Apocalipsis 12:4 - Q'eqchi Bible

⁴ Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj.

Li Santil hu

⁴ Ut riqꞌuin lix ye yo̱ chixquelonquil nabal li chahim chiru choxa. Caꞌchꞌin chic ma̱ yijach li chahim li yo̱ chixquelonquil. Ut quixcut saꞌ ruchichꞌochꞌ li chahim. Li nimla joskꞌ aj xul quixakli chiru li ixk li oc re chi qꞌuira̱c re nak tixnukꞌ li cꞌulaꞌal nak ta̱yoꞌla̱k.

Apocalipsis 12:4 ပူးပေါင်းရင်းမြစ်များ

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

Apocalipsis 9:19

Xb'aan naq li xwankileb' li kawaay wank sa' reheb' ut sa' xyeheb'; li xyeheb' chanchaneb' k'anti', wankeb' xjolom ut rik'in a'an neke'rahob'tesink.

Apocalipsis 9:10

Wankeb' xye chanchan xye laj xook', ut wankeb' li neke'tiwok wi'; ut li xyeheb' wankeb' xwankil chi xrahob'tesinkileb' li tenamit chiru oob' po.

Apocalipsis 8:7

Li xb'een ánjel kixyaab'asi li xtronpeet ut kiwank saqb'ach ut xam yuub'il rik'in kik'. Toja' naq a'an kik'ute'k chaq sa' xb'een li ruuchich'och'. Ut li rox jachal li ruuchich'och' kik'atk, rochb'een li rox jachal chixjunileb' li che' ut chixjunil li rax pim.

1 Pedro 5:8

Aj'ajaq ru leek'a'uxl ut chexyo'leq! Li xik' na'ilok eere, a' laj tza, yo chi sutink re xsik'b'al ani tixnuq', jo' jun kaqkoj japjo re.

Éxodo 1:16

Kixye reheb': “Naq teerileb' li ixq aj hebreo, chek'e reetal chi us ma teelom malaj ixq li k'uula'al: wi teelom li k'uula'al taayo'laaq, chekamsi; wi ch'ina ixqa'al, chekanab'aq chi yo'yo”, chan.

Apocalipsis 17:18

Ut li ixq xawil ru, a'an li Nimla Tenamit li wank xwankil sa' xb'eeneb' li awab'ej re li ruuchich'och'”.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Apocalipsis 8:8

Li xkab' ánjel kixyaab'asi li xtronpeet, ut wank k'aru kama' jun nimla tzuul yo xxamlel kikute'k sa' palaw, ut li rox jachal li palaw kikik'o'k ru:

Apocalipsis 8:9

Li rox jachal chixjunil li yoob'tesinb'il li wankeb' xyu'am sa' palaw ke'kamk ut li rox jachal chixjunileb' li jukub' ke'sache'k.

Apocalipsis 8:10

Li rox ánjel kixyaab'asi li xtronpeet, ut kit'ane'k chaq sa' choxa jun li nimla chahim, yo xxamlel kama' jun li saqenk: kit'ane'k sa' xb'een li rox jachal chixjunileb' li nima' ut sa' xb'eeneb' li yo'leb'aal ha'.

Apocalipsis 8:11

Li xk'ab'a' li chahim a'an K'a. Li rox jachal chixjunileb' li ha' ke'k'aho'k ut naab'aleb' li tenamit ke'kamk xb'aaneb' li ha', xb'aan naq ke'k'aho'k.

Apocalipsis 8:12

Toja' naq li xka ánjel kixyaab'asi li xtronpeet, ut kikete'k li rox jachal li saq'e, li rox jachal li po ut li rox jachal chixjunileb' li chahim: ki'aak'ab'o'k li rox jachal chixjunil a'an, ut li rox jachal li kutan ink'a' kisaqeno'k ru; jo'kan ajwi' li q'oqyink.

Apocalipsis 12:7

Toja' naq kitiklaak jun li nimla yalok u sa' choxa: laj Miguel rochb'eeneb' li x'ánjel ke'xyal xmetz'ew rik'in li nimla k'anti'. Ke'yalok ajwi' eb' li nimla xul rochb'eeneb' li x'ánjel,

Apocalipsis 13:2

Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Apocalipsis 13:4

ut ke'xloq'oni li nimla k'anti', xb'aan naq kixk'e xwankil li josq' aj xul. Ke'xloq'oni ajwi' li josq' aj xul, yookeb' chi xyeeb'al: “Ani tawi' chanchan li josq' aj xul? Ani tawi' taaruhanq chi yalok rik'in?”.

Apocalipsis 16:13

Ut kiwil chi elk sa' re li nimla k'anti', sa' re li josq' aj xul ut sa' re li propeet aj b'alaq' oxib' tz'ajn aj musiq'ej kama'eb' li amoch.

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.