Amós 9:7 - Q'eqchi Bible

⁷ Jo'ka'in kixye li Qaawa': “Ex aj Israel, chiwu laa'in juntaq'eetex rik'ineb' laj Etiopía ut rik'ineb' chixjunileb' li tenamit. Jo' naq kexwisi chaq Ejiipt, jo'kan ajwi' naq kiwisiheb' laj Filistea aran Kreta ut eb' laj Aram kiwisiheb' chaq Kir.

Li Santil hu

⁷ Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Amós 9:7 ပူးပေါင်းရင်းမြစ်များ

Jeremías 47:4

Xwulak xkutankil xsachb'al ruheb' laj Filistea, naq te'oso'q chixjunileb' li neke'tenq'ank re Tiro ut Sidón”. Li Qaawa' tixjuk' xwankileb' laj Filistea, li jo'k'ihaleb' ke'chalk Kreta, chire li palaw.

2 Reyes 16:9

ut a'in kixb'aanu li kitz'aamaak chiru: koho chi yalok rik'in Damaask, kireechani li tenamit, kixk'ameb' li xpoyanamil toj sa' li tenamit Kir ut kixkamsi laj Resón.

Deuteronomio 2:23

A'an ajwi' ke'xk'ul eb' laj Abí, li ke'wank sa'eb' li na'ajej re Gasa; a'atqeb' laj Kaftor li chalenaqeb' chaq Kaftor, ke'xsacheb' ru ut ke'kanaak sa' li xna'ajeb'.)

Amós 1:5

Tinjuk' li rokeb'aal Damaask; tinsach ruheb' laj Bikat-Abén jo' ajwi' li na'awab'ejink re Bet-Edén; ut eb' laj Aram te'k'ame'q chi preexil toj Kir”, chan li Qaawa'.

Oseas 12:13

Rik'in xtenq'aal jun li propeet li Qaawa' kirisiheb' chaq laj Israel aran Ejiipt ut kixk'aak'aleheb' rik'in xk'anjel jun propeet.

Jeremías 13:23

Ma naru nasaqo'k xtib'el laj q'eq? Ma naru naxsach li xtzipixil rix li hix? Jo'kan ajwi' laa'ex ink'a' texruuq xb'aanunkil li usilal xb'aan naq k'aynaqex chi xb'aanunkil li maa'usilal.

Isaías 22:6

Eb' laj Elam xe'xkawresi xna'aj li xsimajeb', eb' laj Aram xkoheb' chirix kawaay ut eb' laj Kir xe'risi chaq li xkolb'al rib'eb'.

Isaías 20:4

Jo'kan ajwi' li awab'ej re Asiria tixchapeb' laj Ejiipt ut eb' laj Etiopía, a' yaal ma cheek malaj saajil poyanam, ut tixk'ameb' sa' jalanil tenamit chi maak'a'aq raq'eb' chi moko xxaab'eb', tik t'ust'uuqeb' chi junajwa, re xk'utb'al xxutaaneb'.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.

Isaías 43:3

Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

2 Crónicas 14:9

Laj Séraj aj Etiopía koho chi yalok rik'in laj Asá rochb'een jun miiyon chi aj puub' ut o'lajuk'aal (300) chi b'eleb'aal ch'iich', ut kiwulalak toj Maresá.

2 Crónicas 14:12

Toja' naq li Qaawa' kixtenq'a laj Asá ut eb' laj Judá chi xq'axb'al ruheb' laj Etiopía; ut eb' a'in ke'elelik.