Apocalipsis 12:9 - Q'eqchi Bible

⁹ Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Li Santil hu

⁹ Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

Apocalipsis 12:9 ပူးပေါင်းရင်းမြစ်များ

San Lucas 10:18

Kixye li Jesus reheb': —Xwil laj tza chi t'ane'k chaq toj sa' choxa chanchan li raq'kaaq.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

Isaías 14:12

“Chanru naq xatt'ane'k chaq sa' choxa, at xkaq chahimal li hik'e'k? Laa'at li xatnumtaak sa' xb'eeneb' li tenamit xatjilib'aak chik chiru ch'och'.

Génesis 3:1

Li k'anti' q'axal chik wank xna'leb' chiru chixjunileb' li xul kixyoob'tesi li Qaawa' Yos. Ut a'an kixye re li ixq: “Ma yaal naq li Yos xye eere naq ink'a' naru teelow ruheb' li che' li wankeb' sa' xna'aj li awimq?”.

Apocalipsis 12:7

Toja' naq kitiklaak jun li nimla yalok u sa' choxa: laj Miguel rochb'eeneb' li x'ánjel ke'xyal xmetz'ew rik'in li nimla k'anti'. Ke'yalok ajwi' eb' li nimla xul rochb'eeneb' li x'ánjel,

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

Isaías 65:25

Laj xojb' ut li karneer te'ichajib'q sa' wiib'al; li kaqkoj taawa'oq pim jo' li wakax, ut li k'anti' taalowoq pojtz'. Maajun chik taarahob'tesinq chi moko taasachoq sa' linsantil tzuul”, chan li Qaawa'.

Apocalipsis 20:8

ut taa'elq chi xb'alaq'inkileb' li tenamit wankatqeb' sa' xkaaxukuutil li ruuchich'och', jo'wi' chi xb'alaq'inkil laj Gog ut laj Magog, re xch'utub'ankileb' chi yalok: li xk'ihaleb' a'an kama'aq li samahib' chire li palaw.

Apocalipsis 12:3

Toja' naq kik'utunk jun chik eetalil sa' choxa: jun li nimla k'anti' kaq rix, wank wuqub' xjolom ut lajeeb' xxukub', ut sa' xb'eeneb' li xjolom wankeb' wuqub' lemtz'il koroon.

Apocalipsis 9:1

Li ro' ánjel kixyaab'asi li xtronpeet, ut kiwil jun li chahim kit'ane'k chaq sa' choxa toj sa' ruuchich'och'. Kik'ehe'k re li xlaawil li xchamal li Siwan,

Apocalipsis 2:24

«A'ut laa'ex li junch'ol chik aj Tiatira, li ink'a' nekepaab' li na'leb' a'in, laa'ex li ink'a' eenawom eb' li xchamal laj tza, jo' neke'xye, tinye eere: Maajun chik iiq tink'e sa' eeb'een,

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

1 Pedro 5:8

Aj'ajaq ru leek'a'uxl ut chexyo'leq! Li xik' na'ilok eere, a' laj tza, yo chi sutink re xsik'b'al ani tixnuq', jo' jun kaqkoj japjo re.

2 Corintios 11:14

Misachk eech'ool chi rab'inkil a'an, xb'aan naq a' ajwi' laj Tza naxpak' rib' cho'q x'ánjel li kutan saqenk.

2 Corintios 2:11

re naq ink'a' tooxb'alaq'i laj tza: ak naqanaw k'aru li xna'leb'.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Lucas 22:31

Kixye ajwi' li Qaawa': —At Simón, at Simón! Chanawaq naq laj tza ak xpatz' chaq xwankil re naq texchiq'chiq'iiq kama' li triiw.

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

San Lucas 22:3

Toja' naq ki'ok laj tza rik'in laj Judas, aj Iskariote xk'ab'a', a'an jun reheb' li Kab'laju.

San Lucas 8:12

Li ke'naqk chire li b'e a'aneb' li ke'ab'ink re, ab'an moqon nachalk laj tza ut naxmaq' li Aatin sa' xch'ooleb' re naq ink'a' te'xpaab' ut te'kole'q.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».

San Mateo 4:8

Kik'ame'k wi' chik toj sa' xb'een jun li tzuul q'axal najt xteram, ut laj tza kilajxk'ut chiru li xwankilal ut li xch'ina'usal chixjunileb' li xninqal ru tenamit li wank sa' ruuchich'och',

San Mateo 4:5

Toja' naq laj tza kixk'am li Jesus sa' li santil tenamit, koxxaqab' sa' ru'uj li rochoch li Yos

San Mateo 4:1

Toja' naq kik'ame'k li Jesus xb'aan li Musiq'ej sa' li chaqich'och' re naq taayale'q raalenkil xb'aan laj tza.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Génesis 3:13

Kixye ut li Qaawa' Yos re li ixq: “K'a'ut naq xab'aanu a'an?”. Kichaq'ok li ixq ut kixye: “Li k'anti' xb'alaq'ink we, ut laa'in xinlow ru li che'”.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 16:14

A'aneb' xmusiq'eb' laj tza, li neke'b'aanunk sachb'ach'oolej ut neke'xik wankeb' wi' li awab'ej re chixjunil li ruuchich'och' re xch'utub'ankileb' chi yalok sa' li xnimal xkutankil li Nimajwal Yos.

