Amós 9:9 - Q'eqchi Bible

⁹ Tink'eheb' chi poqleek laj Israel xb'aaneb' li k'iila tenamit, jo' na'uxk re li triiw sa' li chiq'leb'aal, chi maajun t'orol li ru nat'ane'k chiru ch'och'.

Li Santil hu

⁹ Tincanabeb laj Israel chi chapecꞌ xbaneb li jalan xtenamit. Chanchan nak nachikꞌeꞌ li ru li trigo saꞌ li naꞌajej li natzꞌilman cuiꞌ ut ma̱ jun li ru cha̱bil natzꞌekeꞌ saꞌ chꞌochꞌ.

Amós 9:9 ပူးပေါင်းရင်းမြစ်များ

San Lucas 22:31

Kixye ajwi' li Qaawa': —At Simón, at Simón! Chanawaq naq laj tza ak xpatz' chaq xwankil re naq texchiq'chiq'iiq kama' li triiw.

Deuteronomio 28:64

Li Qaawa' tatxcha'cha'i yalaq b'ar sa' chixjunileb' li tenamit, chalen chaq sa' jun xmaril li ruuchich'och' toj sa' xraqik junpak'al, ut aran tatk'anjelaq chiruheb' jalanil yos, yiib'anb'ileb' rik'in che' ut pek, eb' li ink'a' aanawom ru laa'at chi moko laana' laayuwa'.

Isaías 30:28

Li xmusiq' chanchan li ha' naq nab'ut'irk ut ka'aj chik maa nalamsink. Li Qaawa' tixtz'il rix li xb'aanuhomeb' li tenamit re xsachb'al li xwankileb'; jo' naq nak'ehe'k li ch'iich' sa' re li kawaay, jo'kan ajwi' tixb'aanu li Qaawa' reheb' li tenamit re xpo'b'al li xna'leb'eb'.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Jeremías 31:36

“Wi sa' junaq kutan li saq'e, li po ut eb' li chahim ink'a' chik te'ab'inq chiwu, sa' ajwi' li kutan a'an moko intenamitaq ta chik laj Israel -chan li Qaawa'-.

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 49:36

Sa' xkaaxukuutil li ruuchich'och' te'chalq li kaahib' chi iq', re naq te'xcha'cha'iheb' laj Elam sa' chixjunil li ruuchich'och' ut yalaq b'ar te'wulaq chi xkolb'al rib'eb'.

Ezequiel 5:10

Wanqeb' na'b'ej yuwa'b'ej te'xtiw eb' li ralal xk'ajol ut wanqeb' alal k'ajolb'ej te'xtiw li xna' xyuwa' sa' eeyanq. Tinraqoq aatin sa' eeb'een, ut tincha'cha'iheb' junsut junrub'el choxa jo'k'ihaleb' li xe'kole'k.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Ezequiel 20:38

Twisiheb' sa' eeyanq eb' li q'etq'et ut eb' laj q'etol aatin; twisiheb' sa' li na'ajej wankeb' wi' anaqwan, ab'anan ink'a' te'ok sa' xteepal Israel. Ut aran teenaw naq laa'in li Qaawa'.

Ezequiel 36:19

Kinwaanilasiheb' ut kincha'cha'iheb' sa' xyanqeb' li tenamit sa' ruuchich'och'; ut kinraqok aatin sa' xb'eeneb' jo' chanru li xyehom ut xb'aanuhomeb'.

Isaías 27:12

Naq taawulaq li kutan a'an, li Qaawa' tixsik'eb' chaq li poyanam chalen chaq chire li nima' Éwfrates toj chire li nima' re Ejiipt, jo' naq na'isiik rix li triiw; a'ut laa'ex aj Israel texxoke'q chejunjunqalil.

Isaías 28:28

Na'isiik rix li triiw, ab'an moko toj re ta xke'b'al; na'isiik rix li triiw chi ink'a' najormank li ru.

Ezequiel 39:28

Xintaqlaheb' chi preexil sa' xyanqeb' li jalanil tenamit, ut tinch'utub'eb' wi' chik sa' li xna'ajeb'. Maajun reheb' taakanaaq chaq sa' jalan tenamit. Toja' naq te'xnaw naq laa'in li Qaawa', li xYoseb'.