Amós 9:13 - Q'eqchi Bible

¹³ “Taawulaq xkutankil naq toj yooq li xokok triiw ut taa'uxq ajwi' li k'alek; ut naq toj maji' naraqe'k li yatz'ok uub', taatiklaaq rawb'al li triiw. Jo'aq li nima' naq taa'elq li b'iin sa'eb' li tzuul ut sa'eb' li b'ool.

Li Santil hu

¹³ Li Ka̱cuaꞌ naxye chi joꞌcaꞌin: —Ta̱cuulak xkꞌehil nak li acui̱mk tixqꞌue chi nabal li ru. Ma̱jiꞌak ajcuiꞌ nequeꞌrakeꞌ chi kꞌoloc nak teꞌoc cuiꞌchic chi a̱uc. Ut toj ma̱jiꞌak ajcuiꞌ nequeꞌrakeꞌ chixyatzꞌbal li ru li uvas nak teꞌoc cuiꞌchic chi a̱uc. Ut li uvas li cuanqueb yalak bar saꞌ eb li tzu̱l teꞌu̱chi̱nk chi us ut nabal li xyaꞌal ta̱e̱lk.

Amós 9:13 ပူးပေါင်းရင်းမြစ်များ

Joel 3:18

“Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

San Juan 4:35

Ma ink'a' tab'i' nekeye laa'ex: «Kaahib' po chik maa nawulak xq'ehil li q'olok»? Ut laa'in ninye eere: Taqsihomaq leerilob'aal ut ilomaq li awimq; ak xq'ano'k, ak us chik xq'olb'al.

Isaías 55:13

Sa' xna'aj li k'ix taayo'laaq li saqichaj, ut sa' xna'aj li k'aamla taayo'laaq li waa'uut. Chixjunil a'an taak'ulmanq re xk'eeb'al xloq'al li Qaawa'; a'anaq jun xnimal eetalil li maajoq'e taasachmanq.

Levítico 26:5

Wanq eetriiw toj reetal taawulaq xq'ehil li xxokb'al ru li uub', ut wanq ajwi' ee'uub' toj sa' xq'ehil li awk; texwa'aq toj reetal taak'ojlaaq eech'ool ut texwanq sa' sahilal sa' leetenamit.

Ezequiel 36:35

Ut te'xye: Li joxk' ch'och' a'in, chanchan chik sahil na'ajej xkanaak; ut eb' li xpo'lem li tenamit jo'wi' eb' li na'ajej juk'inb'il ut sachb'il naq xe'wank, anaqwan kab'lanb'ileb' ut kawub'resinb'ileb' wi' chik, ut naab'aleb' chi poyanam wankeb' chisa', cha'qeb'.

Joel 3:20

A'ut Judá k'ojk'ooq chik chi junajwa ut Jerusalén wanq junq'e junq'e kutan.

Salmos 97:5

Chanchaneb' li waakab' naq neke'ha'o'k li tzuul chiru laj eechal re jo'nimal li wank sa' ruuchich'och'.

Jueces 5:5

Kilaje'eek'ank eb' li tzuul chiru li Qaawa', ki'eek'ank li Sinaí chiru li Qaawa', xYos laj Israel.

Amós 9:5

Li Qaawa', li Nimajwal Yos, naxtoch' li ruuchich'och', ut naha'o'k; chixjunileb' li poyanam neke'ok chi yaab'ak. Nataqe'k ut nasob'e'k li ch'och' jo' naq nab'ut'irk ut nakub'eek li nima' Nilo.

Génesis 49:11

A'an li nab'ak'ok re li xch'ina b'uur chiru xtoonal li uub', ut chiru li xtoonal naxjit' li ral li xb'uur; naxpuch' sa' b'iin li raq' ut sa' xkik'el li uub' naxpuch' li xlanb'al rib'.

Isaías 16:10

Ink'a' chik taawanq li sahil ch'oolejil ut li b'ichank sa' xna'ajeb' li awimq; maak'a'aq chik li japok e xb'aan li ninq'ehik. Ink'a' chik taayatz'e'q li uub' re naq wanq b'iin ut maajun chik b'ich taa'ab'imanq aran.

Ezequiel 28:26

Aran te'wanq chi maak'a'aq chik xk'a'uxeb' ut xch'i'ch'i'inkileb'; te'kab'laq ut te'awq uub'. Sa chik te'wanq naq tinraq aatin sa' xb'eeneb' chixjunileb' li tenamit wankeb' chi xsutam ut neke'tz'eqtaanank reheb'. Toja' naq taanawmanq naq laa'in li Qaawa', li xYos laj Israel”.

Joel 2:24

Taawanq naab'al leetriiw ut k'ajo'aq li b'iin ut li aseeyt.