Apocalipsis 12:12 - Q'eqchi Bible

¹² Jo'kan utan, chisaho'q sa' eech'ool, ex choxa ut chejunilex li wankex chisa'. Ab'an ra chaalel sa' eeb'een laa'ex li ruuchich'och' ut palaw, xb'aan naq laj tza xkub'eek eerik'in chi k'ajo' xjosq'il: naxnaw naq ajlanb'il kutan aj chik taawanq”.

Li Santil hu

¹² Joꞌcan nak chisahokꞌ taxak saꞌ e̱chꞌo̱l la̱ex li cuanquex saꞌ choxa. Abanan li cuanqueb saꞌ ruchichꞌochꞌ ut saꞌ li palau tokꞌobeb ru xban nak laj tza quicuteꞌ saꞌ ruchichꞌochꞌ chi cua̱nc riqꞌuineb. Cꞌajoꞌ lix joskꞌil xban nak naxnau nak cuulac re xkꞌehil nak ta̱sachekꞌ ru, chan.

Apocalipsis 12:12 ပူးပေါင်းရင်းမြစ်များ

Apocalipsis 8:13

Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

Isaías 49:13

Ex choxa ut ruuchich'och', japomaq eere xb'aan xsahil eech'ool. Ex tzuul, pisk'onqex ut b'ichanqex, xb'aan naq li Qaawa' xk'ojob' xch'ool li xtenamit ut xril xtoq'ob'aal ruheb' li wankeb' sa' rahilal.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 10:6

ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Apocalipsis 11:10

Toja' naq eb' li wankeb' sa' ruuchich'och' te'ninq'ehiq sa' xk'ab'a'eb' a'an, te'saho'q xch'ool ut te'sihinq chirib'ileb' rib' xb'aan naq eb' li wiib' chi propeet a'in ke'xrahob'tesiheb' li wankatqeb' sa' ruuchich'och'.

Apocalipsis 9:12

Li xb'een rahilal ak xnume'k; chak'e reetal, toj wank wiib' chik chalkeb' re chirix a'an.

San Lucas 15:10

“Ninye eere naq kama'an ajwi' li sahil ch'oolej nawank sa' xyanqeb' li x'ánjel li Yos naq junaq aj maak tixyot' xch'ool tixjal xk'a'uxl”.

Apocalipsis 11:14

Jo'ka'in kinume'k li xkab' rahilal. K'e reetal, we' chaq, ak chi seeb' li rox rahilal.

2 Pedro 3:8

Ex was wiitz'in raarookex inb'aan, jun li na'leb' tento xnawb'al: naq chiru li Yos jun kutan a'an jo' jun mil chihab', ut jun mil chihab' a'an jo' jun kutan.

Hebreos 10:37

Xb'aan naq naxye li Santil Hu: “Toj kach'in chik, yal ink'a' chik k'iila kutan, ut li chalk re taachalq, ink'a' taab'ayq chaq.

San Lucas 2:14

“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Apocalipsis 13:6

Ut a'an kixte li re chi xmajewankil li Yos: chi xmajewankil li xk'ab'a' ut li xmuheb'aal jo' ajwi' jo'k'ihaleb' li wankeb' sa' choxa.