Apocalipsis 1:1 - Q'eqchi Bible

¹ A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Li Santil hu

¹ Li tzꞌi̱banbil saꞌ li hu aꞌin quicꞌutbesi̱c chiru li Jesucristo xban li Dios. Quixcꞌutbesi chiru li Jesucristo re nak aꞌan chic ta̱cꞌutbesi̱nk re chiruheb laj pa̱banel li cꞌaꞌru ta̱cꞌulma̱nk chi se̱b. Joꞌcan nak li Jesucristo quixtakla lix ángel chixcꞌutbesinquil aꞌin chiru laj Juan laj cꞌanjel chiru.

Apocalipsis 1:1 ပူးပေါင်းရင်းမြစ်များ

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Apocalipsis 22:6

Moqon li ánjel kixye we: “Paab'ajel li aatin a'in ut tz'aqal yaal. Li Qaawa' Yos li na'eek'asink reheb' li propeet, ak xtaqla chaq li x'ánjel re xk'utb'al chiruheb' li xmoos li k'aru taak'ulmanq chi seeb'”.

Gálatas 1:12

xb'aan naq moko xwab'i ta chi moko xintzol rik'in junaq winq, a' b'an li Jesukriist kik'utuk re chiwu.

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Efesios 3:3

Nekenaw naq kik'utb'esiik chiwu li muqmuukil na'leb', jo' chanru li toja' xintz'iib'a b'ayaq eerik'in.

Apocalipsis 1:19

Tz'iib'a li k'aru xawil: li yo chi k'ulmank ut li taak'ulmanq moqon.

Daniel 9:23

Chalen naq xatikib' tijok, li Qaawa' xrab'i laatz'aamahom, ut laa'in xinchalk chi xyeeb'al aawe li xsumehom, xb'aan naq q'axal raarookat xb'aan li Yos. K'e b'i' aach'ool chi xtawb'al ru li tinye ut chatawaq xyaalal li moy u:

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

San Juan 3:32

na'aatinak chirix li rilom ut rab'ihom, ab'an maa'ani nak'ulub'ank re li raatin.

Daniel 9:21

naq laj Gabriel, li kiwil ru sa' moy u xb'enwa, narupupnak naq kichalk chink'atq sa' xhonalil li ewuukil mayejak.

San Juan 15:15

Ink'a' chik ninye moosej eere xb'aan naq li moosej ink'a' naxnaw li naxb'aanu laj eechal re; wamiiw b'an chik ninye eere xb'aan naq chixjunil li xwab'i chaq rik'in linYuwa', xlajink'ut cheru.

Daniel 8:16

ut kiwab'i jun xyaab' kuxej chire li nima' Ulay li kixjap re chi xyeeb'al: «At Gabriel, ch'olob' chiru a'an k'aru xyaalal li moy u li xril», chan.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

San Juan 12:49

“Xb'aan naq moko xin'aatinak ta injunes wib', a' b'an li Yuwa'b'ej li kitaqlank chaq we xinxchaq'rab'i k'aru tinye ut k'a' chi aj ix tin'aatinaq;

San Juan 8:26

Naab'al raj naru tinye cherix li tinraqoq wi' aatin, ab'an li kitaqlank chaq we a'an paab'ajel; ut li k'aru kiwab'i chaq rik'in, a'an li ninye re li ruuchich'och'.

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

Tito 1:1

Laa'in laj Pablo, xmoos li Yos ut x'apóstol li Jesukriist re naq li sik'b'ileb' ru xb'aan li Yos te'ok sa' li paab'aal ut te'xnaw chi us li yaal jo' chanru naraj li paab'ank

Apocalipsis 5:7

Ut a'an kolxchap li hu wank sa' xnim uq' li k'ojk'o sa' li nimajwal k'ojarib'aal.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Apocalipsis 19:9

Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.

Apocalipsis 19:10

Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

Apocalipsis 21:9

Toja' naq kichalk jun reheb' li wuqub' chi ánjel li wankeb' chaq rik'in li wuqub' chi sek' nujenaqeb' rik'in li wuqub' chi rahilal chaalel sa' roso'jik; kinraatina ut kixye: “Kim, ink'utaq chawu li Ixaqilb'ej, li rixaqil li Karneer”.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Apocalipsis 22:8

Laa'in, laj Jwan, kin'ab'ink ut kin'ilok re chixjunil a'in. Ut naq kiwab'i ut kiwil, kint'ane'k rub'el roq li ánjel li kik'utuk chiwu chixjunil a'in, re xloq'oninkil ru.

Apocalipsis 22:9

A'ut a'an kixye we: “Maab'aanu a'in! Laa'in aawech moosil; wech moosileb' ajwi' laawas aawiitz'in propeet ut eb' li neke'xk'uula sa' xch'ool li aatin wankeb' sa' li hu a'in. A' li Yos tento taaloq'on ru”.