak chi xka'yankileb' ut kixmajewaheb' sa' xk'ab'a' li Qaawa'. Toja' naq sa' li k'iche' ke'elk chaq wiib'eb' li tz'uqtz'un, ut ke'xt'upi wiib' roxk'aaleb' xkomoneb' li saaj aleb'.

Habacuc 1:8

Li xkawaayeb' jwal kaw neke'aanilak chiruheb' li hix, ut rajawal josq'eb' chiruheb' laj xojb' sa' li chaqich'och'. Numtajenaq xk'ihaleb' laj puub' ut toj najt ajwi' neke'xchap raanileb' chi yalok; chanchaneb' li t'iw li naxkut rib' sa' xb'een li xtzak.

Amós 3:12

Jo'ka'in kixye li Qaawa': “Jo' naq laj ilol ketomq naxmaq' wiib'aq ra' malaj junaq xxik li karneer sa' re li kaqkoj, jo'kan ajwi' naq te'kole'q eb' laj Israel li wankeb' Samaria; ab'anan ka'ajwi' li roq xch'aateb' te'xk'am malaj junaq chaab'il isb'”.

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

Apocalipsis 13:12

Wank rik'in chixjunil li xwankil li xb'een xul naq yo chi k'anjelak chiru, ut naxb'aanu naq chixjunileb' li wankatqeb' sa' ruuchich'och' te'xloq'oni li xb'een xul, a' li kik'iraak li xyok'olal li kikamk raj wi'.