Amós 9:11 - Q'eqchi Bible

¹¹ “Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Li Santil hu

¹¹ Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

Amós 9:11 ပူးပေါင်းရင်းမြစ်များ

Isaías 16:5

toja' naq jun sa' xyanqeb' li ralal xk'ajol laj David taa'ok cho'q awab'ej, taa'awab'ejinq rik'in chaab'ilal ut tiikilal, tixk'e xch'ool chi xsik'b'al li yaal ut seeb'aq xk'a'uxl chi raqok aatin jo' xk'ulub' li junjunq.

Salmos 80:12

xe'wulakje'k li ruq' toj sa' li palaw, ut eb' li xtux xe'nimank toj sa' li nima' Éwfrates.

Isaías 63:11

Toja' naq kijultiko'k reheb' li kutan junxil chaq naq laj Moisés kixkol li xtenamit ut ke'xpatz'i rib' chirib'ileb' rib': “B'ar wank li Yos li ki'isink chaq re laj Moisés sa' li nima' ut kixkol laj k'aak'alehom re li xketomq? B'ar wank li Qaawa' li kixk'e li xsantil musiq' re laj Moisés

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Ezequiel 36:11

Tink'eheb' chi k'ihank eb' li poyanam jo'wi' eb' li xul, te'k'iiq ut te'tamq chi us. Q'axal te'naab'alo'q wi' chik jo' najter, ut jwal twusila eeru re naq q'axal sa wi' chik wanqex chiru chaq junxil. Ut aran teenaw naq laa'in li Qaawa'.

Ezequiel 17:24

Ut chixjunileb' li che' li wankeb' chiru tzuultaq'a te'xnaw naq laa'in li Qaawa'. Ninkub'si xwankil li che' naxnimob'resi rib' ut ninterq'usi li che' kub'enaq xwankil. Ninchaqihob'resi li raxche' ut nink'e chi raxo'k li chaqiche'. Laa'in li Qaawa' xin'aatinak ut tinb'aanu li xinye»”.

Lamentaciones 5:21

K'eho chi sutq'iik aawik'in, at Qaawa'; ak'ob'resi wi' chik li qayu'am jo' junxil.

Jeremías 46:26

Tinq'axtesiheb' sa' ruq'eb' li te'ajoq xkamsinkileb', sa' ruq' laj Nabukodonosor, li awab'ej re Babilonia, ut sa' ruq'eb' li neke'tenq'ank re. Ab'anan moqon chik taatenamito'q wi' chik jo' naq xwank xb'enwa -chan li Qaawa'-.

Isaías 5:5

Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Li xHu LAJ JOB 1:10

Ma maawa' tab'i' xb'aan naq laa'at nakatk'aak'alenk re, li xjunkab'al jo'wi' chixjunil li k'aru wank re? Xawosob'tesi li xk'anjel, ut eb' li xketomq neke'xnujob'resi li ruuchich'och'.

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Jeremías 30:9

te'k'anjelaq b'an chik chiru li Qaawa', li xYoseb', ut chiru laj David, li tinxaqab' cho'q awab'ej.

Salmos 143:5

Jultik we eb' li kutan ke'nume'k junxil, nink'oxla rix jo'nimal li xab'aanu chaq, ut nanaqk sa' inch'ool chixjunil laab'aanuhom.

Salmos 89:40

xasach xwankil laasumwank rik'in laj k'anjel chawu, ut xamux sa' ch'och' xloq'al li xkoroon.

Números 24:18

Taareechaniheb' laj Edom ut eb' laj Seír. K'ajo' naq taanimanq xwankil laj Israel.

Isaías 58:12

Taawaklesi wi' chik li xpo'lemil laatenamit ut taak'ojob' wi' chik li rub'elankil li kiwank najter. «Aj waklesinel po'lem» taak'ab'a'in; «aj yiib'ahom re li po'lemil ochoch», cha'qeb' aawe chixjunileb'.

Isaías 65:9

Tink'e chi k'ihank eb' li ralal xk'ajol laj Jakob ut eb' laj Judá te'eechaninq re eb' lintzuultaq'a; li ch'och' taa'eechaniiq xb'aaneb' li sik'b'ileb' ru inb'aan ut aran te'wanq laj k'anjel chiwu.

Jeremías 18:9

Wan ajwi' naq na'alaak sa' inch'ool xwaklesinkil ut xk'eeb'al xwankil junaq tenamit malaj awab'ejihom.

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.

Miqueas 7:8

Matsaho'k rik'in linrahilal, at tenamit li xik' nakat-ilok we, xb'aan naq us ta xint'ane'k, tinwakliiq wi' chik; us ta wankin sa' aak'ab', li Qaawa' a'an linsaqenk.

Miqueas 7:11

At Jerusalén, chalk re li kutan naq taawaklesiiq wi' chik laasuttz'akil ut taayu'manq ru laateepalil.

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

Zacarías 12:7

Ab'anan xb'een xb'een tinkoleb' laj Judá, re naq ink'a' taanimanq li xloq'al eb' li ralal xk'ajol laj David, ut eb' laj Jerusalén ink'a' te'xnimob'resi rib' sa' xb'eeneb' laj Judá.

Zacarías 14:10

Chixjunil li na'ajej a'an junes taq'a taakanaaq wi', chalen Keba toj Rimón, sa' xjayal rokeb'l iq' re Jerusalén. Ka'ajwi' Jerusalén tkanaaq taqe'q sa' xna'aj, ut wanqeb' xpoyanamil, chalen sa' li Rokeb'aal laj Benjamín toj sa' li Najter Okeb'aal, a' li Okeb'aal li wank sa' xuk; ut chalen wan wi' li najt xteramil rochoch laj Jananel toj sa' li xyatz'leb'aal aseeyt li awab'ej.