Amós 9:5 - Q'eqchi Bible

⁵ Li Qaawa', li Nimajwal Yos, naxtoch' li ruuchich'och', ut naha'o'k; chixjunileb' li poyanam neke'ok chi yaab'ak. Nataqe'k ut nasob'e'k li ch'och' jo' naq nab'ut'irk ut nakub'eek li nima' Nilo.

Li Santil hu

⁵ Li Ka̱cuaꞌ, li nimajcual Dios, aꞌan li na-ecꞌasin re li ruchichꞌochꞌ ut nahaꞌoꞌ. Ut chixjunileb li tenamit teꞌya̱bak xban xrahil xchꞌo̱leb. Nak teꞌsachekꞌ chanchan nak nasachoc li nimaꞌ Nilo li cuan Egipto nak nabutꞌin.

Amós 9:5 ပူးပေါင်းရင်းမြစ်များ

Amós 8:8

Ma ink'a' tab'i' taa'eek'anq li ruuchich'och' xb'aan a'an? Ma ink'a' tab'i' te'yaab'aq chixjunileb' li poyanam? Li ch'och' taataqe'q ut taasob'e'q jo' naq nab'ut'irk ut nakub'eek li nima' Nilo!

Salmos 46:6

Li Qaawa' wank sa' xyi li xtenamit, maak'a' taa'eek'asinq re; li Yos natenq'ank re chalen naq nasaqewk.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Isaías 64:1

At Qaawa', us raj naq taate li choxa ut tatkub'eeq chaq! Te'ha'o'q raj eb' li tzuul naq tate'ril.

San Mateo 7:27

Kichalk li hab', kiwank li b'ut'iha', kixk'e li kaqsut-iq' ut koxe'xpik'a rib' chiru li kab'l a'an ut kit'ane'k, ut k'ajo' xrahil kixk'ul”.

Habacuc 3:10

Neke'siksotk eb' li k'iche' naq nakate'ril; chanchan li b'ut'iha' naq xchalk sa' choxa. Kaw x'eek'ank xyaab' li palaw, ut najt nataqe'k li xkaw oq.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Salmos 144:5

At Qaawa', chasalab' li choxa ut kub'en chaq, cholatoch'eb' li tzuul ut te'b'utzutznaq xsib'el.

Salmos 32:6

Jo'kan naq chixjunileb' laj paab'anel neke'xyaab'a laak'ab'a' sa' xhonalil li xnimal rahilal; us ta k'ajo' li b'ut' taachalq sa' xb'eeneb', ab'anan ink'a' te'tawe'q xb'aan.

Salmos 97:5

Chanchaneb' li waakab' naq neke'ha'o'k li tzuul chiru laj eechal re jo'nimal li wank sa' ruuchich'och'.

Salmos 104:32

Naq naril li ruuchich'och', k'ajo' naq nahich'len! Ka'ajwi' naxtoch'eb' li tzuul, ut nab'utz'utz'nak xsib'el.

Nahum 1:5

Eb' li tzuul neke'eek'ank sa' xna'aj chiru A'an, ut eb' li b'ool neke'xsiksiki rib'eb'. Chixjunil li ruuchich'och' nahetlok chi rilb'al, ut neke'xiwak jo'k'ihaleb' li wankeb' chisa'.