Apocalipsis 13:14

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

Apocalipsis 9:20

Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

San Judas 1:9

Li arkánjel Miguel, naq yo chaq chi xyalb'al xmetz'ew rik'in laj tza, naq ke'xwech'i rib' chirix li xch'och'el xsululel laj Moisés, ink'a' kixyal xraqb'al aatin sa' xb'een chi majewanb'il, ka'aj b'an wi' kixye: “Li Qaawa' chirahob'tesinq aawe”, chan.

Hebreos 2:14

Jo'kan utan, kama' naq eb' li alal k'ajolb'ej neke'tz'aqonk sa' junaj chi tz'ejwalej ut kik'elej, jo'kan ajwi' li Jesus kitz'aqonk rik'ineb' xch'och'el xsululel re xsachb'al xwankil laj eechal re li kamk, a' laj tza, sa' xk'ab'a' li xkamik,

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

1 Timoteo 2:14

Ut li kib'alaq'iik maawa' laj Adán, a' b'an li ixq li kiq'unb'esiik ut ki'ok chi q'etok aatin.

2 Ts 2:3

Maa'ani chib'alaq'inq eere chi yalaq chan ta ru. Xb'enwa tento taawanq xtz'eqtaanankil li paab'ank; tento taawakliiq chaq li tz'aqal aj maak, li teneb'anb'il li sachk sa' xb'een,

Efesios 4:14

Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

2 Corintios 12:7

Jo'kan utan, re naq ink'a' tinnimob'resi wib' xb'aan li q'axal loq' xk'utb'esiik chiwu, xk'eemank jun li tiq'leb' sa' linjunxaqalil, jun xtaql laj tza xpaq'lenk we chi ruq', re naq ink'a' tinnimob'resi wib'.

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

San Juan 16:11

chirix li raqb'a aatin xb'aan naq laj Taqlanel sa' xb'een li ruuchich'och' a'in ak teneb'anb'il chaq tojb'amaak sa' xb'een.

San Juan 14:30

“Ink'a' chik najt tin'aatinaq eerik'in, xb'aan naq chalk re laj Taqlanel sa' xb'een li ruuchich'och' a'in. Maak'a' xwankil sa' inb'een;

San Lucas 13:16

Ut a'in, xrab'in ajwi' laj Abraham, b'ak'b'o xb'aan laj tza waqxaqlaju chihab' anaqwan, ma ink'a' tab'i' tento raj xhitb'al sa' li b'ak'b'o wi' sa' li kutan sábado?

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

San Mateo 13:39

laj xik'il uuchinel a'an laj tza li ki'awok re li pim. Li q'olok a'an li roso'jik li ruuchich'och', ut eb' laj q'olonel a'aneb' li ánjel.

1 Crónicas 21:1

Laj tza kixxaqab' rib' chiruheb' laj Israel ut kixmin ru laj David chi rajlankileb' li tenamit.

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

Ezequiel 28:16

Xmaak xlaatz'al aawu xb'aan li yakok xnujak chi maa'usilal laach'ool ut xatmaakob'k. Toja' naq xatwisi sa' linsantil na'aj, at kerubín aj k'aak'alenel, ut xatwaanilasi sa' xyanqeb' li lochlookil pek.

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Salmos 109:6

Neke'xye chiwix: “Chixaqab'aaq junaq ink'a' us xna'leb' li taaq'ab'anq re, chiwanq junaq aj jitonel chi xk'atq.

Apocalipsis 12:8

ab'an ink'a' ke'xkuy ut ink'a' chik kiwank na'ajej cho'q reheb' sa' choxa.

Apocalipsis 12:12

Jo'kan utan, chisaho'q sa' eech'ool, ex choxa ut chejunilex li wankex chisa'. Ab'an ra chaalel sa' eeb'een laa'ex li ruuchich'och' ut palaw, xb'aan naq laj tza xkub'eek eerik'in chi k'ajo' xjosq'il: naxnaw naq ajlanb'il kutan aj chik taawanq”.

2 Crónicas 18:21

Kikchaq'ok li musiq'ej: «Tinxik ut toxink'e li tik'ti' chi xtz'uumal reheb' chixjunileb' li propeet». Toja' naq li Qaawa' kixye re: «Us, ayu ut b'alaq'i laj Ajab. Ut taa'uxmanq jo' xaye».