Apocalipsis 13:11 - Q'eqchi Bible

¹¹ Chirix chik a'an kiwil jun chik josq' aj xul yo chaq chi taqe'q sa' ch'och', wank wiib' xxukub' kama' xxukub' li karneer, ab'an kaw naxjap re kama' junaq mama' xul.

Li Santil hu

¹¹ Ut chirix aꞌan quicuil jun chic li joskꞌ aj xul qui-el chak saꞌ chꞌochꞌ. Cuan cuib lix cocꞌ xucub chanchan lix xucub li carner. Ut naa̱tinac joꞌ naa̱tinac li dragón.

Apocalipsis 13:11 ပူးပေါင်းရင်းမြစ်များ

Daniel 7:8

“Toj yookin ajwi' chi rilb'aleb' li xukub', ut kiwil naq jun chik xukub' ki'elk chaq sa' xyanqeb' li xkomon. A'an kach'in, ut ke'isiik oxib' li xukub' li kiwil xb'enwa re naq wanq xna'aj li toje' xyo'laak. Li xukub' a'in wank xsa' ru jo' xsa' ruheb' li poyanam, ut rik'in li xtz'uumal re q'axal tz'i'b'eetal na'aatinak.

San Mateo 7:15

“Chekolaq eerib' chiruheb' li propeet aj b'alaq': neke'chalk eerik'in chi tiqtookeb' chaq rik'in rix karneer, ab'an sa'eb' li xch'ool chanchaneb' li josq' aj xojb'.

Apocalipsis 17:6

Toja' naq kiwil li ixq yo xkalajik xb'aan xkik'eleb' li sant ut li xkik'eleb' li ke'kamk sa' xk'ab'a' li Jesus; ut k'ajo' naq kisachk linch'ool chi rilb'al.

Apocalipsis 16:13

Ut kiwil chi elk sa' re li nimla k'anti', sa' re li josq' aj xul ut sa' re li propeet aj b'alaq' oxib' tz'ajn aj musiq'ej kama'eb' li amoch.

Apocalipsis 13:17

re naq maa'ani taaruhanq chi loq'ok malaj k'ayink chi maak'a'aq li eetalil a'an, a' li xk'ab'a' li josq' aj xul malaj li rajlil li xk'ab'a'.

Apocalipsis 11:7

Akaq xe'raqe'k chi xyeeb'al li yaal, toja' naq li josq' aj Xul taataqe'q chaq sa' li Siwan ut taayaloq u rik'ineb', tixq'ax ruheb' ut tixkamsiheb'.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Apocalipsis 12:17

Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.

2 Ts 2:4

a' laj Xik'il Uuchinel. A'an naxnimob'resi rib' sa' xb'een chixjunil li wank xk'ab'a' li Yos malaj naloq'onimank sa' ruuchich'och', toj reetal toxk'ojlaaq sa' rochoch li Yos ut tixxaqab' rib' xjunes jo' Yos.

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.

Daniel 8:3

Naq kintaqsi li wilob'aal, kiwil jun karneer xaqxo chire li nima', wank wiib' xninqi xukub'. Ab'an jun jwal nim chiru li jun chik; ut li nim, a'an li kiyo'laak moqon.

Apocalipsis 13:1

Kiwil naq ki'elk chaq sa' li palaw jun li josq' aj xul wank lajeeb' xxukub' ut wuqub' xjolom. Chiruheb' li xxukub' wank lajeeb' lemtz'il koroon, ut sa' xb'eeneb' li xjolom junjunq tz'iib'anb'ileb' k'ab'a'ej re majewank.

Apocalipsis 13:4

ut ke'xloq'oni li nimla k'anti', xb'aan naq kixk'e xwankil li josq' aj xul. Ke'xloq'oni ajwi' li josq' aj xul, yookeb' chi xyeeb'al: “Ani tawi' chanchan li josq' aj xul? Ani tawi' taaruhanq chi yalok rik'in?”.