Amós 9:12 - Q'eqchi Bible

¹² re naq eb' laj Israel te'xq'ax ruheb' laj Edom ut te'reechani wi' chik li k'aru xkanaak reheb' chixjunil li tenamit weechanihomeb' chaq junxil”. A'an a'in raatin li Qaawa', li nab'aanunk re li naxye.

Li Santil hu

¹² Ut eb lin tenamit Israel teꞌnumta̱k cuiꞌchic saꞌ xbe̱neb laj Edom. Ut teꞌre̱chani cuiꞌchic li naꞌajej li ac qꞌuebil reheb junxil inban la̱in, chan li Ka̱cuaꞌ. Ut li Ka̱cuaꞌ li quiyehoc re aꞌin, aꞌan li ta̱ba̱nu̱nk re.

Amós 9:12 ပူးပေါင်းရင်းမြစ်များ

Isaías 43:7

k'ameb' chaq chixjunileb' li neke'patz'ok ink'ab'a', eb' li xinyoob'tesiheb', xinwinqob'resiheb' ut xinkawresiheb' re naq te'xloq'oni wu».

Hechos 15:17

re naq te'xsik' li Qaawa' jo'k'ihal toj xe'kanaak, chixjunileb' li tenamit ak q'axtesinb'ileb' cho'q we laa'in.

Isaías 65:1

Xyehom li Qaawa' chi jo'ka'in: “Laa'in xin'elk chi xk'ulb'aleb' li ink'a' neke'patz'ok we ut xink'e wib' chi tawe'k xb'aaneb' li maajun sut nikine'xsik'. Xinye reheb' li ink'a' neke'xpatz' link'ab'a': «Wankin arin, wankin arin».

Jeremías 14:9

K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!

Jeremías 15:16

Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Isaías 63:19

Yooko chi xk'ulb'al chanchan naq maajun sut xqak'ab'a'in laak'ab'a', chanchano jun tenamit li maajun sut xat-awab'ejink sa' xb'eeneb'.

Isaías 11:14

Te'xik sa' xjayal rokeb'l saq'e chi yalok rik'ineb' laj Filistea ut toxe'xchap chi maak'a'aq sa' xch'ooleb'; chi xkab'ichaleb' te'xxok li xb'ihomaleb' li poyanam li wankeb' sa' xjayal releb'l saq'e. Toxe'awab'ejinq sa' xb'eeneb' laj Edom ut Mohab, ut eb' laj Amón te'paab'anq chiruheb'.

Salmos 60:8

Li Yos x'aatinak chaq toj sa' li xloq'laj ochoch: “Ok we chi xjachinkil Sikén chi sa sa' inch'ool, tinb'is chixjunil li xtaq'ahil Sukot, chan.

Génesis 27:37

Kichaq'ok laj Isahak ut kixye re laj Esaú: “K'e reetal, xink'e laj Jakob cho'q aj eechal aawe; xink'e chixjunileb' li riitz'in cho'q aj k'anjel chiru ut xink'e xtriiw ut xb'iin. Anaqwan k'a' ta chik ru tinb'aanu cho'q aawe, at walal?”.

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Malaquías 1:4

Wi ta eb' laj Esaú te'xye: “Yaal naq xoosache'k, ab'an tqawaklesi wi' chik li qatenamit”, cha'qeb', li Qaawa', li Nimajwal Yos, tixye: “Wi eb' a'an te'xwaklesi wi' chik li xtenamiteb', laa'in tinjuk'uq wi' chik re. Ut li na'ajej a'an tixk'ab'a'in: «Xtenamitul li maa'usilal», ut «Tenamit b'arwi' junelik wanq li xjosq'il li Qaawa'»”.

Joel 3:8

Tink'ayi eb' leeralal eek'ajol reheb' laj Judá, ut eb' a'an te'xk'ayi reheb' laj Sabá li najtil tenamit”, chan li Qaawa' Yos.

Hechos 15:18

Raatin li Qaawa', li nab'aanunk re anaqwan li ak k'uub'k'u chalen chaq q'e kutan».